Breaking:KIA ralkap nih kawl ralkap an tei hna’A sinain helicopter bakin ralkap nih doh an tim.

Thawngpang

KIA nih Myitkyina Pawng Ralkap Sakhaan Pakhat an Lak’Nihin zinglei ah Myitkyina he meng 13 hrawng a hlatnak Washawng khua pawng i Myanmar ralkap sakhaan cu KIA nih zinglei sml. 5:00 hrawng ah an doh i suimilam pahnih chung ah an lak khawh, tiah theih a si.

Hi Myanmar ralkap sakhaan hi Washawng, Chiphwe le Kanpeihtti lamton ah a ummi a si.
KIA nih sakhaan an lak hnu ah Myitkyina khuachung ah Myanmar ralkap helicopter pawl an zuang i, Washawng lei ah ralkap thazaang an chap, tiah Kachin tualchung thawngzamhnak pawl nih an ttial.The Chin Journal

Thawngdang:Tlangcungmi hriamtlai hna he ceihmainak ngeih lio a si ko nain Myanmar mipi runvennak ca ah ralkap bu dirh ding in timhtuahnak kan ngei, tiah caankarlak Myanmar cozah “National Unity Government” NUG nih nihin April 16 ah an tuahmi Press Conference ah an langhter.

NUG runvennak vuanci U Yi Mon nih, “Mipi runvengtu ralkap bu ah Federal Democracy a dirpitu mino pawl an i tel lai.Tlangcungmi hriamtlai hna he ttang tti in mipi runvennak an tuah lai. Federal Army timi ralkap bu a chuah hlah ah Federal Alliance timi bu zong a chuak hmasa kho,” tiah a chim.

Federal Army dirh kho ding in ramkhel lei hnatlak kong pawl tlangcungmi hriamtlai hna he kan i ceih lio a si. Atu kan ser dingmi mipi runvengtu ralkap bu zong hi Federal Army tang ah a um dingmi ralkap bu pakhat a si ko,” tiah a chim chap.

Nihin April 16 ah CRPH nih caan karlak Myanmar cozah NUG an dirhnak kong thawng an thanh hnu suimilam tlawmpal ah Press Conference an tuah colh i, mipi runvengtu ralkap bu dirhnak kong zong U Yi Mon nih a hun langhter hi a si.

Nihin ah caan karlak Myanmar cozah thar tlamtling tein an dirh khawh caah Yangon ah cun zaan hnu ah mizapi nih minute 3 chung zapei benghnak an ngei hna.The Chin Journal

Leave a Reply