Military University Sianginn Dihmi Hi Mipi Harsatnak Petu Bik An Si Military University sianginn dih mi hna hi mipi hna cung ah harnak tambik a petu an si tiah CDM tuahmi riansang hna nih an chim.

Military university sianginn dih mi hna cu mipi phaisa rampi phaisa in siangca cawng mi an si i mipi hna cung zong ah harnak tambik pe tu an si ram ca zong ah rian tlinh lo in sianginn dih mi an si tiah CDM a tuahmi ralkap riansang hna nih an chim.

February 1 ralhrang nih nawlngeihnak an lak hnu ah mipi hna cu thi hna seh tiah ruahchan in hramhram in an thah mi hna hi vawlei ah cawlcanghnak rian la tu military university sianginn dih mi hna le palik phu in rianngei tu hna nih hramhram uknak la tu ralhrang phu hruaitu lutlai hna fial nak in an tuah tiah an chim.

Mipi nih an pek mi ngunkhuai in military university ah cawnnak an ngei i rampi caah riantuan than ding an si tikah,mipi hna cungah hramhram in thahnawn nak a tuah mi hna military university sianginn dih mi riansang hna nih an thil tuah ning hi fim an cawnnak sianginn mual a pho ter leng ah military university sianginn tuanbia hrawktu an si tiah CDM tuahmi ralkap riansang si mi military university voi 52 nak ah dihmi Bugyi Ngyi Tuh Ta nih a chim.

Rampi phaisa in raltuk a cawng mi military university sianginn dih mi hna cu rampi le mipi hna caah zeitluk tiang dah rian an tuan khawh tiah biahal nak a um poh ah military university sianginn dih mi riangsang pakhat dir hmun cu ka ning a zak ngai tiah Bugyi Ngyi Tuh Ta nih a chim chap.

A hlan ahcun military university sianginn kai ding ah minung hi rikhiah mi leng tiang in an sok cio, military university kai a duhtuk ko na in a kai kho lo mi hna an rak um nain a tu ah cun military university sianginn kai ding ah a sok mi an tlawm tuk caah traning kainak sok ding cu ni sauh in an auh than.

Nawlngeihnak lak hlan ah military university sianginn dih mi riansang pakhat dirhmun in teinak a chuahtertu kan nu bik military university tiah lunghmuih a rak si tuk na in atu ahcun sianginn dih hna ruangah military university sianginn ka kai mi zong ka ngaihchih tiah ralhrang uk duhlo cawlcanghnak ah a tel mi Bugyi Zar Ni Awng nih a chim.

Ralhrang hruaitu cheukhat hlawknak ding in hramhram riantuannak rampi nawlngeihnak la tu ralhrang phu kuttang ah riantuan duh lo caah CDM a tuah mi ralkap riangsang in 1000 hrawng an um NUG nih theih pi in code number zong tuah piak an si tiah DVB nih a tial the chin post.