Chin mipi dihlak sin ah thawngthanh nak a biapi tuk caah share in kan bawm ve uh

Thawngpang

A thiami hna chimmi chung in Khamnak Sii Vaccine a um lo nak hmun i Tu Rai khamnak lam um chun cu i chonhnak Cingcik cahter a si. Cu cahter nak ding ahcun A Zawmi nih Midang chonh lo i zuam ding.A zawmi poh kha Covid zoh i zoh in Ralrin tein thlopbul ding. Dawt lo a si lo.Adammi zong nih mi he hlat Social Distancing in um ding.

Herh lo ah Leng chuah lo ding. “Virus hi ke a ngei loh. Ke ngei Minung kan i chawh lo ahcun a karh kho loh” an ti kha mu. Hmurhuh Mask hman hrim hrim ding. Kut Satpiat in i tawl leklek ding Tuanvo ngeitu Nawlchuah tha tein zulh.Taksa thawnter ding (Mitkuh vuai te ih, Ti tampi din, Eidin thaw deuh i zuam Thinlung thawnter ding (Pathian bia in thazang lak. A Zawmi an dam than dih ngawt Pakhat le pakhat i bawmh ding.

Pathian nih Israel mi zulhphung a chiah piak hna.Lo nan tuan ah, thei nan lawh ah a dihlak nan zun lo lai loh. Sifak santlai lo, nuhmei ngaktah le khual caah nan nganh hrim hrim lai. Keimah cu Bawipa nan Pathian ka si Lev 23:22. “Na hmuhmi (ngeihmi) Nangmah ca long hmang hrim hrim hlah” tinak a si cu mu. Cathar ah “Thi le Hnai he a ril ko mi bawmh lo cu Pathian lung a tong hrim hrim lo Luke 10: 25-37 Bible nih “Zei poh caan an ngei” a ti bang, hi Rai zong hi a dih caan a ra lio ko. Hmun dang zong ah a parpahlek a phanh cun a tum ziahmah ko.Tap ti hlah law, Thaizing Niceu dawh a chuah te lai Carson Siangbawipa Van H Thang chin morning star.

Thawngdang Tuluk ram ah pasal a ngei mi Lai nu pehtlaih khawh a si ti lo ca ah chungkhar lungre a thei Kalaymyo, Tahan in Tuluk ram ah a kal hnu ah, Tuluk ram Yunnan Porvince ah pasal a va ngei mi nu Sung Tin Par cu pasal a ngeih hnu in pehtlaih khawh a si ti lo ca ah chungkhar lungre thei in an um.

Ka nau hi Tuluk ram ah nulepa lungtlinnak tein pasal a ngei mi a si ko nain puai an tuahnak ah cun kan i tel kho lo. A thawng kan theih ti lonak hi 2020 June thla in a si cang. Amah zong kan pehtlai kho ti lo i, a pasal zong kan pehtlai kho ti lo,” tiah a unu a si mi Nu Van Iang Zi nih The Hakha Post ah a chim.Nu Sung Tin Par cu kum 19 a si i Kalaymyo, Tahan um Zaangtlang khuami Pu Thang Kuk le Pi Sui Meng hna i an fanu a si. Tahan a chuah taaknak hi 2019 in a si tiah a chungkhar sin in kan theih.

“Kan si khawh tawk kan hlat lengmang nain a kong kan thei kho ti lo. Kan sin zong ah a rak tlung ti fawn lo. Kan i ruahchan mi cu, pakhatnak ah Pathian a si i pahnihnak ah Tuluk ram um a hawile Laimi nih an theih ve i an kan pehtlaih nakhnga hi a si ko,” ti zong Nu Van Iang Zi nih The Hakha Post ah a chim.

Nu Sung Tin Par a thawngpang le a umnak a thei mi nih, phone number +917085074876; Whatsapp +919863352974; Sarah Vaniangzi Facebook Account https://www.facebook.com/par.pari.733 ah siseh, The Hakha Post Facebook Page chat box le hakhapost@gmail.com pakhatkhat poh ah pehtlaih le thawng thanh ding in chungkhar nih bawmh halnak an tuah.
Hmanthlak: Nu Sung Tin Par le a pasal hmanthlak an si.

Thawngdang Myanmar ram democracy hmuh khawh naak dingah mipi hna nih an si khawh chung chuah in ttan an laak lio ah, raalhraang hna zawng nih cun an bawi naak le nawl an neih naak cu mipi hna sin ahcun pehzulh tein an rak hman chin chin ve, kachin ram i nwe lan ti mi khua te pakhat ah nu pakhat cu raalhraang misual chiahru pawl nih an mi zei rello naak hmangin an tlaihhrem hnu ah a nun naak te hmanh zuah piak lo tein thinphaang le lungkuai in an tuah to hnu ah an thah beh tiin khua mi nih an chim.

Mah an thah mi nu hi lo a tuah mi a si i lo a kal pah lampi ah raalhraang misual hna nih cun an rak tuai tam i a pawngkam ah le a hohmanh bawm chan kho tu an um fawn lo. A mah hi kum 51 hrawng in a upa mi a si i, july ni 14 ah khan a ruak hi a thih naak hmun ahcun khua mi ai chawk vaak mi nih an hmuh i an char.

A thih daan tha tein an hlathlai hnu ah tihin an taar langh, van chiat naak a tawng mi zaang fah a um tuk mi nu hi a duh lo tuk bu in tlaihhrem a si hnu ah naamte in hmun tampi ah an sawh i a thi mi a si i, an tuahtam lio ah hin a au khawh lo naak hnga tiin a angki cu a ka chungah an rawn piak, a tlaihhrem tu hna hi raalhraang minung pa 3 an si tiin theih a si i hi hna pa3 hi raalhraang in a zaam mi an si ti zawng a hnu ah an vun theih thaan, hi bantuk in misual chiahru hna pa3 cu naung kuan raalkaap hna nih an tlaih cang hna ti zawng khua mi sin in thawng theih a si.

Thawngdang Kani Peng Ah KhahLah Yiah 2 In A Zaammi Rallokap Pakhat Sui Le Ngun He An Tlaih Sagaing ramthen Kani peng ah hmai a kal mi rallokap i Tatmah 44 kuttang KhahLah Yiah 2 in a tli mi pakhat cu sui le ngun thilri he July 16 zaanlei ah tlaih a si.

Hi Rallokap hi Minkin peng မင္းကင္းၿမိဳ့နယ္ Mohkataw khua in a rak tli mi a si tiah mipi ralkap huaitu pakhat nih a chim.Khua mi mipi nih thawng an kan thanhnak ahcun rallokap pakhat a tli mi kan tlaih.Kan tlaih hnu in kan check hnu ah rallokap phu 44 phu in a ra mi a si ti kan hngalh. Sui le ngun sing 7 hrawng he a si .Thilri pawl cu Ban hrolh, Thi 2,Thi lep an si.

Kan tlaih mi rallokap pa hi nai hrawng ah khan Kani peng Zinnkhua ah sualnak ngei lo mipi minung 16 cu a tlaih hna i a thah hna i an sui le an ngun a lak piak tu rallokap pawl ah khan pakhat a si tiah Zinn khua mi hna nih an chim.An tlaih mi pa tu nih cun kei cu khua mi a that mi pawl ah khan cun kaa tel lo tiah a chim.

Rallokap ka luhnak hi Training kai nak No 1,2019 ah ka kai.Atu hi kei cu tatzin 44 ka si. Kanmah Tatzin 44 hi Kani peng le Minkin peng ah tiah kan i then.Sualnak ngei lo mipi cu kan tlaih hna i bia kan hal hna kan tuk kan velh kan thah hna. July 9 Kani peng Zinnkhua ah sualnak ngei lo mipi minung 17 cu a ruang um lo in kan thah hna.Asinain kei cu a hmai lei ah hmunhma ka lak i mah minung 17 thahnak hin cun ka tel lo.An kahnak meithal thawng tu cu ka theih ko tiah a chim.

2020 September thla thok in hmailei ah ka kal peng i inn zong ka tlung kho ti lo ti nak kong le ka chungkhar he nuam te in um i tuan ei ti ka duhtuk cang caah rallokap ah hin ka tliknak a si tiah a chim.

Abik in mipi thah le thah lo nak kong hi cu kan ralbawi pa nawlchuah mi a si. Keimah duhnak in cun sualnak ngei lo mipi thah hi cu tuah ter ka duh bak lo.Mah hi nifatin ka hmuh caah rallokap in ka chuahnak hi a si tiah a chim chap.

Kani mipi vengtu phu hna nih tu an tlaih mi pa cu himnak le tha tein an chiah i ka khua ah tlun ka duh a ti caah kan tlunter lai tiah mipi vengtu phu hruaitu nihcun a chim.Kani peng chungah rallokap pawl nih uknak tha lo a do mi mipi le khuami pawl cu an tlaih hna i an hrem hna an thah hna i an thilri an lak piak hna the chin post.

Leave a Reply