Dalan riantuan ralhrang thawng peh tupa thilak meithel in an kah

Thawngpang

Yangon ramthen, Kamaryaut (ကမာရြတ္) peng no.3 sang Thantapin(ထန္းတပင္လမ္း) lam le Saedanatuh(ေစတနာသု) lamkar inn number 17 ah dalan tiah ruahmi thawngpe si hrim lai tiah mitam nih ruahmi U Tin Hlah cu nihin zinglei suimilam 5:00 hrawngah meithal in kah a tong tiah Kamayut Information thawngzamhnak nih an langhter.

“Tuzing suimilam 5:99 hrawngah an pawngkam mi pakhat chimnak ahcun au thawng ka theih caah ka va zoh cu a cal ah meithal in kah a rak tong” tiah a hmu tu mi pakhat nih a chim.

Yangon Khit Thit Media nih Kamaryaut(ကမာရြတ္)peng khuami pakhat cu pehtlai in thawng hal a si tik ah ralhrang sin thawngpe tu dalan tiah ruahmi U Tin Hlah thah a tonnak kong cu, thawng dik a si ko tiah theih a si, nihin zinglei ah ralhrang phu hna le palik nih runvengtu tampi hna he motor in an phan tiah a hmutu pakhat nih a chim.

Kamayut Information thawngzamhnak nih an langhter ning ah nihin suimilam 8:00 thok in Thantapin(ထန္းထပင္) lam ah (motor ngan pakhat,Dc 5, inn cit mi motor pakhat) he palik le ralhrang phu minung 30 leng cu, cu thil can nak hmun ah an phan i an pawngkam zong ah kherhhlai nak an tuah tiah theih a si the chin post.

Thawngdang Nikhat Ah Covid-19 Zawtnak A Chawnmi 2600 Leng An Si,185 An Nunnak A Liam Kawlram chungah nikhat ah Covid-19 zawtnak a chawnmi 2600 Leng an si i, nunnak a liam mi hi 185 an um tiah ralhrang phu lei ngandamnak zung nih August 15 ah an thanh.

Checkhlatnak ahcun hramhram nawlngeihnak lak mi duhlo ruang ah cawlcanghnak (CDM) ah a tel mi sizung lei mi checkhlatnak tel lo in, ralhrang kuttang um sizung tamdeuh ah checkhlatnak an tuah mi si caah zawtnak hmuh mi zat hi fianghlang in theih khawh a si lo.

Vuanci zung nih thanh mi chungah a luancia mi suimilam 24 chung ah minung 10105 cu zawtnak check an si i, cu chung ah minung 2674 sin in zawtnak hmuh a si.

A luancia suimilam 24 chungah zawtnak in a dam i, sizung in a tum mi hna hi minung 3488 an si.Atu caan tiang ah Covid-19 zawtnak in nunnak a liam mi hna dihlak hi minung 13263 an si,cun zawtnak a chawnmi hna dihlak hi minung 354279 an si tiah theih a si.

Kawlram chungah voikhat nak Covid-19 zawtnak hmuh mi hi a luancia mi 2020 kum, March 23 ni ah hmuh a si i, a luancia January thla 27 nih ahcun Asian ram chung ah a tuan bik runvennak sii chunh hmasa mi ram a si.

Atu lio ah Covid-19 zawtnak chawnhning a karhtuk caah ramchung sianginn ca cawnnak zong khar a si,zawtnak in i runven le kham khawh nak ding ah mipi hna zungkhar ni cu August 22 tiang sauh a si tiah ralhrang phu nih thawng an thanh.Ramchung ah zawtnak hmuh a tamnak hmun peng 119 zongah Stay at home ding in rikhiah nak an tuah the chin post.

Leave a Reply