Dr Anthony Fauci nih Coronavirus i khamhnak Vaccine Kong Cu Fiang Taktak In A Chim Cang

Thawngpang

Dr Anthony Fauci nih Coronavirus i khamhnak Vaccine Kong Cu Fiang Taktak In A Chim Cang

Dr Anthony Fauci nih Coronavirus i khamhnak Vaccine cu November thla dih ahcun a chuak kho lai tiah a zumhnak BBC one interview ah a chim. A hmangtu hna caah a himmi le hmual a ngeimi a si lai tiah a chim. Vaccine chuah le cangka ngamdamnak lei riantuan mi healthcare worker vialte phawt hmasa an si lai. Mizapi caah cun kum dih hnu lawngah phawt khawh a si lai tiah a zumhnak a chim.

Oxford University le AstraZeneca sii company nih an serchuah mi vaccine le Moderna company nih an chuahmi vaccine cu minung thong 40 tluk ah a donghnak bik final trials an hniksak lio a si. Atu tiang an test mi ahcun hlawhtlinnak an ngei. Credit: Salai Lairamthang

Relchap; Congratulation Amy Coney Barrett! Senate nih Amy Coney Barrett cu an fehter cang. President Trump ca lawngah teinak si loin, Khrihfa ca hrimhrim ah teinak thawngtha a si. Pathian thawnnak hmual a langhnak zong a si fawn. Mah ruangah President Donald Trump kan dirkamh cionak a si. President Donald Trump nih tutan thimnak ah teinak co lo hmanh seh, Supreme Court ahcun khrihfa kan zumhnak a him cang. Pathian a tel ahcun Zei paoh a si kho ko. Khrihfa zumhnak a dirkamhtu President Donald Trump nih teinak a hmuh thannak dingah thlacam cio kan herh rih.

Tuan i ka tial bantuk in Republican senator 53 an um i, Maine Senator Susan Collins lawng nih duh lonak thimfung a thlak. Democrats 45+2 Independent le Susan collins an dihlak 48 nih duh lonak thimfung an thlak. Pathian thawnnak a langh nak a si. White House ah President Donald Trump nih lawmhnak puai a tuah hnu ah Supreme court Justice caah biakamnak a tuah colh lai. Supreme Court ah khrihfa zumhnak a dirkamhtu conservative biaceihbawi, minung 6 le zum lotu hna a dirkamhtu liberal biaceihtu minung 3 an si cang, cucaah khrihfa zumtu hna caah kan himnak a si.

Hi hnu kum 30 in kum 40 chung cu khrihfa mi kan him rih lai tinak a si. Zum lotu hna le liberal democrats hna nih an dirpi mi nule nu pale pa thit-umhnak, same sex marriage, nau thah, nau hrawh, abortion, nu sinak le pa sinak a thlengmi hna, transgender timi a pommi hna caah cun thawngchia taktak a si ve. Credit: Salai Lairamthang

Leave a Reply