Dr.Sa Sa Nih Kan Ram A Buai Ter Chin A Poi Ko Cang

Thawngpang

Dr. Sa Sa nih kan ram hi a buai ter chin chin. Dr. Sa Sa cu zumh a har tuk cang. Zeitluk in dah Myanmar Ram mipi nih an rak i bochan kha nan mitthlam ah a cuan ti dek maw? Live interview an tuah ah cikhat ah 50k a kai kho colh. Mipi nih Dr. Sa Sa an rak i bochan ning a lang.

Caan tlawmpal a kal ah a facebook page zong blue mark a ngah colh. Congratulation one again. Bia a chimmi pawl hi a ropui tuk. Salai Van Bawi Lian Daw Aung San Suu Kyi hmanh Pathian Ni ah rak ra ti hlah uh a ti tu kha nih Dr. Sa Sa hi a chim ning ban tuk in a tuah kho te lai lo i, Kawl nih an ka zumh lo ning a fak tuk te lai. Cu caah bia chim cu a tuah khawh ding a si zong ah i ralring sehlaw a ttha tiah a rak chim bal.

Dr. Sa Sa nih Min Aung Hlain a hro tuk nak ah an sualnak hi a zual chinchin. A buai chinchin. Nain Dr. Sa Sa nih a chimmi chung in nihin ni tiang ah a hlawhtling mi pakhat hmanh a um rih lo. PDF meithal hmanh hi thatthi in an pek kho hna lo.A mah inn hlannak le a chungkhar zohnak hmanh ah a lungrethei cang tiah mi tampi nih an zumh caah bomhnak zong an pek tiah kan thei.

Zaangfak tuk a si ko nain Dr. Sa Sa nih bia hi fak tuk in a chim lo ah a ttha. Kawl Ralkap chia le bang nih cun Seihkuyin tama-Dreammaker tiah a min an phuah phah. Kan ram i daihnak kan hmuh khawhnak ding cu Pathian lawnglawng hi bochan ding a si ko cang Laknak Political Evaluation.

Ralhrang phu nih cun Loikaw thonginn chung bomb an thlakmi kong ah KNPP le PDF phu hna nih thongtla mi hnursuannak le khuachung ah thil ningcang lo a cannak ding ah cu thonginn cu an doh i, cozah nih a sakmi inn cheukhat le thonginn cheukhat cu an hrawh, tiah nihin January 13, ah ralhrang kuttang um thawngzamhnak pakhat nih a langhter ve. Kaphnih kar kahdohnak a chuah lio ah ralhrang phu hna nih motor 6 he, thonginn chung ah a ummi rianṭuantu hna cu an laak hna hnu ah ralhrang phu nih thonginn runvennak an tuah, tiah theih a si.

Atu ah cu thonginn hmunhma pawng hrawng cu ralhrang phu minung thazaang 150 in 200 kar nih an kilven caah kaphnih kar kahdohnak a chuak kho ṭhan, tiah KDF lei nih an chim. A luancia January 11 ni zong ah cu thonginn pawng hrawng ah mizapi vengtu ralkap phufonh hna le ralhrang phu kar kahdohnak a rak chuak i ralhrang lei in minung 5 an thi tiah theih a si. Loikaw thonginn cu Dawukho(ဒေါဥခူ) sang ah a um mi a si i, sualnak ruangah thongthlak a tong mi hna leng ah ralhrang uk duhlo in a dohtu ramkhel lei tlaih a tong mi 200 hrawng thong an tlaknak hmun a si, tiah theih a si The chin post.

Relchap hna Zaw Min Tun nih kannih cu USA zong nih an kan dirpi i bawmhnak zong an kan pek lai tiah a chim. Hi thil a chim hi Ralhrang lutlai Min Aung Hlaing le Former United Nations envoy Bill Richardson (UN palai hlun) hna Naypyidaw ah tuni an i ton hnu ah a chimmi a si.

UN palai hlun pa Bill Richardson le Min Aung Hlaing i tonnak ah hin Covid-19 khamnak si-ai le Humanitarian assistance (minung le minung cio i bawmhchanhnak) kong hna an ceih tiah Zaw Min Tun nih a chim. Hi i tonnak ah Zaw Min Tun nih US le Kawlram i pehtlaihnak cu a rawk lo, rampi cozah tak tak a simi kanmah he kan ceihkhaanmi a si tiah a ti chap.

Cun UN palai hlun Bill Richardson nih hin zeiti lei in kan in bawmhnak lai timi cu a chim dih lo nain bawmhnak a herhmi vialte cu a rak phanh hrim hrim a herh tiah an kan dirpi nak zong a chim tiah Zaw Min TUn nih a chim.

Thawngdang Matupi peng chung, Sabawng Te khua ah a um mi SAC ralkap Sakhan cu CNF le CDF nih an lak khawh cang, an mah control nak in humhim khawh a si cang tiah kan theih. Hi Sakhan hi CNF le CDF nih an kulh lengmang mi a si i ralkap pawl leng an chuah paoh ah an rak kah hna, cu caah ralkap pawl cu leng chuak ngam ti loin caan saupi Sakhan chung ah cun an rak erh khumh hna tiah Khuami pakhat sin in kan theih.

Nai January 5, 2022 ah khan Matupi peng, Sabawng Te SAC ralhrang Sakhan ah a um mi, Ralkap pawl hna cu leng chuak ngam loin an um nak a sau cang caah, an caah zeitin hmanh in umnak le thutdirnak a tha ti lo, cu caah Sakhan ah a um mi Ralkap vialte le an thilri hna cu, Helicopter in an rak lak dih hna i, an Sakhan cu an zaam tak cang tiah Matupi Revolution News nih a langhter.

Hi kong he pehtlai in CNF Spokesperson a simi le CNA Ralbawi ngan a simi Salai Htet Ni nih “Sabawng Te khua ah a um mi SAC ralhrang Sakhan cu an chuah tak ko cang. Helicopter pathum in an rak rat hnawh hna i Sakhan ah a um mi Ralkap le an thilri hna cu an lak dih cang hna. An mah tein an Sakhan cu an zaam tak cang” tiah a chim ve.

A luancia caan, kan hnu kum zong ah khan Thantlang peng, Vuangtu Khua ah a um mi Ralkap Sakhan zong an mah tein an rak chuah tak cang. CDF le CNF lei cawlcanghnak an zoh tikah Vuangtu Sakhan um ralkap pawl cu cawlcang ngam loin an um hnu, voi tampi CNF le CDF nih CDM tuah ding in ralrin an pek hna hnu ah an mah tein an rak chuah tak cang. Atu zong ah Matupi peng, Sabawng Te Sakhan cu saupi erh khumh an si hnu ah an mah tein an chuah tak than hi asi.

Matupi peng, Sabawng Te khua ah a um mi Sakhan cu ralkap nih an chuah tak, an zaam tak cang, a si nain Matupi peng chung ah a tu zong raldohnak cu a faak ngai ngai rih ko.

A tu thla thok hrawng in khan Matupi peng chung ah ralkap thazaang an chap i raldohnak faak ngai in chuah hram aa thok, cu caah CNF siseh, Chinland Defense Forces hna, Chin ramkulh chung hriamtlai hna nih biatak tein doh hna ding kan i timtuah i raldohnak a faak chin chin kho dirhmun ah kan um ko tiah Salai Htet Ni nih cun a chim fawn.

Cun Falam peng chung zong ah SAC ralhrang lei nih an thazaang an rak chap ngai caah pehtlai in kahnak le raldohnak a chuak cuahmah kho dirhmun ah kan um rih ko tiah Salai Htet Ni nih cun a chim hi asi.

Leave a Reply