2021 July 20 Falam peng chung CDF ralkap le SAC ralhrang (mithat phu) kahdohnak ruang ah pawngkam khua a si mi Tlangzar le Tal khuami hna cu ralzaam dirhmun ah an dir tiah tiah theih a si. July 20 ni ahhin suimilaam 3:00PM hrawng ah voi khat le suimilaam 5:30PM hrawng ah voi khat a si i hi kahdohnak ruang ah minung a thimi le aa hliam mi fiang in theih a si rih lo tiah kan theih.

Khuami an zaamnak kong he pehtlai in khuami pakhat nih,”Mah khuale ram zaam tak hi kan i tim lo. Asinain, atu lio SAC ralhrang sining hi cu mizapi nih kan theih dih cio. An hmuh mi poh tlaih le hrem le tukvelh an si tik ah khuachung mi nu le ngakchia ca ah kan ruah i kan zaam hi a si. An i kahnak hi kan khua he aa nai te. Zeitik tiang kan um lai kan zaam lai ti cu chim a har,” tiah a chim.

Hi kahnak hmun ah a ra mi hi an dihlak ah buakthlak in minung 80 hrawng an si tiah khuami nih an chim.Atu khua chuah takin a zaam mi khua hna hi an khua hnih fonh in minung 500 tluk an si tiah kan theih.Cun, khuami hna chung in minung pahnih an thawngpang theih a si rih lo. SAC lei nih an tlaih hna i si lai tiah khuami hna nih an zumh.

Thawngdang Yangon ramthen CDM lut in volunteer tuanmi sibawi te tlaih an tonnak kong he pehtlai in Buchoh Zaw Min Thun cu VOM nih bia hal nak an tuah,Sibawi te minung 5 cu oxygen dur pawl he tlaih an tong tiah BBC thawngzamhnak in thawng a hung lang mi kan hmuh,cu kong he pehtlai in Yangon ramthen in nawlngeitu hna cu an dihlak in chawnh an si cang, cu bantuk thil cang cu a um lo, tlaihkhih nak zong a um lo” tiah VOM ah a chim.

A dang biahalnak pakhat si mi cu thongtla hna hi Covid zawtnak a chawnhmi pa zeizah dah an si,zeitin dah zohkhenh le thlopbulnak nan tuah tiah an hal.Thongtla hna Covid zawtnak chawn in zawtnak karhmi kong he pehtlai in chim ahcun ram ning pi in thonginn ah a ummi thongtla hna chung in Covid zawtnak ngei mi minung 375 an si.Cu hna cu thong inn sizung ah a dang ten zohkhenh thlopbul nak tuah a si ko.

Thlopbul lio mi hna hi minung 208 an si.Covid in a dam i sizung in a chuak cang mi hi minung 152 an si, minung 375 ah zohkhenh lio mi 208 an si, sizung in tum cang mi hi 152 an si.A thi mi hi U Ngain Win tel in minung 6 an si.Atu langhter mi cazin hi Kawlram chung ah a ummi thong inn department,thonginn kip cazin ning a si” tiah Buchoh Zaw Min Thun nih a chim the chin post.

Thawngdang Minkin (မင္းကင္းၿမိဳ့) Khuami Pathum Cu Rallokap Nih An Thah Hna, An Thah Mi Hna Cu Tangkua Sianghngakchia, Khua U Pa Le USDP Party Tenhmi An Si Tiah Khuami Nih An Chim Sagaing ramthen,Minkin peng, Chindwin tiva in nitlaklei khua ah ralhrang rallokap nih luhhnawh hna in a luancia zarhkhat ah hnahnawhnak an pek hna tangkua kai mi sianghngakchia tel in mipi lei minung 3 an thah hna.

July 11 in 16 tiang ah khuathum in khuami pathum cu ralhrang rallokap nih an thah hna.Minkin peng, Inpinhlah khua ah ralhrang phu le pyusawthi(ပ်ဴေစာထီး) phu hna nih July 16 ah an khua ah an luhhnawh hna, tangkua cawnglio sianghngakchia Mawng Zuai Ko Ko (kum-19) cu rallokap kahnak in a nunnak a liam.

“Rallokap cu khuachung ah ra in ,aa thupmi pawl zong an tli, hngakchia zong, a tli mi poh cu an kah hna ,cu an kah hna nak ahcun an khen i a thih hi a si, an kah mi hna cu an hmuh mi poh an kah hna” tiah Sagaing ramthen mipi vengtu phu in ralkap Thu Rih Yah nih a chim.Inn pakhat zong an khangh,cheukhat inn hna cu an hrawh i thilmansung pawl zong an i kal pi tiah khua mi hna nih an chim.

July 13 ah Tanpoak khua in khua upa pakhat U Myint Swe (kum-60) zong ralhrang rallokap nih an kah nak in a nunnak aliam.USDP party tanh tu U San Win zong ralhrang rallokap hna cu a hrial hna nak ah a umnak inn Zinkalay khua ah eiding thir in a kal lio ah rallokap nih an kah caah a nunnak a liam.

”Amah cu USDP tha pe tu pakhat a si,ramlak zam in facang an ngeih ti lo caah facang a va lak nak ah an kah hi a si,a lu ah an kah , Ralhrang rallokap phu hna nih hin miphun thim lo, biaknak thim lo, party thim lo in an thah hna” tiah khuami pakhat nih a chim.

Ralhrang phu hna nih khuami an thah hna, inn an khangh piak hna, innchung ah lut in thilri an lak ,a phunphun an tuah ko nain ,lehrulh than ding ah i zuam zong ah rallokap lei biachimnak nawl ngeitu hna cu kan pehtlai kho hna lo.

Sagaing ramthen chung Yinmapin,Kani, Minkin,Kalay,Kanhbalu, Tanhsee le Palae peng chung ah April thla in July thla tiang ah voi 58 kahdohnak a chuak. Mipi vengtu phu in minung 67 an nunnak a liam i, ralhrang phu in minung 360 an thi cang tiah Sagaing ramthen mipi vengtu phu nih an lak mi cazin ning ah theih khawh a si.