Hakha cu:Kalay zong nih an bawm ve cang hna’Hakha ah fawi tein ralkap an ra kho tila lo.

Thawngpang

May 3 le 4 ah Kalay lei in Hakha lei ah an rak pok tiah an zumhmi SAC ralkap pawl cu Kalay peng chung ah le Gangaw peng chung ah mipi nih lampi in an rak kah hna. Kalaymyo Peng Kahdohnak’May 3, zaanlei sml. 5:00 hrawng ah Kalaymyo he meng 33 aa hlatnak Saetaw khua pawng i Nyaungchaung donhlei ah zawn ah mipi nih Hakha lei rat a timmi SAC ralkap pawl an kah hna.Kahdohnak ah aa telmi minung pakhat nih, “Motor 11 in an si. Hakha lei ah an kal i Gangaw lei nih lampi ah an rak kah hna. Cucaah, Kalay lei ah an rak kir tthan i Ngyaungchaung hlei ah Kalay mipi runvengtu bu (KRDA) nih kan kah ve hna,” tiah Irrawaddy thawngzamhnak ah a chim.

Ngyaungchawng kahdohnak hi suimilam pathum chung hrawng a rau. Zaan sml. 8:00 hrawng SAC ralkap pawl cu Kalay lei ah an vung kir.SAC lei nih ralkap a thimi pahnih an um bang in KRDA lei in minung pakhat a thih le a nun theih loin a tlau, tiah KRDA nih an chim. Gangaw-Hakha-Kalay Lamton Bomb Puahnak

March 4 chun ah Kalay in Hakha lei ah kai an tim tiah an zumhmi SAC ralkap motor 8 cu Gangaw peng chung Hakha-Gangaw-Kalay lei kalnak lamthum aa tonnak hmun ah bomb puah hnawh an tong, tiah Myanmar Now nih a ttial.
Gangaw khuami pakhat nih, “Kalay lei in a rak rami SAC ralkap motor 8 bomb in an puah hnawh. Gangaw peng chung i Hakha le Kalay lei kalnak lamtthen ah khan a si. Ralkap a thimi zong an um tiah an ti,” tiah a chim.Mah SAC ralkap motor pawl hi Hakha lei ah kal a timmi an si tiah kan zumh. Atu cu Gangaw khuachung ah an rak lut,” tiah a chim chap.The Chin Journal

Relchap duh mi hna caah a tang lei hi thawngdang an si’Nawl ngeihnak la ralhrang do dingin, Chin ramkulh chung ummi Chin miphun dihlak timhcia a si, Chin ramkulh cu Chin miphun nih ngeih mi a si. Min Aung Hlaing ralkap pawl chuahnak lam a um ti lo, lam a dihhlan ah CDM ah nan lut lai maw? Siloah nan zam lai dah? Chin miphun ramchung ramleng thazaang a funtom cang, ralkap umhmun,palek umhmun,Daalan chungkhar CDM ah a tel lo mi hna Chin ram vulei ah um a ngah lo,Chin ramkulh, pengkip le khuate kip ah a ummi mipi hna, chunzaan in timhcia an si cang. Ralhrang hmunhma pe hna hlah uh, khua chungah luh ter hna hlah uh, Saikel khuachungah luh ter hlah uh, Chin miphun am si le si lo tha tein zohfel hna uh.

Chin ramkulh he a pehtlai mi India phone hmang uh,ramri ah Internet, Facebook hman a ngah, Chin miphum miphun pehtlaihnak, timhcia um, ralhrang hna luhchuahnak phih,a voihnihnak ralpi lio ah Chin hriamtlai nih hman mi ,Chin ramkulh ah peng kip ah thong thlak mi hna nan thlah hna lo ahcun pakhat hmamh bu lo in hell ah kuat nan si lai.

Relchap a duh mi hna caah relchap khawh a si’Chin Ram Ah Raldoh A Vun I Thawk Pah Cang’Chin ram ah ziah ral nan doh ve lo tiah soiseltu tete tampi an rak um. Atu hi Hakha ah voihnih i kahnak a umtikah Chin ram Khualipi Hakha cu kingriangmang tein a um cang! Lampi hmanh ah minung hmuh ding an um ti lo titluk a si. Atu tan ral i dohnak hi caan tawi te lawng a si lai lo. Ralkap Uknak tei hlan lo poh cu meithal he raldoh peng a si cang lai. Cucaah kan mipi hna zong tampi an tuar ve hrimhrim lai. Cucu raldohnak nih a chuahpi mi a si.

Raldohnak a chuak tikah a bikin hriamtlai an thin a tawi te lai. Cu tikah Mipi ko nih kan tuar te lai. Chin mi hi a hlei in kan mirum pawl le Cozah riansang tuan pawl hi ralkap cozah he aa pehtlaimi minung an tam deuh! Cutikah ral a thawh taktak tikah cun Chin miphun chungin kan mirum le Cozah riansang tuan pawl hi an tuar deuh te lai.

AA ralkap nih cun ral an doh tikah hihi Kawl ralkap sinah thawngpang a pe tawntu a si tiah an theihmi cu an zuah hna lo. Cu ve bantuk in Chim ram ah raldohnak fak deuh a chuah tikah Kawl ralkap daalan pawl hi chin mi chungin zei mawzat an um ve caah hi pawl hi Lai ralkap nih tuanvo an lak tikah chungkhar le an hawikom caah tuar a har te lai.

Tutan ah Farrawn khuabawi an tlaih tiah online ah a honglar colh! Hi bantuk hi ral a thawh taktak ahcun a tamtuk te lai. Ral a dotu tahchunhnak ah CDF/CNA tibantuk nih minung an tlaih tik hna ah a ruang um loin an tlai hna lai lo. Caan tampi an zoh hnu hnu ah hihi cu a si ti lo tibank minung cu an tlaih duahmah te hna lai. Cucu raltuk nak nih a chuahpi mi theitlai pawl an si. Khi tikah a hohmanh nih au kanh ding a si te lai lo. (Na tuah hlan ah ruat hmasa timi phungthluk kha kan phan cang lai.)

Biadonghnak ah raldoh a van i thawk cang caah mipi zong ralrin deuh tein khuasak thiam a hau. Cun tutan ah CDM a lut duhlomi pawl ko caah ralrin ding a tam te lai. Luh caan ah lut lomi cu raldohnak nih a van nenh cang hna caah an tuh bantuk in an zun ve ko lai Tin Cung Lian.

Leave a Reply