Kan pu US President Joe Biden cu a chuahsual hoi cang e Afghan ralkap minung 182071 an um lio ah. Afghan ralkap minung 300,000 sin ah Training tha tein kan pek hna tiin a chim ko

Bia a chim tam poah le a pal peng caah Press conferenc Trump bantuk in an tuah ter duh lo mi kha a si i. Zeidah a law lengmang te lai ti cu Media pawl nih an ngiat peng mi si medison.

Thawngdang Ralhrang Hriam He An Zaam Timi Cu A Dik Lo Tiah Ralhrang Nih An Thanh Tayat le Thawai ah ralhrang phu cheukhat an hriam he an tli ti thawng cu thawngdik a si lo tiah ralhrang nih an thanh

Tayat(သရက္) le Thawai(ထားဝယ္) ah nizaan August 18 ni ah ralhrang phu chungtel cheukhat cu an hriam thilri he an tli tiah Facebook ah thawngpang a chuak mi kong ah ralhrang phu hna nih thawng dik a si lo tiah nihin August 19 ah an langhter.

Tayat(သရက္) peng chung hriamsernak hmun sehzung pakhat ah ralhrang phu minung 15 cu an hriam thilri hna he an tli tiah khuami cheukhat hna nih an Facebook ah an langhter mi cu,cu thil cang kong he a pehtlai lo tiah an langhter.

Nihin August 19 ni zong ah Tanintayi ramthen,Thawai peng um battalion pakhat in ralhrang phu chungtel minung 25 cu an hriam thil he CDM tuah in an tli tiah khuachung thawngzamhnak nih an langhter mi cu a dik mi thawng a si lo tiah ralhrang phu nih chuahmi cathanh chung ah an langhter.

Ralhrang phu nih tu bantukin a dik lo tiah bia el nak a um na in nihin Thawai khuachung checkhlat nak cu thatuk in an tuah thiam tiah khuami hna nih an chim.” Ni zaan ah ralhrang chung in minung 25 an tli tiah thawngpang theih a si hnu ah Thawai gate pali le khuachung luh nak hmun li cu nihin zinglei in checkhlatnak atu tiang an tuah . Ni dang Chun ahcun check nak a um lo na in nihin cu chun ni tlak checkhlat nak tuah dawh an si” tiah Thawai khuachung mi pakhat nih an khuachung thil cang cu BBC ah a chim.

Ramchung ah nawlngeihnak lak a si hnu ah ralhrang uk duh lo CDM cawlcanghnak ah hmunkip in a tel mi cozah riantuan tu hna, ralhrang phu in ralkap hna le palik zong an i tel ve.CDM cawlcanghnak ah a tel mi ralkap le palik phu tamdeuh cu tlangcung hriamtlaih nak a humhimnak hmun ah a dor mi zong an um cun mipi vengtu ralkap phu sin ah a fonh mi hna zong an um.