Kachin ramkulh Hpakanh peng chung Sapawh khuapawng riantuannak hmun hlun pakhat ah a ummi palek riahbuk pakhat cu nizaan september 13 zaan suimilam 8:45 hrawngah mei in an khangh tiah theih a si.

Mah palek riahbuk hi Sapawh khua pawng i Bumnang khua lungvar cawhnak hmun a hngaktu hna um nak a si i, palek pawl an um khawh ti lo nak dingah an khangh mi a si tiah khuami nih an chim.

Bumnang lungvar khor cawhnak hi riantuantu tam ngai umnak hmun pakhat a si i, palek riahbuk pin ah kudam pakhat zong mei nih a kangh dih tiah theih a si.August 21 ah KIA nih Seikmu khuakomh Kongsan khuapawng ralhrangbu riahbuk pakhat cu mei in an khangh tiah theih a si the chin post.

Thawngdang By Salai Ngun San Aung UN nih NUG hi phun gning cozah ah kan cohlan piak sual hlah sehlaw kan Dothlennak kan ngol lai mawZahan tlaipi tiang, cun nihin ka thawhka in tutiang hi kong hi ka ruat.UN nih nihin chun meeting ah NUG hi phungning cozah ah cohlang sual hlah sehlaw ti ruah ah mizapi kan lung a zor tuk sual lai maw ti ka phang.

Mi raltha Con Bik, Lal Luai, Vomthu Maung, Hrang Nawl chan in Vawlei nih an um ve ti hmanh an kan hngalh hlan zongah Minthang Mirang ralpi hmanh phaw le nam he a rak dirh ngammi Miphun kan si nak philh riangmang in kanmah lawng cun kan tei bal lai lo, kan thazaang aa thlau tuk, kan hriamnam aa thlau tuk, kan ba tuk tiah kan lungdong sual lai maw ti ka phang.

UN nih a kan cohlan zongah China le Russia sin dah loin hriamnam cawkzalhnak hi thilfawi a si hlei lo caah an kan cohlan zongah vukvek tiah zingzan in kan thawng colh kho hlei lai lo. China, Russia le US, EU pawl kar i entainak tu a thawng lai i Cold War lio bantuk khan anmah le interest cio ruat pah in an chuncaw vaihlam fang khi kan si pah thiam ko lai.

Cucaah kan innpa voksa chumhmi hngar i rawlei kathaw loin um nak cun kan ngeihmi bawnbok meh te kha a thaw bik in zeitin kan chumh lai timi tu kan ruah kha kan pawkhim deuhnak a si ko lai.UN cu kan bochan, Vawlei pi kan bochan hna. Asinain kan ruahning bang si sual hlah kun kan lungpur lo ding a biapi tuk. Kan chung thari kan ithawnter a herh. WA, Kokant, Mailar, Shan, Karenni, Kachin, Karen, Shan, Mon, Chin, PDF vialte kan ttan tti ahcun hi MAH le a minung pawl kan tei hna lo nak ding sullam a um lo.

Cucaah NUG nih UN lawng bawh siloin hi tlangcung hriamtlai vialte hi a kuutriit khawh hna, a komh khawh hna ding a biapi tuk. Tlangcung hriamtlai pawl nih NUG zong hi USDP te NLD te em ang in kawl thotho an si ko tiin hmuh loin zumhngamhnak (Trust) an ngeih khawhnak ding a biapi.

UN zong nih kan cohlang loin Miphun vialte zong nih hnu kan chit hna hmanhseh a Nung Pathian kan lei a ttan ahcun ho nih dah an kan tei khawh lai. Zeipaoh tlung ai kun Bawipa thawngin kan dirhmun fek sehlaw kan lungthin le thazaang thawng ko sehTeinak cu Bawipa ta a si.