Kalay PDF Sakhan Lak Ding In A Ra Mi Kalay PDF Tu Nih Ralhrang Pa3 An Rak Thah Hna

Thawngpang

Kalaymyo Ah PDF Sakhan La Dingin Ra Ralhrang Pawl Cu Bomb In An Rak Puah Ih Ralhrang 3 An Thi Sagain ramthen, Kalay myone, Le Chia(လယ်ခြား) Shia Taw(ရှားတော)khua pawl cu meisa thawn an ur hnu PDF sakhan pakhat laksak dingin a ra tu ralhrang ralkap pawl cu Ranger Kalay ttat phuaih in tuini December ni 3 , zing nazi 8:30 hrawngah palpuah bomb control bomb pawl thawn an rak do ih ralhrang mi 3 an thih thu Ranger Kalay pawl cun thu an suah.

Hi an donak ruangah ralhrang mi 3 thi in hriamhma tuar an tam zet, cui hriamhma a tuar tu mipum azat cekci cu felfai in an theih lo thu an thusuah mi ahcun an tarlang.

Ralhrang ralkap pawl cu Dalan ih hruainak in hmun 3 ah an thenaw ih ralkap thazang 120 lenglo thawn Ranger Kalay Defend Force lamah cun kulhpit in sakhan laksak thluh dingin an ra feh laiah Ranger Kalay pawl cun a hlankhan in thuhla an rak theihcia ruangah hitivek in bomb thawn do in an rak puahnak asi.

Ranger Kalay sungtel pawl lamin mi pakhat te hman kaih tuar lo ten thi le hriamhma tuar umlo ten a himnak hmunah dung an sipsal thei thu an thusuah mi ahcun an tarlang falam thawngzam nih an tial mi si caah an mah tial ning tein an mah holh tein ka van chia ve nan ka theithiam lai kan nawl ko hna.

Leave a Reply