Kan Ram Buainak Kong ah Rammi le a bik in Khrihfa hna nih kan theih awk Khrih Zumtu hna kan ca i Pathian a biakam Promise thluachuahnak cu van Arfi Stars bantuk tam in thiltha a kan tinhpiak.Gen. 15:5; Deut.28:1-14.Arfi cu Zan khua a mui deuhdeuh an ceunak a lang deuhdeuh i an tam ning a lang chinchin. Cu ve bantukin Bawipa biakamhmi thluachuahnak vialte cu kan nunnak ah muihnak bantuk a si mi harnak, hacangrial in tem-innak chung le sifah buainak chung i kan um tikah an lang an ceu deudeuh ve.

Lungretheihnak nih a kan kulh tikah cu a biakam hna cu an tling chinchinnak hmelchunhnak an si ve hna. Bawipa bia a ra mi ka cungah a tling hrimhrim lai tiah a zummi cu thluachuak mi kan si Lk.1:45.Kan caah Bawipa biakam cu kan khamh hna lai i thluachuah kan pek hna lai ti a si.Gen. 1:27-29; Gal.3:9, Psalms 2:8.Bawipa Pathian nih thihnak in nunnak ah a kan kamh hnu ah, Taksa Kan pum, pumpak le kan ram a kan khamhnak nicaan phan zau hram seh chin morning star.

Thawngdang Kawlca in tial mi page pakhat nih Dr. Ngun Cung Lian le Pu Ngun San Aung kong fak ngai in a hun tial nolh. Lainawng pahnih an si, CDF le CNF, Kawlrawn chug um mi PDF le NUG Cozah thawng in rampi daihnak a chuah tikah Dr. Ngun Cung Lian le Pu Ngun San Aung hi Chin miphun nih an ngaihthiam hna awk a si lo tiah a langhter.

“Mindat khuapi le pengkulh chung vialte raldohnak le thihnak, mino tleirawl thisen luannak, Pitar le Putar, nu le ngakchia tiang in ramlak ah ihnak thatthi ngei loin an hram nak vialte ah tuanvo ngeitu pahnih an um. Hakha le a pawngkam raldohnak, thihnak le Chin mipi ralzam dirhmun an umnak.

Falam peng siseh, Tedim peng siseh, Thantlang peng tiang in raldohnak le thisen luannak a chuahnak ah tuanvo ngeitu hna cu mipi thim lomi ralkap a dirkamhtu le ruahnak a petu Dr. Ngun Cung Lian le Pu Ngun San Aung hi an si. Chin mipi nih rak philh hlah uh. Pennak Ni, Teinak Ni kan phak tikah misual cu an lu tan hna awk an si lai khah” tiah a langhter.

Mipi thim mi NLD cu thonginn ah an chiah hna, Mipi thim loin an mah tein ram mipi uknak an chuh. Ram mipi thisen le nunnak tampi an lak. Minung million leng nih ram lak ah ralzam dirhmun in an um. Khualin le nisa lak, ruahsur le.

Thlichia lak ah riahnak runrep ngai loin le eidin tirawl, sii-ai thlopnak ngei loin an um lio ah Ralkap le a mipi cu hnangam tein inn pi chung ah an um. Chin mipi thisen a luan lio, eidin sii-ai kong ah lungre thei in um um lio ah Dr. Ngun Cung Lian le Pu Ngun San Aung cu ralkap cabuai cung ah nuam taktak le hnangam taktak in an thu tiah a tarlangh hi asi.

Rampi ral kan tei lai, kan tei hrimhrim lai. Ram mipi pennak, Democracy le Federal kan hmuh te tikah, Tlangcung miphun, Chin miphun nih an hal peng mi Federal uknak phung kan hmuh tikah an leirawl tu hna minung pahnih hi nan ngaithiam hna lai maw, thisen le nunnak tampi a latu an si timi rak philh hlah uh ti tiang in a langhter hi asi.