Kawl Ralkap Ruangah Anunnak Aliam

Thawngpang

Kawl Ralkap Ruangah Anunnak Aliam
========================

Atu bantuk hin kawlram kap an cawlcangh lengmang ko ah cun mipi caah hin temtuar nak atam tuk cang lai apoituk e. Mindat Ralzam Thla 7 Ngakchiate an Zaamnak ah a Nunnak a Liam Mindat peng, Maen khuate in hringtunulepa nih SAC ralhrang ruang ah an zaampimi thla 7 ngakchiate cu nihin (June 18) ah an zaamnak hmun ah a nunnak a liam. A nunnak a liammi naute hi Khui Shing Bu Ning a si An zaamnak ah kik nih a tlaih i thlopbulnaksi a um lo caah a nunnak a liam, tiah Mindat mipi uktu bu nih thawng an thanh. The Chin Journal June 18, Yangon

Phayar-sakhaan khua inn cheukhat ralkap nih a voi hnihnak an htawh than Mindat Peng, Phayar-sakhaan khua, khuami inn cheukhat cu June 17 ah uknak latu ralkap nih inn kip luut in a voi hnihnak an hrawhpiak than hna. Phayar-sakhaan khua hi,ralkap nih a liamcia zarh lio ah khuami tiaih in an rak hrem hnai meithal an rak puahnak le kahnak a rak umnak khua a si. “A voi khatnak inn an hrawh ning nakin, tutan inn an hrawh ning a faak deuh.” tiah khuami nih an chim. NLD cozah lio siangcachim pawi sinah an thia 2 hlawh a cawih mi hna cu Ralhrangbu nih thla 6 chungah cham dih ding le nan cham lo ahcun upadi ningin dan kan in tat hna lai a ti mi cungah National University of Arts and Culture CDM siangcachim pawl nih Daw Aung San Suu Kyi cozah nih a thanh tik lawngah kan ruah te lai tiah an chín.

Nan cham lo ahcun taza kan in cuai hna lai a ti mi kong he pehtlaih in kan zeihmanh a poi lo. Thla 6 chungah zeipoh a cang kho Dohthiennak a tuah mi lei nih an tei ahcun mah ca hna cu pakpalawng a si te lai. Cu pin ah Daw Aung San Suu Kyi cozah lio ah a kan chuahmi a si. Ralhrangbu he pehtlaihnak pakhat hmanha um lo. Daw Aung San Suu Kyi nih a thanh tikah kan ruah te lai tiah NUAC sianghleirun CDM sayama pakhat nih a chim.

Rian phuah le an thlahlawh cawimi kongah ralhrangbu cathanh ah pakhat le pakhat an thanh ning zong a khat lotiah theih a si. “Cheukhat hna cu an rian in phuah thai mi ca he kawp in an thanh hna, cheukhat tu cu rian phuah chungmi ca he a si. Phaisa tu cu thla 6 chungah cham dingin an ti ko. Cheukhat cu cham than ding a har ngai mi zong an um tiah a chim. Ralhrangbu thanhnak ca hi NUAC le Mandalay University of Arts siangcachimtu sin ah an pek mi a si i, Sianghleirun siangcachim 50% leng cu CDM an lut cang tiah theih asi.

Ref, thithtolwin, The Chin Post

Leave a Reply