Kawlram Ah Thawngpang Chia Tuk Thei A Si Cang E

Thawngpang

Myanmar ramchung ah Covid zawtnak a ngei ti in fehter mi mizaw thar nikhat chungah minung 151 an um. Covid zawtnak aa chawnh mi hi 532,553 an si cang, tiah ralhrang kuttang um vuanci zung nih January 12 ah cathanh an chuah. Cu hlatnak an tuah mi cu nawlngeihnak latu ralhrang kuttang um duh lo in CDM cawlcanghnak ah aa tel mi siizung hna telh lo in ralhrang kuttang um sizung hna le ralhrang sizung tamdeuh ah checkhlatnak tuah mi a si caah Myanmar ramchung Covid zawtnak ngei mi dihlak cu fianghlang in hlat khawh le theih khawh a si lo.

Cu an cathanh chuah mi ah cun a luancia suimilam 24 chung ah Myanmar ramchung mipi 12,529 cu Covid-19 zawtnak an ngeih le ngeih lo check an si i cu chung ah cun minung 151 sin in zawtnak hmuh a si caah zatuak in 1.31 nih Covid zawtnak an ngei. Covid zawtnak in a dam i sizung in chuahnak nawl a ngeimi hi minung 334 an si, tiah an langhter. Covid zawtnak aa chawnh mi mizaw thar chung in a nunnak a liam mi minung 2 an si i, cu zawtnak ruangah nunnak a liam mi dihlak hi 19,297 an si tiah cathanh an chuah. DVB

Theihternak:The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.

Leave a Reply