Kawlram thawngpang nih vawlei cung mipi khuaruahar tar cang a poi ko

Thawngpang

Kawlram Covid-19 Chawnhnak Hi Asian Chungah A Zualhma Bik A Si, Hmailei Ah Hi Nak Zong In Zualhma Kho Tiah ECHO Nih A Chuah,Kawlram chung ah Covid-19 zawtnak chawnhnak le i runvennak hi Asian chung ah a chiacem a si ,hmailei ah hi nak in a zualhma kho dirhmun a si tiah EUROPEAN CIVIL PROTECTION AND HUMANITARIAN AID OPERATIONS (ECHO) nih July 22 thawngthanh nak ah an langhter.

Hramhram in nawlngeihnak latu ralhrang rallokap phu hna nih sii lei zohkhenhnak thilri cu hramhram in an chuh mi hna,ramchung ah ralhrang rallokap uk duhlo nak langhter mi hna , business lei ah a tlaknak cu vawlei ramchung vialte ah hin a chia bik lei a hoih nak kong cu UNOCHA nih a chim.Covid-19 zawtnak chawnh mi hna hi ramchung ah rang tuk in a karh,a hlan kaanh tein ngandamnak lei zohkhenhnak ah thazaang a der mi ram caah Covid zawtnak hi ral ngan pi a si tiah a langhter.

July 22, nikhat chung lawng ah hin Covid zawtnak ngei mi mi 6093 an si i, nunnak a liam mi hi minung 247 an si tiah thawng an langhter mi in theih khawh a si, Covid zawtnak chawnhnak hi 37% nak in a tam deuh tiah hmuh khawh a si.Covid zawtnak runvennak hna cu felfai deuh le tha deuh in tuan ding ah a rannak in tinhnak ngei in kan thok lai tiah ECHO nih an langhter the chin post.

Thawngdang Yangon ramthen CDM lut in volunteer tuanmi sibawi te tlaih an tonnak kong he pehtlai in Buchoh Zaw Min Thun cu VOM nih bia hal nak an tuah,Sibawi te minung 5 cu oxygen dur pawl he tlaih an tong tiah BBC thawngzamhnak in thawng a hung lang mi kan hmuh,cu kong he pehtlai in Yangon ramthen in nawlngeitu hna cu an dihlak in chawnh an si cang, cu bantuk thil cang cu a um lo, tlaihkhih nak zong a um lo” tiah VOM ah a chim.

A dang biahalnak pakhat si mi cu thongtla hna hi Covid zawtnak a chawnhmi pa zeizah dah an si,zeitin dah zohkhenh le thlopbulnak nan tuah tiah an hal.Thongtla hna Covid zawtnak chawn in zawtnak karhmi kong he pehtlai in chim ahcun ram ning pi in thonginn ah a ummi thongtla hna chung in Covid zawtnak ngei mi minung 375 an si.Cu hna cu thong inn sizung ah a dang ten zohkhenh thlopbul nak tuah a si ko.

Thlopbul lio mi hna hi minung 208 an si.Covid in a dam i sizung in a chuak cang mi hi minung 152 an si, minung 375 ah zohkhenh lio mi 208 an si, sizung in tum cang mi hi 152 an si.A thi mi hi U Ngain Win tel in minung 6 an si.Atu langhter mi cazin hi Kawlram chung ah a ummi thong inn department,thonginn kip cazin ning a si” tiah Buchoh Zaw Min Thun nih a chim the chin post.

Thawngdang Minkin (မင္းကင္းၿမိဳ့) Khuami Pathum Cu Rallokap Nih An Thah Hna, An Thah Mi Hna Cu Tangkua Sianghngakchia, Khua U Pa Le USDP Party Tenhmi An Si Tiah Khuami Nih An Chim Sagaing ramthen,Minkin peng, Chindwin tiva in nitlaklei khua ah ralhrang rallokap nih luhhnawh hna in a luancia zarhkhat ah hnahnawhnak an pek hna tangkua kai mi sianghngakchia tel in mipi lei minung 3 an thah hna.

July 11 in 16 tiang ah khuathum in khuami pathum cu ralhrang rallokap nih an thah hna.Minkin peng, Inpinhlah khua ah ralhrang phu le pyusawthi(ပ်ဴေစာထီး) phu hna nih July 16 ah an khua ah an luhhnawh hna, tangkua cawnglio sianghngakchia Mawng Zuai Ko Ko (kum-19) cu rallokap kahnak in a nunnak a liam.

“Rallokap cu khuachung ah ra in ,aa thupmi pawl zong an tli, hngakchia zong, a tli mi poh cu an kah hna ,cu an kah hna nak ahcun an khen i a thih hi a si, an kah mi hna cu an hmuh mi poh an kah hna” tiah Sagaing ramthen mipi vengtu phu in ralkap Thu Rih Yah nih a chim.Inn pakhat zong an khangh,cheukhat inn hna cu an hrawh i thilmansung pawl zong an i kal pi tiah khua mi hna nih an chim.

July 13 ah Tanpoak khua in khua upa pakhat U Myint Swe (kum-60) zong ralhrang rallokap nih an kah nak in a nunnak aliam.USDP party tanh tu U San Win zong ralhrang rallokap hna cu a hrial hna nak ah a umnak inn Zinkalay khua ah eiding thir in a kal lio ah rallokap nih an kah caah a nunnak a liam.

”Amah cu USDP tha pe tu pakhat a si,ramlak zam in facang an ngeih ti lo caah facang a va lak nak ah an kah hi a si,a lu ah an kah , Ralhrang rallokap phu hna nih hin miphun thim lo, biaknak thim lo, party thim lo in an thah hna” tiah khuami pakhat nih a chim.

Ralhrang phu hna nih khuami an thah hna, inn an khangh piak hna, innchung ah lut in thilri an lak ,a phunphun an tuah ko nain ,lehrulh than ding ah i zuam zong ah rallokap lei biachimnak nawl ngeitu hna cu kan pehtlai kho hna lo.

Sagaing ramthen chung Yinmapin,Kani, Minkin,Kalay,Kanhbalu, Tanhsee le Palae peng chung ah April thla in July thla tiang ah voi 58 kahdohnak a chuak. Mipi vengtu phu in minung 67 an nunnak a liam i, ralhrang phu in minung 360 an thi cang tiah Sagaing ramthen mipi vengtu phu nih an lak mi cazin ning ah theih khawh a si.

Leave a Reply