Kawlram:2021 Vice President thar nih’Kawlram mipi sin ah’A biapi taktak mi a phuan dih cang.

Thawngpang

Myanmar ram caan karlak Vice President U Man Win Khin Than a vui khatnak biachim mi
Ralkap nih uknak an lak hnu ah CRPH nih caan karlak Vice President ca an thim mi U Man Win Khin Than nih a vui khatnak mipi sin ah biachimnak cu 13/3/2021 zaan ah sml minute 50 deeng caan pek in bia a chim. A chim mi chung in a biapi deuh mi chung in kan van langhter.

Ram mipi nih nan ka zumh ca ah le kan ram sersiam ding in tuanvo nan kan pek mi cu zumhtlak te in ram mipi caah ka tuan lai tiah bia ka kam.eb 1/2021 in nawlngeihnak aa hruh chih mi hna nih rampi nawlngeihnak cu an lak.Muihnak in a khat mi ralkap uknak tang ah kir than ding cu nihin mino hna nih an duh ti lo caah raltha tein zalam pi ah an doh.

Ram dawtu Cozah riantuan tu hna zong nih hmailei ca fak pi ruat in CDM hmang in uknak tha lo cu an doh.Mipi hna zong nih miphun le biaknak thleidang lo tein an ngeih mi thazaang dih lak in ralkap uknak cu an doh ve. Hi vialte nih a langhter mi cu mipi nih ralkap uknak hi an duh hrim lo ti cu fiang tein hmuh khawh a si.

Ralkap uknak dohnak ah harna ka tong mi, tlaih khih tong mi, hliam tuar mi, nunnak a liam mi hna le a chia khat tuk mi tuahsernak a ing mi hna zong philh awk an tha ti lai lo, upatnak ka pek hna.Pasal nih nupi le fa nunnak aliamtak mi hna, tlaih khih ruang ah inn lei a tin kho rih lo mi hna zong ngaih chiatnak kan hrawm pi hna.

Ram mipi hna, atu kan dirhmun hi muihnak in a khah lio caan a si bantuk in niceu dawh tekan hmuh thannak than hrimhrim lai. Caan that u s ihram seh.Kan unau a si mi tlangcung miphun hna nih an rak duh tuk mi le herh tuk mi Federal Democracy zauk phun zong Tlangcung miphun dih lak hna he kutsih in kan ser ti lai, hihi caan tha zong a si.

Atu lio kan dirhmun ahcun lungrualnak hi a biapi khun. Aluan cia caan ah lungrual lonak, thleidannak rak um hmanh sehlaw atu ahcun thleidannak um lo tein, miphun pakhat le pakhat dawtnak tein kar hlang ti cang hna lai.

Nihin kan thil ton mi ruang ah mipi zong nih kan i runven khawh nakding upadi zong CRPH nih a tha bik in a rauh hlan ah a ser colh lai.
 Ralkap uknak doh ding ah CDM zong hi tha kan thawnter chinchin rih lai. Ram mipi humhimnak tuanvo ngeitu cozah riantuan tu hna zong nih mi bu pakhat hlawknak ca tuan lo in ram mipi thatnak le himnak ca tu ruat in riantuan uh tiah ralrinnak kan pek hna.

Ram mipi nih an duh mi Federal zauk phung cu, tluk ruang tein kan ser lai. Phunghram kan hrawh lai. Federal uknak ser ding in bia kan kamh hna.
 Mipi hna tuanvo nan ka pek bnatuk in nan himnak caah le a rannak in kan ram sersiam nak ding ah ka zuam lai tiah bia kan cah duh rih hna.

Ning cnag lo uknak cu zei tin hmanh in kan cohlang kho lo. cu caah kan dihlak thazaang fawnh in kan doh rih hna lai. Lungrual tein le raltha tein kan lohma kan peh zulh ahcun kan duh mi federal Democracy zauknak he kan I hlat ti lo.Kan tei lai, kan tei lai
Tutan ah Vice President U Man Win Khin Than nih Federal Democracy biafang a hman lawgn si loin Tlangcung miphun hna sin bia aa kan cah mi hrim ruah ah lung a hmui kho tuk.
hihi A tawinak in ka van char mi a si.

Leave a Reply