Lung Thli Tum Nih CNA Le CDF Kan Pasal Tha Hna A Tthuat Tak Cang Hna

Thawngpang

Ral an um lonak Camp Victoria hrawng ah hmunhma lak, uniform dawh takmi i hruk, CNA meithal chikhat i hlan in special hman i thlak, Facebook ah tar. Cakei tihnung hmanh a a tlaih lai bang Facebook ah tuletu ca post lengmang. 24 hours online thut i ‘super hero’ tuan i tim.

A chel ah Mizoram le khuate va kal, CDF rabawi ti phun in nungak dawhdawh va helh. Darling pathum li hna ngeih ve. Khual tlung sin poah ah thil dang cah loin zuu lawngte cah hmang. Ramdang bawmhnak phaisa tawlrel ah cun vikvak tha bik fawn.

Raltuk kal ding ti caan belte ahcun a lu le a paw fak lengmang a tu cu kan naule kal rih ko hna seh, kannih cu Naypyidaw lak tikah kan i thawh ve te lai’ hei ti salam ko. Raltuk bal loin ralbawi a tuanmi pawl hngar nan um eh. Hibantuk chawng khu tama pawl nih CDF lubik tlaih nan i tim lengmang ruang ah miphun a daw taktakmi kan ralkap an i nuam tawn lo, nan hmunhma i fiang cang u law a tha ngai lai.

Ai ze keimah zong cu uniform hmanh kai hruk ngam ve rih tung lo. Ningzah tal thei pah ve tuah ning, keimah luala nakin cun uniform tal an i hruk ngammi hmanh khi an thahnem deuh ko dakaw -raltuk kal bal lo ralbawi an si ko zong ah.Ral a tu taktakmi miphun ralkap cu kan uar bak hna, kan upat hna i kan tihzah bak fawn hna. Nain, vei te pawl khi cu.

Thawngdang MAH le Ralhrang an Bia Ceih te nak ding lam IIMM le CHRO cu nizan tihni ah Chinram le Chinmi kan um nak Sagaing le Magwe ramthen hna I MAH le Kawl ralhrang nih nuhrin covo an buar nak kong le zeitin dah an sual nak vialte hi record ah kan chiah lai timi kong ceimai nak ka nei. IIMM timi hi Burma ram nuhrin covo le Democracy cawlcanghnak lei I ai tel pang mi nih cun theih pah cio asi lai dah. A dik thlir in kan theih lo hmanh ah a thluam thlam tal cun theih cio asi.

IIMM tiah a tawinak in auh mi cu Independent Investigative Mechanism for Myanmar tinak asi. 2018 ah UN Human Rights Council nih Burma ram caah adirh mi bu asi. UN nih Burma ram ah Ralhrang (Tat ma daw le cozah) nih nuhrin covo an buarnak hi a sawhsawh si lo in “crime against humanity” minung sinung phung ralchanh in (Pipu hna holh cun Mi kello) minung lungput le sining tiang lonh in mipi cung ah sualnak atuah. Hi an sualnak vialte hi ram chung beiceih nak ah, asi lo ah ram pakhatkhat biaceihnak ah asi lo ah UN nih a tawlrel mi biaceih nak ah ni khatkhat ah an bia ceih an si te lai.

Cu an bia ceih tik ah cun 2011 hnu I sualnak an tuah mi vialte kha ttha te in record ah chiah in mawhphurh nak (dan tat nak) pek khawh nak ah evidence (tehte) ah hman an site lai ti khi asi. Battalion commander thonk in a cung lei poh an min kan vun khomh hmasa hna. A hnu ah sualnak a tuah mipoh pumpak pakhat cio min zong kan khawmh khawh chung kan khawmh lai.

Pathian nih a rem a ti ah cun Kawl ralhrang hna nih kan miphun cung ah sual chimpit le mi kello thil an tuah mi vialte record kan tuah mi hna hi chim rel can le an bia ceih can a phan te lai. Tuan ah an bia ceih khawh nak ding tu hi kan zapi fak chinchin in kan ttan cio a hau mi asi.

Leave a Reply