Maw Pathian chinram cu tih a nung ko cang kan Pathian tu nih kan bawm hram ko seh

Thawngpang

Tedim ah Covid Mizaw Thar 41 An Um Nizaan Tedim ah Covid an ngeih le ngeih lo minung 98 an zohfel hna i minung 41 sinin hmuh asi.Cu chungah minung pahnih hi Oxygen thlaih hau dirhmun ansi tu lio chinram sining cu lungthin a fak hrinhran zawtnak a kar hlei ah SAC ralhrang nih le biatak in mipi an doh fawn Pathian tu nih kan zoh khan ko seh The chin post.

Thawngdang relchap February nikhat ralkap uknak an lak lio in rak tlaihmi rampi ruahnak petu Daw Aung San Su Kyi nih a tu thlali leng a liam cang mi caan chung ah thilhruk aih ding le eidin ding a harsat ruang ah bawmh ding in june thla ni 7 zung an auh lio ah a SIHNI pawl a chimh hna.Daw Aung San Su Kyi telh in amah sin aum mi eidin awk caah Naypyidaw ah a ummi SIHNI pawl nih kan hnuzarh ah Palek sinin phaisa ting 50 an pek nain an cohlang hna lo tiah Daw Aung San Su Kyi SIHNI si mi U Khin Maung Saw nih RFA sin ah a chim.

Atu bantuk in phaisa kuat a ngah lo kong a chim nak cu Daw Aung San Su Kyi nih amah tein a umnak kong kha thei hna seh ti a duh ca ah asi. Mah hnu zong ah bawmhnak pek ding in an chimh ko nain zeihmanh bawmhnak kan cohlang lai lo tiah U khin Maung Saw nih a chim. Bawmhnak a herh nak kong Daw Aung San Su Kyi nih a chim hnu in rallokap lei nih bawmh ding in an timh tuah nain Daw Aung Su Kyi nih a cohlang lo tiah a SIHNi pawl nih an chim.

June thla ni 7 zung an auh hnu ah Daw Aung San Su Kyi i a SIHNI pakhat si mi U Kyi Win nih fang le chiti telh in ei din dang pakhat kha. Daw Aung San Su Kyi sin ah a va chanh nain kutkhih ding in phaisa a va pek tik ahcun Daw Aung San Su Kyi innhngak tu pawl nih an don lo ruang ah cu phaisa cu a tutiang Daw Aung San Su Kyi kut a phan rih lo tiah U Kyi Win nih a chim.

Rampi dirhmun in hruaitu pakhat si mi atu bantukin eidin le thil hruk aih nak tiang in rikhiah piak hi a si awk si lo mi thil a si ruang ah Daw Aung San Su Kyi caah kan thinphang ngai tiah ralveng tu a min langh ter si lo mi NLD chungtel pakhat nih RFA ah a chim.

Uknak latu rallokap pawl nih Daw Aung San Su Kyi cu Upadi pohmah 8,67,505ခ , 124 i pohmah then a,25, 55 tel in a dihlak pohmah 7 in sual an phawt i atu sual an phawt mi dihlak hi thlaruk chung ah check ding in rallokap pawl nih timhtuah nak an ngei.

Sual phawtmi pasarih chung ahhin pohmah 124 he a pehtlai mi sual phawtmi hi atu Yangon ah an check lio si i a dang paruk hi cu Naypyidaw Sakutadi myone i sualphawt nak sakhan ah zarhchiar nikhat ni le nihnih ni poh ah an check lio pi a si.

President U Win Myint le Daw Aung San Su Kyi telh in a dang hrualtu pawl zong ralkap pawl nih sualnak ngei lo in an tlaih hna i pohmah a phunphun in sual an phawt hna nak kong cu NUG nih june thla 16 nizaan ah khan a chim.Cu lawng si lo in rampi uknak cu ralkap pawl nih hriamnam bochan in uknak an lak nak kong,rampi nih theihpi mi uknak a si lo kong,ralkap pawl nih an dirh mi biaceih zung pawl zong rampi nih theihpi mi zung an si loh tiah NUG a cozah pi nih a chim The chin post.

Relchap duh mi hna caah Kawlram pi independent hmuh nak hi kum 1948 ah arak si na in kawl ram chung ah zalen nak caan hi caantawi te lawng arak nguh. Independent asi khawh ka in kawlram chung ah i doh nak le i kah nak thawng hi aleng peng. Caan karlak lo te ah karen nih dothlen nak tuah ding in ram tang ah an lut colh ve. Arau lo Newin nih kawlram pi uknak nawlngaih nak kha hramhram in alak 1962 march ni hnih ah.Kawlram pi cu zalennak kan hmuh tiah rak ruah cio asi na in kan rak zalen taktak lo. Ramdang mi mirang kut tang cun zalen nak cu kan hmuh na in kawl ralkap uk nak tang ah kan kun tthan kawl ralkap sal ah kan tang ttiamtthiam ko.

Ralkp nih hin uknak hramhram laknak hi an rak i chang leng mang i nihin ni tiang ah vui nga an lak nak asi cang.Cuhlan vial hi cu chin miphun nih hriamtlai in ram caah arak dir mi bu hnget mi le politic ti luan ah caansau akal pi kho tu dothlen nak tuah tu an rak umlo. 1988 kawlram pi buai nak hnu i dirhthar mi CNF lawng hi ni hin tiang kum sawm thum leng an dir kho rih.

Tukum february thla ni khat ni Ralkap pawl nih rampi uk nak hramhram in an lak tik ah daile rem te in cabuai cung ah politic kalphung ning bia i ruah in thilttha tuah ding ah aa tim mi Chin land cu aduh na lo in i thah nawn nak hmun ah a hung lut ve. Kawlram pi hmun tin ah ralkap pawl nih asual lo mi mipi pawl athah hna a tleih leng mang hna tik ah an celh ti lo i leh rulh nak lung thin kha chanthar mino hna lungthin ah ahunglut. Acheu cu tlangcung hriam tlai pawl sin ah traning an kai. Akal kho lo mi nih umhmun in PDF an move i an doh lat ve hna.

Chin ram zong aum kho ve ti lo. Aherh tuk cang caah aran nak in CDF cu move colh asi ve. Atu lio mindat unau pawl CDF cawlcangh nak ah nun nak tampi an pek cang. Aluang mi thisen liang luang. Hakha CDF le Thlantlang CDF pawl FalamCDF le Tidim( zomi) mino pawl zong an cawl cangh nak ah nun nak zetluk dah anpek cang. Thisen zei tluk in dah apam cang. Tulio dothlen nak ah kan Chin ram dothlennak tuanbia cu chin mino pasalttha hna thisen an vun ttial cang ti hi philh hnahlah usih law ka vaduh tuk hringhran. Atu ah hin Hakha lei Thlantlang lei le Falam lei CDF pawl nih biatak in ttan ankhawh. Mindat lei zong kamlo chuncha laifa si nak an lang ter peng.

Kan CDF pawl nih atu i an hman mi hriam zoh tik ah ngeichia tuk asi. Hlalio ah kan sattil aseh tawn tu ram ui le cenghnia kah nak men ah rak hmanmi lai mei thal. Atu cu mah lai meithal te nih khan Chin miphun aseh cuahmah mi cenghnia taktak an kah nak cang. Lunglawmh avatling dah ka ti.Thisen in kanttial cang mi tuanbia hi tei nak he ka donghter hrimhrim lai. Kan tei hrimhrim lai. Aruang cu Atu ah CDF commando an hung chuak cang. Anhriam hmanh hi zaapi nih cun amin chimzia kan thiam lailo. Mah bantuk hriam ttha pawl he kan chin pasal ttha CDF conmando pawl an rak ra cang. Arauh hlan ah kan chin ramkulh chung ah kawl ralkap kandawi dih cang hna lai. Thi sen i thawinak cu luat nak asi. Kan chinram luat nak ca i thisen he dothlen nak tuanbiai a kan ttial piak tu Chin mino nan dih lak upat nak kanin pek ko hna.

Thawngdang relchap ko uh Tulio ah a thinlung re a theibikmi cu, SAC ralhrang, Ralkap hna hi an si. A thi viar ding in an iruah.Cunglei nawlpeknak zulh lo ah thih. Zam ah thih. Ral doh ithawh zong ah thih.Lairam ah MAH nih a rak thlahmi hna zong hi hmailei kal in ral an tukter hna i, an zam sual ah thah/kah colh dingin an hnu lei ah security an chiah piak hna ti a si.

SAC Ralkap hna hi tam deuh cu, Slum/ lamkam ah a vakmi / slumdog pawl an tlaihmi hna an si i, an hrut. An molh. Thil an thei lo. Map zong an hngal lo. An ral a chia fawn. Laitlang ah an duhzat rak kai hna seh, an thil tawm he tlangpar pakhat an kai ah an tha a dih cang lai.Cucaah, Chin pasal hna, Chinland/ Chin ram a vengtu hna nih fawi tuk in an tei hna lai tiah ka ruah ko.Asinain, Chin pasal hna, Lao Tzu bia hi rak inunpi ko u!

“There is no greater danger than underestimating your opponent.” An zuam cawhtu fawi tuk in ruah nakin ttih a nung deuhmi a um lo” Lai Tzu.Ralkap hi zeitluk an der zong ah, Khua ram, flingtlang an hngalh lo zong ah “underestimate” tuah ding an si lo. Ralrin tein, timh ciah tein, fim khur te in doh ahcun, Mino thisen tampi a him lai. Kan tei fawn lai.

MAH/ SAC ralhrang nih kan Chin miphun ral a kan thawh hnawh cang caah, Mino, upa, nu le ngakchi tiang telh in kan ral doh a herh lio caan kan phan. Ram chung, Ramleng, kan dihlak in ttanrualnak nih teinak a kan pek lai.Parties Politics le biaknak/ doctrine tbk ah kan ikhahnak lonak kan thil kha tthumh cio hna usihlaw, kutsih in kan ral, SAC terrorist hi techin fapar chan tiang a nguhmi teinak hmuh dingin ithawh cio hna usih.

Thawngdang relchap Tuni Thang Tlang Peng khua hring tlang ah CDF than tlang le ralhrang pawl kahdohnak a chuak. Zing lei 10:00 am hrawng ah a si Ralhrang lei in an bawi bothum pa tel in minung 16 an thi. CDF lei cu Bawi Pa nih a kilven hna caah an him dih Bawi Pa nih CDF pawl kil veng ko hna seh. Raldo kho lo ding nunau le tarnu tarpa nih nan um hmun in thla cam ding.Mino le pa pohpoh an tho ve lai. Kan ram kan luat nak hnga le Federal kan hmuh khawh nak hnga A tu lio i dai tein na um ko ah cun hmai lei caan tiang le federal kan hmuh tik zong ah dai tein na um hau te lai.

A ra lai ding mi kan ram Federal. Ram ah cun MP aa cuh ding pawl cu mipi nih bia halnak kan tuah hna lai. Nang ram caah voi zei zat dah ral na do kan ti te hna lai. Ram dawt ti mi cu hmur le kaa lawng in a za bak lo. Tuahsernak aa tel lo mi ram dawt cu kan cohlang ti lai lo.Chawva a ngei lo mi nih kan nunnak le kan tha zaang kan pek ve lai. Ram leng in an chawva an pek ve lai. Mino nih hmai kan nawr lai. Teinak Than Tar kan thlai hlan tiang hmai kan nawr lai. Nang chin pasal le nusal tha hna kan tuanbia hi kan thisen in kan tial hna lai

Thawngdang dang a tang Laimi Kan Lungput Aherh lioah bia chim kan duh lo, a herh lio caan te thazang chuah kan duh lo. Midang kan hawi kom hna cu kawl ralkap kan teikhawhnak caah media in thazang peknak bia anu he pa he an chim an au. Training an kainak tiang an lanh ter i Kalwram mi mi tampi nih thazang an i lak an thazang thawnnak caah bia an hman.Kanmah laimi cu a thli thuk mipheng ai dupmi kan si hna. Mindat Senthang Hakha an cawlcangnak nih mi thinlung a thawn ter.

Peng le tlang ralchia kan tam tuk. Kawl ralkap hi a tuk cu chim lo a hro hmanh kan ngamh hna lo. Peng le tlang kong min kan chim sual hmanhah an tih an ther. Ai dawh deuh lailo ti phun an i la.Nihin cu pasaltha kan biartung i let ni a si. Ahodah kan tih, a ho ukdah kan duh ti , Naisai lo pasal kan tho ve dingmi a si. Mi ralchia kan si lo, kam lo kan ni ti ve tung.

Peng le tlang ralchia nih zeihmanh a tuah kho lailo. Kanmah le kan khua chungah ra in an duhpoah tuk le hrem uk cu naisai lo hnu ka tawn nemmam lailo.Lungkua thingkua kan um zongah kan ram ca.Nihin kan doh ve hna lo ah zeitik ahdah kan doh ve hna lai. Kan thih hnu ahmaw thlanlung cung long ahmaw kan doh hna lai. USA media hi zoh hnik usih. An Email tiang an phozar piak hna, an phone chung biathli thup an phuan dih Joseph Thawng Za Ting.

Thawngdang relchap ri Nizan June 7 zinglei ah Pakistan ram Sindh Province ah tlanglawng pahnih an inpah nakah mi 30 an thi, mi 50 an i hliam.Tlanglawng a pahmi hi Lahore in Karachi lei ah a kal mi Sir Syed Express le Sargodha in Lahore lei a panh mi Millat Express an si i, Dharkhi pawng ah a pahmi a si. Millat Express tlanglawng cu a let tiah theih a si.

Hliamhma a pu mi pawl hi Ghokti, Dharki, Obaro le Mirpur Mathelo sii-inn ah tlik pi an si, Sii-inn zong emergency thanh colh a si.Ghokti DC Usman Abdullah nih tlanglawng a pahnak ah a thi mi hi 30 nak tlawm lo an si lai, Mi 50 hrawng nih hliamhma an pu. Tlanglawng khan 13-14 hrawng cu a let. A khan 6 in 8 hrawng cu a rawk cikcek dih tiah a chim.

Tlanglawng a let mi bawmchantu hna nih rian har tak tak mi a si. A taap mi pawl chanh dingah seh nganpi pi pawl hman a hauh caah caan tlawmpal cu kan rau pah men lai.Hliamhma a pu mi hna caah Medical camp zong kan dirh colh lai tiah an chim Tlanglawng khan a let mi cheukhat chungah minung a tap mi an um caah a thi mi zong mah nak in an tam deuh kho men tiah Ghokti SSP Umar Tufail nih a ti the chin post.

Thawngdang relchap ko Vanhnem Sung & Dawthlei Sung nih Myanmar ram i harsami mi lak ah harsa pawl caah Sunday School in Laksawng an mi vialte an rak hlu dih.An nu le an pa zong nih naite ah khan chungkhar pa khat sin in Laksawng an hmu mi vialte harsa pawl caah an rak hlu dih ve.

CBMM hi 2016 in Myanmar ram thlarau, thinlung le taksa damnak caah biatak tein Mission tuan mi phu kan si. Atu lio kan ton mi ruangah Myanmar ah ting 10 leng unau cu dornak ngei lo eidin ngei lo dirhmun ah an Phan cang. CBMM nih dornak ngei lo inn sak piak, Lazarus Eidin Bawmhnak, nipuan le sii le dang dang herh mi Bawmhnak kan pe cuahmah lio asi. A hlan zong ah bawmhnak kan pe i a tu zong kan pe lio asi i hmai le zong kan pe lai. Bawipa nih damnak le thazang kan pe hram ko seh.

A cung i langhter mi hlu tu unau le Chungkhar cungah Bawipa min in kan nih lawm tuk. Myanmar ram ah Nan um lo nain Nan phaisa a um Nan rawl a um Nan nipuan a um ii Nan sii a um. Thete ram ah ti lo le rawl lo um mi unau hna caah Bawipa sin in ra mi mana Nan si. Eidin Phaisa Nan pe lawng asi lo Jesuh dawtnak thawngtha Nan chim asi. Thazang Nan pe asi. Mithli nan hnawh asi. Myanmar ram mi ting 540 leng nih dawtnak leiba kan nih ngei. Bawipa nih thlachuah in pe zungzal ko hna seh Amen Amen Amen CBMM.

Suh Kyi kong zong hi relchap ko uh June 7, tuni ah rampi ruahnak petu Daw Aung San Suh Kyi cu biaceizung ah chuahpi a si. Biaceihnak thok hlanah a sihni hna he suimilam pakhat chung biaruahnak caan an pek hna.Amah tangka te a hman ko, zei bawmhnak hmanh a um lo. Thlakhat hnu thlakhat in. Hi kong he pehtlai in zeitindah kan tuah lai a ti. A rannak in a lam kawl dingah a kan cah” tiah Suh Kyi a sihni U Khin Maung Zaw nih a chim.

Daw Aung San Suh Kyi le a sinah a ummi chungkhar hna eidin, tirawl ca tangka zong a tlawm tuk cang. Sii zong a dih dengcang. Zarhnih ah voikhat ralhrang khawngsil nih kan in damh piak ko lai an ti. Asinain Pi Suh nih a duh lo” tiah sihni Daw Min Min Soe nih a chim ve.

Suh Kyi sinah a chungkhar dang minung 8 le a uico duhnungte pakhat an um ve. Khoida ciah ah dah an chiah hna ti theih a si lo. Bawhte pakhat a um ve i Suh Kyi nih cun a sihni hna sinah cawhnuk phut (milk powder) zong a cah hna.Suh Kyi le a sinah a ummi hna cash tangka sing 50, zarh hnih ah voikhat tirawl chanh ding le a din tawnmi sii damh piak dingin ralhrang khawngsil le Suh Kyi sihni pawl cu khuakhannak an ngei lai.

Tuni biaceihnak ah Suh Kyi cu mithmai chiatnak le lungrawhnak pakhat te hmanh a ngei lo, a mithmai a panh, a thekvak a tha, a ngan a dam tinak a si tiah a sihni hna nih an chim.Tuhnu cun zarh hnih voikhat biaceihzung ah chuahpi lengmang a si lai i sual an puhnak, taza an cuainak vialte cu a hnubik Jun 28 ah biaceih dih dingin an timh. Asinain zeitik ni le zei caan ah ti bel a fiang lo the chin post.

Thawngdang’June 7& 8,2021 Nihnih chung China Foreign Minister Wang Yi sawmnak in SINO-ASEAN 30’Anniversary of Relationship cu China ramthen Southwest i Chongqing Khuapi ah Meeting an tuah. Hi Meeting ah ASEAN ramin Indonesia Foreign Minister Ms.Mar Sudi le Brunei Deputy Foreign Minister Erywan Yusof hna hruainak in ASEAN ram 9 Foreign Ministers pawl he Kawl ram SAC Foreign Minister Wannah MaungLwin zong a tel ve.

June 6, 2021 ah khan China Ambassador to Myanmar Mr Chen Hai nih Min Aung Hliang cu Nyphidaw ah biaruahnak an nei cang i,Gen.Min Aung Hliang nih cun China hruainak tangah ASEAN timhlamhnak cu zulh kan i zuam lai ti ah biatiamnak a pek ti’ah AFP/Reuture/ Asian Times News Agency pawl nih an tial. June 4 i ASEAN Palai le Min Aung Hliang ton biaceih nak zongah khan ASEAN Secretary General Mr. Lim Jock Hoi nih Envoy ding hmin-List a pek dih hnu in.

Suukyi le President U.WinMyint ton khawhnak a nawl pinah Political thongtlami pawl chuah dingin an nawl ti’ah ASEAN Zungpi nih Tuchun ah Statement an chuah; na’in Min Aung Hliang nih zeitin a let hna timi belte an tial loh.
Asian Times le News Agencies nih an chim ningah cun, hmaikum ah Cambodia nih ASEAN Chair an tlaih cang lai ca’ah a tu i Brunei nih ASEAN Envoy ding chiah an timhmi Indonesia Ex-Foreign Minister Dr. Hassan Wirajuda hi a mah lawng silo in Mi Pahnih thum( Team) si seh ti’ah Thailand le Cambodia nih an duh i, Singapore, Malaysia le Indonesia nih Midang ( Ex- UN Chief Baankimon or SaSa Kawa) an duh ve fawn ti’ah theih asi. Tutan Meeting ah China Foreign Minister Mr. Wangyi cu Envoy kongah a hrocer len i Min Aung Hliang duhmi Thailand Ex-Deputy Prime Minister Prachut chiah an duh ti’ah thawngpang a leng.

June 5,2021ah khan ASEAN Palai hna nih UEC Chairman thar U Shoe Thein cu an hmuh i,UEC nih Election tuahthannak ding kong zong biatak te’in an hal ti’ah Asian Times nih a tial. Min Aung Hliang nih cun Ms. Suukyi cu Envoy pawl he tonnak a pek te kho men na’in NUG Cozah he cun, tonnak pek dawh asi loh.. MAH nih NUG cu Tapung Terrorist an si ti’ah ASEAN Pa lai pawl sinah a chim ti’ah an chim.

Asian Political Mithiam pawl nih cun, tutan China nih ASEAN pawl a sawmmi hna hi US le EU pawl el’teinak ca’ah hman a timh bikmi asi i, zeitlukin dah ASEAN cungah (Influence) Nawl ngeihnak ka tuah kho ti hi a hmuhsaknak asi ti ah an zumh. Kan hnu lei Zarhah khan US Cozah Deputy Secretary of State Mrs. Wendy Sherman cu Indonesia, Cambodia le Thailand ah a rak tlawng i, South China Sea kongah biatak te’in ttangti dingin a sawm hna.Mahbelte Cambodia Prime Minister Hunsan nih cun, China nih Sea- Port siampiak dingin a sawm. Ara laimi June 9, 2021 ah US President Joe Biden cu G-7 Leader Meeting kai dingah Europe a kal lai i, hi Meet ah hin ASEAN-Myanmar kong zongah biatak te’in ceihhmai nak an nei lai.

Cun, June 16,2021 ah Russia President Putin he zong Geneva ah a vawikhat nak hmaitonh te’in biaceih tti’nak an nei fawn lai.Cuca’ah July le August thla hrawng cun, Myanmar Politics um tuning hi a tha lei in maw, a chia lei in dek aa thleng cang lai ti’ah Political Journalists pawl an tuak ning asi. NLD Party an hrawh lai maw, asi lo’ah Min Aung Hliang tu hi Saddam Hussein le Muammar Gadhafi bantukin an tuah lai timi hngak cio ko hna usih MC Bik Lian.

Leave a Reply