Milly Sui le solomon nih ralhrang tuah sernak le kan ram kong fianglak in an phuan cang hi video

Thawngpang

A tang cem ah video kan chiah piak hna CNA Lengdawh Milly Sui sin in sawmnak le biacah tawi! Ram le miphun dawtnak lungput a ngeimi cu upat an tlak tuk.Chin ram sersiam dingah Pathian nih Chin miphun a kan ser tutan nungak hlasak thiam Milly Sui le saya solomon nih an chim bia hi a hmantuk hringhran tthangchuah cio hna u sih an miphun le an ram an diarkam bak tihi a fiangtuk hringhran.

Thawngdang CDM tuah mi hna rian hmun a lawng mi ah caantha la in riansok mi kan in zohsawh hna lai lo TCSS Tedim Civil Society Support (TCSS) nih Tedim Sii-inn ah CDM a tuah mi hna rian hmun a lawng mi ah caantha la in riansok mi kan in zohsawh hna lai lo, tiah an thanh.

Midang nih an hmuhcia mi rian kha kaltak in le nunnak thaap in hmailei caah tiin ral an doh lio ah a kaltak mi rian hmun ah caantha la in riansok mi hna cunkannin zohsawh hna lai lo.CDM a tuah mi hna zawnruat loin rian na sok ahcun na umkalnak thil pakhatkhat nih an zulh lai na tong lai Rian a autu zong nih a rannak in kan fimpiak than u ngol u.

Nan riantuan ning hi SAC phu leitang nan si pin ah CDM a tuah mi hna nan dohkalh hna bantuk a si ca ah mizapi nih fakpi in dan kan in tat hna lai, tiah an thanh.Riansoknak ca a chiatu hna mincazin zong mizapi hmuh ding in kan phozar lai tiah an thanh the hakha times.

Thawngdang US ah U Kyaw Moe Tun Thah Ding in Mi an Hlan Myanmar ram aiawhtu UN palai a simi U Kyaw Moe Tun thah ding in US ah a ummi Myanmar rammi pakhat an hlan, tiah Reuters thawngzamhnak nih a ttial.New York ah a ummi bu pakhat nih U Kyaw Moe Tun thah ding in Myanmar rammi pa an hlan hi a si.Asinain, an hlanmi pa nih U Kyaw Moe Tun cu thah loin a thli in a pehtlaih in thah ding in an hlannak kongkau a phuan dih, tiah Reuters nih a ttial.

RFA nih, “U Kyaw Moe Tun thah ding in an hlanmi pa cu FBI nih an kalpi cang. Hi Myanmar rammi pa hi US ah Visit Visa in a rak rami a si i, US ram ah i dor thai ding in a sokmi zong a si,” tiah a langhter ve.Hi kong he pehtlai hin RFA nih U Kyaw Moe Tun pumpak an pehtlaih i bia an hal nain “FBI nih an tawlrel cuahmah lio a si caah keimah pumpak nih dikthlir in chim awk a ttha rih lo. Anmah US cozah lei zong nih thawngpang an chuah rih lo tik ah ka theithiam rih ko u,” tiah a leh hna.

U Kyaw Moe Tun nih, “Na nun a him lo tiah thawng cu an ka thanh. Palik nih hlathlainak an tuah cuahmah lio a si. Keimah pumpak nunhimnak zong palik nih ttuanvo an lak ko,” tiah Reuters thawngzamhnak ah a chim.

Reuters thawngzamhnak nih FBI sin ah Email in bia an hal nain FBI lei nih, “Mah bantuk nunhimnak lei ttuanvo laknak kong cu mizapi sin ah dikthlir in kan phuang tawn lo,” tiah an leh.U Kyaw Moe Tun cu SAC nih uknak an lak hnu ah UN ah SAC aiawh loin Myanmar rammi aiawh in kut zung thum thlir buin bia a chimmi kha a si the chin journal.

Leave a Reply