Min Aung Hliang nih vawlei pi thei in thawngthanh nak a tuah

Thawngpang

2023 August thla tiang uknak ka lak lai tiah rallokap bawi Min Aung Hliang nih a chim Mi that rallokap bawi Min Aung Hliang nih 2023 kum August thla tiang uknak ka lak tiah nihin thlaruk tlinni ah a chim mi ah ai tel.

Min Aung Hliang nih ram pi daihnak a um tik ah Vote tlaknak ka tuah lai a dik ning tein i thim nak ka tuah lai thlaruk caan ka lak lai abia pi caan cu 2023 kum August thla ah a dih ding a si nak kong Min Aung Hliang nih a chim.

Min Aung Hliang cu 2021 kum July thla ah kum 65 a tlin ah hin a rian in j dinh ding a si cang nain dinh lo in hriamnam i tlauh in rampi hramhram nawlngeihnak cu mipi nih thimmi mipi cazah kut chung ah a lak hnu in mipi minung 1000 reng lo a thah i a thong thong in sualnak ngeilo mipi cu a tlai tu ralhrang hruaitu pakhat a si the chin post.

Thawngdang Rallokap le palek hna mipi sin ah i fonh duh mi cu pehtlaih khawh a si tiah runvennak vuanci nih a thanh
1.Adik mi thil le zalong tein a dim mi uknak lei ah dir in mipi thinlung ah a lut mi CDM cozah riantuan hna cu zalong te in le dikmi i uknak duh ah uknak tha lo dohnak caah kan thazaang nan si i rallokap caah tha zor ter tu si leng ah zalong tein i uk nak ramthar ser nak ca zong ah kan thazaang nan si tiah kan in ruah hna.

2.Mipi lei in a dir mi a fond ding mi caah Myanmar rallokap le police in CDM kan ram cozah riantuan mitha hna caah runvennak phu vuanci zung nih CDM card number cu a rauh hlan ah kan chuah piak hna lai.

3.CDM ah lut i cazin a pe dih mi rallokap le police chung in kanram caah cozah riantuan tu tha ah a sining theihngalh khawh nak cu thinphan ding um lo in http://t.me/myanmar police Telegram in pehtlaih khawh a si nak kong thawng an thanh the chin post.

Thawngdang US Defence Secretary Nih Taluk Ralrinnak A Pek US nih Taluk he buai kan duh lo nain kan ram ca i thil thathnem mi miaknak tiang hnahnawhnak a kan pek a si ahcun dai tein kan zoh lai llo tiah Singapore ah a tlawng lio mi US ralvennak vuanci Lloyd Austin nih a chim.

Lloyd Austin nih Taluk nih South China Sea ah a ngeih mi kong a chim mi hi vawleicung upadi le phunglam he a kalh mi a si.Taluk cozah nih hin south chin sea kong pin ah buainak dang zong dai tein tawlrel duhnak lungput a ngei lo tiin Lloyd Austin nih south china sea he a pehtlaihmi a hawikom ram pawl chanh ning a chim.

Taiwan tikulh kong,Taluk ramah a ummi Muslim miphun hna ci mit lakin thahnak, India le china ramri buainak hna cu Taluk nih mei a vanmi lawng a si.Chawnhbiaknak he tha tein ceihpi zong a duh lo.

US nih Taluk cozah he zong siseh, Taluk ralkap he zong siseh buaibai kan duh lo, rem tein um kan duh ko.Asinain kan caah thil thathnemmi ah hnahnawhnak a kan pek a si ahcun dai tein kan zoh sawhsawh lailo tiah US defence secretary nih a ti.

Singapore ah a tlawnglio mi US ralvennak vuanci le Singapore ralvennak vuanci hna cu nizan ah pumpak in tonbiaruahnak an ngeih hnu ralvennak kong tonbiaruahnak ah a tubantukin a chim mi hi a si.Hi tonbiaruahnak ah Taluk buainak kong pin ah Kawlram uktu ralhrangbu hna thiltuah ning cu pom awk tlak le pom khawh ding pakhat hmanh a um lo tiah Lloyd Austin nih a chim the chin post.

Leave a Reply