Mindat Peng Chat Baptist Biakinn SAC ralkap nih zudinnak ah an hman

Thawngpang

Mindat Peng Chat Baptist Biakinn SAC ralkap nih zudinnak ah an hman, an thurhnawmh i thilri an hrawhAugust 31, SAC ralkap nih Mindat Peng Chat khua Baptist Biakinn cu umhmun khuarhnawh in an um i riithai bu in thilri an hrawh, an thurhnawmh tiahtheih a si Bible ca Biaknaklei ca an hrawh, khawngzi zu Biakinn chung ah an ding, Khrihfabu chungkhar cio ngeih mi electric mei le meiseh pawl an hrawh.

An thurhnawmh, tiah Shane Aung Maung sin in kan theih.Mindat Peng ah hin SAC ralkap nih khuate tam nawn ah umhmunkhuar in thilri an hrawh pin ah innzuat satil zong an thah an ei dih hna.Cun, Falam Peng Taal khua Baptist Biakinn zong voi hnih khengteumhnawh in an rak thurhnawmh oin ah an hrawh i Falam Khrihfabu Komh FCMF nih a thar in Pathian sin pekchanhnak zong an rak tuah the hakha times.

THawngdang Kawl ralkap nih Daw Aung San Suu Kyi kan thlah lai tiah ralkap sakhan kip ah an chim cang.Kawlram ralkap bawi Nay Pyi Taw ah a ummi hna nih Kawlram chung um ralkap sakhan kip ah ca an kuat hna i Suu Kyi kan thlah cang lai, Suu Kyi sinah uknak kan pek cang lai timi cu an thanh ter hna.

Matupi ralkap sakhan zong ah Suu Kyi kan thlah cang lai i Suu Kyi sinah uknak kan pek cang lai tiah ralkap bawipa nih Nay Pyi Taw cakuat a rel lio ah ralkap pakhat nih ka zum loh a ti i an bawipa cu meithal in a kah hnu ah a mah le mah zong meithal in ai kap ve an pahnih in an nunnak a rak liam.

Kawl ralkap bawi pawl nih ralkap sakhan kip ah Suu Kyi kan thlah cang lai i Suu Kyi sinah dai tein uknak kan pek cang lai tiah an phuan mi hi ralkap pawl an thluak tawl an duh hna caah a si tiah ramkhel pawl hna nihcun an chim.

Ral a tumi Kawl ralkap pawl hi an lung a dong ngai cang. Raltuk an huam ti hna lo. An mah le anmah kar zong ah daihnak a um kho ti lo. Pakhat le pakhat i kahnak le i siknak in an khat ve cang hna.

Cu pinah ralkap chung um a huam ti lo i hriamnam meithal he a zammi zong tampi an um cang. NUG zong nih lungsau tein ralkap pawl cu CDM lut ding in a lemsoi peng hna. Kawl ralkap minung 500 leng an zam cang.

Cu ruang ah Nay Pyi Taw lei in Min Aung Hlaing te pawl Seo Win te pawl nih an thluak an chuah i ralkap pawl cu an thluak tawl an timh hna. An tha nuam hna seh, ralkap in zam hna hlah seh ti an duh ruang ah ralkap sakhan umnak kip ah mah cu thawng an thanhnak cu a si.

Suu Kyi cu ralkap nih a phunphun in sual an puh i taza an cuai. Biaceih zung chuah ding nithal zong an cancel piak lengmang caah a tu hi khoika set ah a um timi zong a sihni pawl nih an thei kho ti lo.Kawl ralkap nihcun kum 2023 August thla tiang uknak kan tlaih lai i thimnak kan tuah lak. Thimnak tuah chung thla 6 a rau lai i thimnak kan tuah hnu ah teitu party a simi poh sinah uknak kan pek lai tiah an rak chim tawnmi a si.

Thawngdang C nih an khawlhmi emergency National Security fund cu, $4 millions target a rak si nain $7million leng kai an hmuh tiah news an tialmi ka rel. A dik ahcun “Fundraising” ah an thlawh a tling tinak a si. An target lengpi Mipi nih Phaisa an thawh caah, Mipi nih an bochan hna i, mandate an pek bak hna tinak a si.

Mipi lei kap cu vuivai ding a um lo tluk a si cang i, a ttuantu lei rian belte hlawhtling lak in ttuanchuak ve ding rian nganpi an ngei tinak a si.

A ttuantu lei in dingfelnak le, dawtnak le, miphun lungrualnak he rian an ttuan ko ahcun, Kawl Ralkap, ralhrang tei pinah, 2021 Kum hi Chin Miphun pi lungrual thainak Kum, new chapter zong a si khomi a si. Cucaah, tulio Chin politics ah riantuantu vialte nan biapi ko.

Thawngdang relchap duh mi hna caah Catial tu lai ram laipa Zei ruang ah dah tuanvo ngeitu nih Thantlang kahnak thil sining fianternak an tuah bal lo,Thil acang cia mi cung ah tuanvo ngeitu nih thil sining fianternak cu mipi sin ah tuah ding asi.Mipi lung awtawm in chiah ahcun zei tin cundah mipi nih 100% cu thil cang mi an,cohlan khawh thlu lai i tuanvo ngeitu hna cungah zumhnak le bochannak a um khawh lai.

Mipi zong nih ralkap dohnak kong ah an thei thiam tuk, zalong deuh in ralkap dohnak ding ah hmunhma pek/kianh hi ready an si ko. Asinain khuachung bak i ruah lo piin thil tuah tik ah kap hnih kar ah hlawh tlintlinnak a um lo pin ah atuar mi cu mipi an si.

Civil war taktak thok tung lo ahcun khuachung i kah te hna hi mipi caah tihnung mi dirhmun asi.Thil sining le a siding mi kong ah ahlan kan in mipi timhtuahnak ngeih khawh aherh bantuk in tuanvo ngeitu nih ralring deuh in riantuan ahau.Kanmah himnak sawhsawh hna ah kan ralpa kan kah ahcun achung um mipi nih tuar asi.

Tutan thantlang thil cang mi kong ah uh tanhnak atam kho, hlawhtlin lo taktak asi. Arannak in fianternak tuah aherh ko.Covid rai atam lio asi, lockdown lio asi. Thil a can tik ah covid rai zaw he zaw lo he cawh thup in hmunkhat ah dor asi. Cucu ruah lo pi thil acan ruang ah asi timhtuahnak tha kan herh.

Za Sang Cinzah tial mihi rak relchap ve uh a thatuk Tiliban nih fawite in Afghanistan an lak khawhmi hi anmah lila zong an khuaruah a har. Timhciaman tein an lakmi a si lo. “Kan iruahlo ningpi in Afghanistan Ralkap cu hnulei an ithawn i, an camp an chuahtak caah lakhruak bak in Kabul hi kan lut” tiah an chim ve.Afghanistan Ralkap nih zeiruang ahdah security lak loin, an camps an chuahtak viar timi Afghan politics ah biapi tak a si. Hi tluk fawi in Afghanistan Ralkap an tluk ding hi US siseh, Anmah Tabiliban lila zong nih an iruahchanh lo.

Fawi tuk in Afghan Ralkap an tluk caah, Kabul cu khuaci a mui. US le ramdang pawl zong nih lakhruak bakin an Minung pawl Evacuate” an tuah an chanh hna i, Kabul Airport cu a rannak in US Ralkap nih an control. Afghanistan 🇦🇫 Mipi zong vaivuan in an um. Afghanistan Ralkap fawituk in an tluk hi a ruang an chim cio. A cheu nihcun Anmah Afghanistan hruaitu lakah eihmur le sinak dirhmun icuhnak a um ruang ah a si an ti.

A cheu nihcun, Tiliban hi Russia, China le Iran tbk Arabs ram hna nih an bawmh hna i, an von tthawn thluahmah lio ah US Ralkap pawl kir ding dirhmun an von si tikah, Afghan Ralkap pawl an lung a dong an ti. Tiliban ralhrang hi kanmahte cun, kan tei kho hna lai lo timi lung dernak an ngei tiah an chim. Abik in US President Joe Bidden a von kai hnu in, US Ralkap nih camp an sakmi an chuahtak thluahmah tikah, Taliban pawl an hmunhma a kau i, Afghanistan Ralkap pawl an lung a der a zual tiah a chimtu tampi an um.

Taliban pawl an tthawn khunnak cu, hmuhma an lak khawhnak hmun paoh hi training camps ah an ser colh i, Minung hi tam khawh chung tam in training an pek hna. Mahhi an thazaang taktak a rak si. Myanmar 🇲🇲 Ralkap nih ana a von lak in, Mino tampi, training kai dingin, hriamtlai an fuh hna i, “training kainak hmunhma a lawng rihlo tiah an rak khirh hna an timi he cun an idang ngai. Caan ttha lak zia thiam hi ral teinak ah bawmtu taktak a rak si tinak a si.

Asinain can a von kal i, PDF le CDF tbk in townships kip in, kengkip ah Training an lak ciomi hi teinak hmuhnak lam cu a si te lai. A caan a phan tik ahcun, Afghan Ralkap bantuk in MAH Ralkap nih an camp pawl an chuahtak cio te lai i, fawite in Mipi aiawh CDFle PDF pawl nih Naypyidaw cu an lak caan a ra ve ko lai tiah ruahchanhnak nganpi a um.
Ram le miphun he pehtlaih ahcun, dingfelnak lawng nih ram a sersiam. Thawnnak le teinak zong hi dingfelnak lawng ah a um timi hi tulio news kan rel ciomi nih a kan hmuhsak ngai.

Leave a Reply