Mitlau thawngthanhnak

Thawngpang

Mitlau thawngthanhnak
==================
Thlantlang khua ah Pa Mang Hei a tlau. Thlantlang No.1 Sang ah a um mi Pa Mang Hei cu tuzing riantuan aa thawh nakin a tlau i, atu hi kan kawl cuahmah lio a si tiah kan theih. “A tlau mi hi, Mang Hei a si i, Zangtlang khuami a si. An chungkhat nih an chim ning ahcun, tuzing ah rian ka tuan lai tiah aa tim i, a thilri zong a kal tak i a leng le si ko tiah kan ruah. Zaan tiang a tin lo tik ah an kan chimh i atu hi kan kawl lio a si.

Amah hi Malaysia hna ah a rak um bal mi a si. Zuu cu a ding ngai tiah an kan chimh. Atu tlang cu kan au i kan kawl lio a si,” tiah Thlantlang No.1 Khuabawi Pu Van Thlir nih The Hakha Times ah a chim. Atu tiang cu an kawl cuahmah lio a si i, an hmuh le hmuh lo thawngthanh than kan vun i zuam than lai. Credit: Hakha Times Daily Newspaper.

VAKOK Theology; America nih “Muvanlai” Kha an ram “Flag ” Alan ah a hman Bantukin Laimi nih “Vakok” cu kan Miphun hmelchunh nak (Emblem) ah kan hman mi asi ve. Vakok cu a nunnak ah zumh awk tlak asi. Vakok Nu nih thingkua chung ah Ti atit i a tlumh tikah Fa a keuh hlan lo ka fa le an I rawk lai ti a phan caah leng ah a chuak lo. A vaa Vakok pa nih rawl a kawl piak ii a leng in a congh. Cuticun a nu nih fa a keuh ii an choitlah tiang Vakok pa nih a dawt hna ii a cawm hna. An Mah Nu Pa Leng In Midang An I Duh Lo.

Vakok pa rawl a kawl nak ah a ral nih an thah i a rak kir ti lo asi ahcun vakok nu nih a fa le he an thih tiangh an hngah. A fa le kha a kal tak siang hna lo. An kar lak ah dawtnak thuktuk an ngei i, zumh awk tlak in thih tiang khua a sa mi ansi caah, rawl a kawl mi Vakok pa hi Ramvai nih thah phung asi lo tiah kan pupa chan in an rak thlah hna. Zeicah tiah a pa an thah ahcun a nupi le a fa le zong an thih ve lai caah asi. Cun an fa le an tlah hnu ah vakok pa a rak kir lo ahcun a vaa kawl ah aa thawh. A hmuh khawh ti loahcun midang nih a cung an kai nak cha cun tiah a mah le a mah aa that ti asi. Hi tuan bia nih a kan cawn piak mi cu zumhawktlak si nak (faithfulness) asi. Chin miphun nih chin miphun bak kha a duh ii a dawt ding Nationalism kha asi ko. Chin miphun nih Chin party ah ka Nun thap ding asi ko.

Kan Pathian le kan Miphun ah zumhawktlak. Hruai Tu hna hi kanbiak mi kan pathian le Miphun cung ah zumhawktlak in kan nun a herh. Zungzal in aanuam mi Miphun, khrihfabu kan si khawh ding ah cun hraitu hna nih Pathian ttih in miphun hruai ii zumhawktlak mi si kan herh. Pathian nih a kan dawtnak kan ruah tik ah Pathian sinah zumhawk tlak si kan herh. Miphun nih thim mi hruaitu kan si tik ah Miphun caah zumhawk tlak kan si a herh.

Kan Rian ah Zumh Awktlak. Khrihfabu/ Mipi nih kan santlaih lo bu in an kan Hruai Tu ah an kan thim an kan hman. Khrihfa bu / miphun le Ram caah kan thik ti khawh nak, kan fim nak, kan caan hman ding kan si. Sihmanhsehlaw voi tam pi cu kan ttuan ding rian kan ttuan lo. Kan cung ah aa khing mi kan rian ah zumh awk tlak in kan um tawn lo. Hruai Tu cheukhat nih a min phurh lawng kan duh I a rian (attavuan) phurh kan zuam lo. Hruaitu kan tlin hlan ah cun pathian sin ah / Mipi sinah thla cam le biakam nak kan tuah tawn. Na caah / Nan caah kasi khawh chung kaam zuam lai kan ti i bia kan i kam tawn asi nain a taktak a phak tik ah zumh awk tlak in rian kan ttuan tawn lo. Sertu le miphun caah si lo in mah paw le mah inn chungkhar caah asi tawn.

Pathian Chaw Keng Tu Kan Si. Pathian nih Ram le miphun, chaw le va, fanu le fapa, Inn le lo kan sinak tawk cio in a kan pek. Cu Ram le Miphun si nak hna cu kanmah ta ansi lo. Pathian chaw/pathian thil kan ken piak mi tu asi. Cu caah a mah pathian duh nak in hman le Fel tein ken thiam, Kilkawi thiam kha pathian nih a kan duh piak mi asi. Miphun kan Sii nak ah lungrual tein um, ttan tti ii Ho miphun hmanh nih kan cung ah an bawh awk asi lo. Miphun le Ram caah zumhawktlak Vakok nun kan ngeih a herh caan a si cang. Credit: Thawng Lianuk

Leave a Reply