Ngeichiat nak thawng ralhrang nih sualnak ngei lo hngakchia Maung Maung thilak meithel in an kah

Thawngpang

Lawng Lung peng ah Mg Zin Maung Thant kum 15 cu ralhrang nih an kahthah Thanintharyi ramthen, Dawei ramkomh, Lawng Lung peng Oh Yi Phyo khuakomh Kad Nge Htein khua ah September 17 zaan Suimilam 6:30 hrawng ah ralhrang hna nih kum 15 ngakchia Mg Zin Maung Thant cu an kahthah tiah Democracy lei cawlanghnak committee Dawei pengkomh tuanvo ngeitu pakhat nih a chim.

Kahthah a tong mi hi Mg Zin Maung Thant a si tiah kan theih. Zaan suimilam 6:00 hrawng ah ralhrang hna hi phungki inn hrawng ah hmunhma an la dih. Kad Nge Htein khua ah cun zaan Suimilam 6:00 leng in leng chuah lo ding in an chimh hna. Mg Zin Maung Thant cu Suimilam 6:00 leng hrawng ah lam cung in a chuak i ralhrang hna nih cun an auh i a tih tuk si theo lai a zaam i an kah ” tiah khuami pakhat nih a chim.

Tu ni tu caan tiang zong ah Kad Nge Htein khua phungki inn ah ralhrang hna cu timhcia tein hmunhma an la i a chawk ni poh an chek hna tiah khuami hna nih an chim.Mah leng ah ralhrang hna cu Oh Yee Phyo khuakomh Lawng Lung peng chung um khua chekhat ah ralhrang thazaang tam pi in chek nak an tuah tiah Democracy cawlcanghnak committee (Dawei pengkomh)sin in theih asi the chin post.

Leave a Reply