PDF nih SAC ralhrang ceilak an thah hna a thar in uar an um khotuk cang

Thawngpang

Magwe ramthen, Puak peng Dingkun (ဒိန်းကွင်း) khuate pawngah Ralhrang mawtaw cu PDF phu nih bomb in an phomh hna, kaphnih kar kahnak zong a chuak, rallokap lei in 100 hrawng an thi lai tiah hlathlai hnu ah fehter asi tiah theih asi.

Nizan August 30 ni, zanlei sang ah kaphnih kar ah Sml cheu tluk an i kaap, Pathein, Monywa le Khaan 10 hrawng a hlatnak khuate pawl meikanh asimi Kinma(ကင်းမ) khuate hna an si.

Cu kahdohnak hmunhma pawng hrawngah August 28 nih ah kahdohnak a rak chuak i ralhrang lei in a thimi hna cu cawleng le tawlazi in an phurh hna tiah theih asi.

Thawngdang KNU/KNLA nih a lak cang mi ralhrangbu sakhan in KNLA brigade 6 nih a lak mi sakhan 2 hna cu ralhrangbu nih pek than dingin a hal tiah theih a si.Hi sakhan 2 hna hi Karen ramkulh Kyarinseikkyi peng Khokkhua tlangah a ummi Kalikhi sakhan le Kawkareik pengah a um mi Ceik camp hna an si.

Kalikhi camp hi KNLA brigade 6 kuttang battalion (17) nih August 26 ah kah lo in an lak mi a si i, Ceik camp zong ralhrangbu nih August 21 ah an chuahtak ruangah KNLA battalion 18 nih an lak mi a si.

Sakhan an hal mi lakah Kalikhi sakhan cu KNU nih nai ah khan an pek than cang tiah theih a si i, Ceik sakhan kong cu kaphnih tuanvo ngeitu hna an i chawnh lio a si tiah KNU hruaitu pakhat nih a chim.

Kalikhi sakhan hi KNU nih NCA min a thut hlan 2015 October hlan in ralhrangbu nih an um nak sakhan a si i, mipi tamnak khua pawngah a um mi a si ruangah kan pek than mi a si.

Ceik sakhan belte cu khuami hna zong nih ralhrangbu pawl an um than lai an phang, an duh lo ruangah kan pek than hna le pek than lo ding a fiang rih lo. Kan ceih lio a si tiah KNU hruaitu nih an chim.

Ralhrangbu le BGF 100 hrawng cu Ceik khua pawng Kunkalei khua phungki inn ah umhmun an khuar lio a si tiah KNU sin in theih a si.Atu hrawngah ralhrangbu nih KNU/KNLA doh dingin BGF he fonh in thazaang tampi an i chap tiah theih a si i, KNLA brigade 5 commander Brig. Saw Mu He nih brigade 5 cu ralhrangbu nih lak dingin an timh tiah Salween press biahalnak ah a chim the chin post.

Leave a Reply