President thimning kong NLD bialehnak

Thawngpang

President thimning kong NLD bialehnak

Tutan thimnak ah party pakhat lawng nih bahu (Union Parliament) ah zatceo nak tamdeuh thutdan(seat) an ngah lai lo i ttangtti cozah(coalition government) kan chuahter lai tiah Tlangcung Party pawl nih kan chimmi cu NLD nih an kan al, phunghrampi ningin a si kho lo an ti. An chimmi a dik maw dik lo hun zoh hna usih.

1. “Kum 2008 Phunghrampi hi Presidential System a si (Parliamentary System a silo) caah ttangti cozah a um kho lo” tiah an ti. Kan Phunghrampi hi PS cu a si maw? si lo. Asi ah zei system dah a si kun? cawhhrup (hybrid or mixed system) asi. Semi-Presidential System zong a si lo (Eg. French, Russia). CIA Work Factbook le NationMaster tbk buu hna nihcun kan Phunghrampi cu ‘Parliamentary Republic’ timi cazin ah an khumh. Asia Foundation nih cawhhrup(hybrid) tiah a ti i International-IDEA nihcun ‘Assembly-Independent’ tiah a ti.

Presidential System i a muru bik cu cozah-lutlai (head of executive) kha mipi thimfung (popular vote) in dingteo in thim kha a si. Parliamentary System (PS) phung timi cu mipi nih direct in cozah/lutlai kha direct in thim loin Hluttaw nih indirect in thim kha a si. Cu tahfung in kan zoh ahcun 2008 Phunghrampi(president thimning) cu PS phung a si i PS phung a silo. A riantuannak (functioning) belte ah presidential system a lawh deuhnak tampi a um ve ko. (Atang ah screenshot in ka langhter i ka paper zong PDF in ka thil chih). Asinain President thimning phung lawng kan ceihmi a si ko caah cuzawn ahcun PS phung si lo i PS phung a si deuh.

2. Phunghrampi-2008 ningin president thimfung thlakning kongah, absolute majority phung si loin plurality in a kal caah President thimnak caah zatceo nak tamdeuh (333) theng a herh lo timi kongah, Hihi a palh lo nain a dik thlu lo. Absolute majority (timi 50+1%) hnatlaknak a herh hrimhrim tiah tawhhrenh(threshold) a um lo nain phu hnih in aa tthenmi vote thlaknak poh ahcun cu phung cu amah tein (automatic in) a kalmi a si ko. Plurality system cu phu 3 in a cunglei ah vote aa tthen lawngah sullam a ngei khomi a si. Pydaungsu Hluttaw (664) ah vice president pa 3 nominate an si lai nain vote hi phu 3 ah aa then lai lo. Phu hnih lawng a si ko lai. Thutdan(seat) tambik a hmumi party phu le(versus) dir-onhtu opponent party neknawi (minority parties) pawl tiin phu hnih in aa then ko lai. Cucu vawleicung phung a si.

Tahchunhnak ah party (A) nih Hluttaw 664 chungah MP tam bik a ngah ko nain zatceo nak tamdeuh 51+1% (333) a ngah hnga lo; cu buin party dang pawl aa sawm fawn hna lo ahcun a taangmi party/phudang vialte ifonh hna sehlaw Party(A) nakin MP tamdeuh an si lai caah anmah nih president(cozah) an thim khawh ko, cucu minority government ti a si vawleicung ah a um lengmangmi a si.

Biafunnak— Party (A) nih zatceo nak tamdeuh (333) a hmuh khawh lo zongah a vanthat ahcun cozah ser khawh cu asi ko nain a him (secure) lo. A neknawi pawl dihlak fonh ah NLD nakin an tamdeuh lai caah cu hna nih minority government ser khawh caah a riskly tukmi asi. Cucaah zatceonak tamdeuh hmuh lo buin Party-A nih party dang(tlangcung party) sawm loin risk a la ngam hrim2 lailo.

Tahchunhnak ah ‘C’ timi nungak nu tlangval(A) a uar nain ‘A’ nih a uar ve lo i tlangval(B) tu nih cunu cu a uar. Nungak(C) zong cu va ngeih a duh cang tikah zeitindah a tuah kun lai? Amah a uar lotu (A) cu maw a fanh lai a uartu (a helhtu) B cu dah a vat lai? (A) nih a helh/uar lo caah “(B) seh ka vaat ko ne” ti sehlaw a palh lai maw? Credit: Salai Ceu Bik Thawng

Leave a Reply