Ralhrang mawtaw bomh in an puah hnaw,Ceilak an thi hliam tuar an tam taktak

Thawngpang

June 25 zing suimilam 9 hrongah Mungyua in Pale lei a rak kai mi ralhrangbu mawtaw 56 lakah 3 cu Yinmapin PDF nih bomb he an puah caah a thi mi le a hliam mi an um tiah Yinmapin PDF tuanvo ngeitu nih a ti.June 22 ah Banbei le Tayawcin khua hrong Yamapin PDF le ralhrangbu i kahnak hmun hnih ah ralhrangbu Bo 2 pa telin 30 hrong an thi. PDF lei 2 an nunnak a liam tiah theih a si.

PDF lei nih an rak kai ahcun kan kah ko lai, thil dik lawng kan duh. Sianghngakchia he mipi he kan tel dih. A si khawhnak lam in kan doh peng ko lai tiah an ti.Mipi zong a herh lo ahcun Yinmapin pengkulh le Pale peng chung Mungyua – Kalaywa – Yakyi ke kalnak lam le Chindwin ti lam ah kal lo dingin an nawl hna the chin post

Thawngdang relchap Nihin Kawlram Buainak, Pulrai Kong Ah Moses Le Izipt Faraoh Karlak Thil Cuahthannak” MOSES cu IZIPT ram i a kir ṭhan hnu ah, a hmuh mi khuaruahharnak kong vialte kha a u Aaron cu a chimh dih. Cun Moses le Aaron nih Israel mi hna kha cu khuaruahharnak hna cu an hmuhsak tik hna ah, mi vialte nih annih cu Pathian nih a umpi hna ti kha an zumh hna.Cuhnu ah Moses le Aaron cu Faraoh ton awk ah an va kal. Annih nih a sin ah Israel Pathian nih Ka mi hna cu thetse ram ah an ka biak khawh nak hnga nithum chung kal ter hna seh,” an ti’ tiah an chimh. Sihmanhsehlaw Faraoh nih cun ka zum lo Cun Israel zong ka kal ter kho lo tiah a leh hna.
<img class=”alignnone size-full wp-image-10603″ src=”http://www.lailungrawnpost.com/wp-content/uploads/2021/06/fg-1.png” alt=”” width=”700″ height=”400″ />

Cucaah Faraoh kha Pathian nih fimnak ah rai phun 10 a si lo ah harnak phun 10 a tlun ter nak thawng in a si.
Rai phun tampi a tlun hnu ah Faraoh nih Moses cu a auh ter hna i Rai cu daih ter ko cang law Israel cu ka kal ter ko cang lai peknak ding caan a phan cang. Zeitindah a rak tuah ti nan hngal maw Cucu Izipt ram chun a rak ti. Sihmanhsehlaw rai a dih tik ah cun Faraoh cu a lung kha aa thleng ṭhan tawn. Mi hna kha a kal ter duh ṭhan tawn hna lo. Asinain a donghnak ah rai phun hra nak hnu in Faraoh nih Israel mi hna cu a rak thlah hna.
Mah Rai phun 10 hna cu zei an si ti kha thlacamnak ruat ve tuah u sih.

A tu kan nih tlangcung miphun hi Isreal mi Izipt kuttang ah sal in kum can sau pi an um ban tuk kan si ve. Kawl miphun sal ah kum 74 chung kan um cang. Kawl uk nak tang in kan luat kho hlei rih lo. Self determination kan ngei kho lo. Tlangcung miphun vialte nannehnak tampi kan ton ning cu chim hau lo in kan theih dih cang.
<img class=”alignnone size-full wp-image-10397″ src=”http://www.lailungrawnpost.com/wp-content/uploads/2021/06/jk-5.png” alt=”” width=”700″ height=”400″ />

Cucaah a tu tam ralkap nih hramhram in uknak a lak than mi le Covid pulrai a tlungter mi hi ka ruat tik ah Izipt ram chung ah rai phun 10 atlung hnu cio ah Faraoh cu a lau i, Isreal mi hna cu Sal sinak in an luat bantuk in kan ram ah mah bantuk harnak buainak zawtfahnak a tlung mi hi Pathian nih theih lo in cun a um bal lai lo.Kawlram ah a voikhatnak Covid rai hmuh hmasa bik mi ah Chin mi a si i a tu avoi hnihnak covid pulrai zong Chin mi chung in a thawk hmasa than hoi. Ziah Kawlram ah Chin miphun in aa thawk hmasa lengmang mi hi ruat awh um ngai.

A voi khatnak lio covid ruang ah a thimi minung tam bik cu kawl miphun an si kha awh. Nihin kan ton mi vialte hi Moses le Iziptram Faraoh karlak ah an rak ton mi a si kha philh hlah. Faraoh a lungkhong ter te le pulrai a tlungter tu kha Pathian a si kha philh hlah lo te in Khrihfa mi thlacamnak he kan ral cu doh in Faraoh nih a nungmi Pathian cu a tei kho lo bantuk in kan nih lei um a nung Pathian thawng in kan ral cu kan tei hrim ko lai. kan piak kan Pathian luatnak an kan pek lai.Exodus a ngan 7 in 12. 4:27-31; 5:1-23; 6:1-13, 26-30; 7:1-13.
Khrihah Salai Khin Maung Thein laknak chin morning star

Thawngdang relchap Kan Unau MZP hruaitu hna hi Upat tlak taktak an si ka ti Ralkap nih rampi uknak an lak hnu, abik in buainak aa thok ri in nihin tiang, dinh caan ngei lo tein a cawlcang peng ve mi, kan unau MZP hruaitu hna hi upat tlak tuk an si ka ti.Tutan zong thil pipa ngai tuah ding in Delhi an phan. Kan mah Kawlram MP pakhat zong an rak hruai chih ve (Kawlram MP cu langhter lem rih lo).India Cozah, Defense lei lutlai, Home Ministry lei lutlai, Prime minister ti bantuk ton an timh rih hna. NUG cozah thar caan lam an rak kal hmasa ti khawh asi.

India Cozah le NUG karlak i chawnh biak nak ding kong, India Cozah nih a herh ning in NUG le Mipi le rungvengtu phu vialte dirkamh ding in biachim ding, India Cozah nih ralkap dirkamh ti hlah seh, hriamnam zong zuar hnawh ti lo ding ti bantuk tam ngai chim an tim. Cu hnu ah Ramkip Embassy kan ton tthan lai an ti.Kan hnu ah Delhi an rak phan cang, Chin mi dirkamhnak, Chin ralzam ramri in kan kham hna lai lo, Mizoram nih cun kan unau an si caah a si khawh chung in kan tawlrel hna lai, India Cozah nih dawi na timh hna zong ah kan dawi hna lai lo ti tiang in an rak chim cang.
<img class=”alignnone size-full wp-image-10440″ src=”http://www.lailungrawnpost.com/wp-content/uploads/2021/06/hjh-4.png” alt=”” width=”700″ height=”400″ />

India Cozah nih ramri ah Assam Riffle le Kala ralkap tampi a rak chiah hna i mi nung tampi ramri an rak luh khawh lo lio ah, MZP nih ramri tiang an kan buaipi cang.Mizoram um mi caah Phaisa bomhnak kawl nak, dirkamh le zohkhenhnak, Ramchung ralzam (Mindat lei) a herh mi thilri zohkhenhnak, a phunphun in nihin tiang an cawlcang peng.Kan unau caah cun kan thisen pek ding in kan i ready, kan cawl i kan cawl lawlaw cang lai tiah an President nih a rak chim bal.Tutan zong MZP President, Council member tiang Delhi an rak phanh tthan hi asi catial tu le laknak Salai Cung Dawt CHRO President .

Thawngdang relchap hna Kawl le MAH tapung a do kho tu bik cu tulio koko ahcun Rakhine hriamtlai AA hi an si,cucu za ah 99 a dikmi si.Kawlram ah sifak harsabik cu Chin le Rakhine states kan si kha zapi lo,vawleipi theih kan si. Rakhine nih 88 kum dih lai hrawngin dothleng in hriamtlaiphu an rak thok nain zeipi an silo caah 2010 in Tulio AA haotu Thun Myat Naing nih dohthleng phu dang a dirh i kum 9/10 chungah MAH le atapung nih Wah hriamtlai phu tluk dengmang in an ttih manh hna.Cucu chimfian len hau lo in nan theih cia dih kha siko.
<img class=”alignnone size-full wp-image-10364″ src=”http://www.lailungrawnpost.com/wp-content/uploads/2021/06/jhh-7.png” alt=”” width=”700″ height=”400″ />

Tulio AA haotu pa Thun Myat Naing hruaimi Rakhine mipi nihcun an ramah sianginn 95% an on,an kaiter hna i sianginn ah anmah Rakhine ramhla an sakter hna,Rakhine tuanbia cabu chuah in an cawnter timh càng hna.Cucu Miakpi meithal kahnak in kawlcaah a fak deuhmi si i miphun pi a atimi,Tlangcung miphun le hriamtlai phu cungah aduh poh in ralhrang an si tiah athanhtu hna လူမျိုးကြီးဝါဒ neitu sinin lengchuah an duh,an itimh si kha a lang.

Dohhlennak kan timi hi zalon duh,rumro si loin kan cunglei in sal btk in aka zua tu, mi nenh tu,namnet tu hna lakin chuah i mahduh in zalong te i umduh le rorelnak neih kha asi bik. Cucu AA nih 60% an kalpi cang ti khawh si.
Kawl Cozah,ralhrang nih an ttihbik mi cu hriamtlaiphu tthawng neih kha si,cucu Shanram Wah sinin a fiang i cucu Rakhine AA te nih an i tlaih,copy cuahmah,AA haotu pa zong nih ahmurka hrim in achim ko khah.
<img class=”alignnone size-full wp-image-10218″ src=”http://www.lailungrawnpost.com/wp-content/uploads/2021/06/jh-8.png” alt=”” width=”700″ height=”400″ />

AA nih Rakhine ram lawng tlanh tim loin Chinram peng zemaw tiangin tlanh i an ramah khumh an timh cuahmah cang.Chinram nih zeidah kan tuah khawh ve mi si? Hriamtlaiphu tthawng le cakmi ser le neih kha pakhatnak si ko,mah kan neih khawh cun,AA chimlo MAH le aralhrang zong nih kan ihbu ah rawl an rak kan tuh/barh ko lai.

Si cun, Chinram cu kawlram state ah sifak bik kan si ttung? Rakhine zong sifak bik pa 2nk an si ve ko khah.
Rakhine miphun ramdang um nihcun thlakhat an hlawh cheuthum cheukhat kha AA,an ram caah an pek ti si,cucu abiapi tukmi sive.Mahnak biapi deuh mi,mah pek duhnak thlaici atuh tu hna kha an si ti usilaw kan palh thlu lai lo dah.
Tuhi Chinram aa hrimh cuahmah lio a si,cucu nang le kei zong tuanvo kan nei ve.Rakhine le AA kan hngar hna silo fawh,zeitin dah an si khawh bik hlei timi langhternak tu si hih .Chinram tlanhnak dingah mirang le kawl nupa kha tuanvo neimi an silo,tuanvo neitu cu Chinmi kan si.Kawlrawn ah caw ek Naa ek va thai lei caan silo,Chinram ah tungkhur cawh i bunh caan si.Cucu Rakhine le AA sinin hmuh khawhmi asi Credit william HC laknak chin morning star.

Thawngdang relchap Ttialding atam caah atawi nakin ka ttial i atlamtlin lo nak ah nan ka ngaihthiam nakhnga hmasa bik ah kan nawl hna.Kum 1948 kum ah Indepndent kan hmuh cang ti in kawlram pi nih an rak puan mi hi mirang kut chung in luat nak cu arak si taktak ko. Sihmanhseh law panglawng agreement ning in thil kalning ahung si lo tik ah tlangcungmi hna nih kan rak i ruahchan mi Democaracy lam cu arak tlau. Tlangcungmi hna kan zaanmang cu arak lo dih.
<img class=”alignnone size-full wp-image-10286″ src=”http://www.lailungrawnpost.com/wp-content/uploads/2021/06/jj-4.png” alt=”” width=”700″ height=”400″ />

Kan hun ihlauh tik ah cun kawl ralkap sal ah kan rak um diam cang. Cu ca ah atthawng deuh mi tlangcung unau miphun dang cu ramtang ah anlut i dothlen nak an rak tuah colh. Ralkap uknak nih kawlram pi ti nawih in arak nawih dih na in an mah kawl miphun cu anzei arak poi lo. Biaknak ah siseh.fim cawnnak ah si seh miphun covo ah siseh
mi pumpak covo ah siseh anduh arak tling ko in an rak i ruat i an hna arakngam.

Sihmanhseh law tlangcung mihna ca ah cun biaknak fimcawn nak le miphun covo le miphunram covo ah kong ah duh arak tling lo.1962 kum i ralkap uknak an fehter kum thok in nihin ni tiang ah tlangcungmi hna cu ralkap uknak kedan toi ah lamhchih kan si peng. Cu ca ah tlangcung um unau hna atam deuh cu dothlen nak tuah tu bu an rak dirh cio. Tlangcung dang um unau hna an dothlen bu pawl cu an dirh nak caan asau tuk cang pin ah an ramchak thil atam an mipi nih thazaang an pek tuk hna i nihin ni tiang an tthawng. Ralkap acozah nih an ttih hna.
<img class=”alignnone size-full wp-image-10218″ src=”http://www.lailungrawnpost.com/wp-content/uploads/2021/06/jh-8.png” alt=”” width=”700″ height=”400″ />

Kan nih Chinram hi Ne Win acozah nih uknak nawlngaih nak alak thok in azei lei poh in tangchiah le lamhchih kan rak si peng. Chin ramkulh ramri an kan chuh i kawlramri chung ah an kan chiah piak. Fim cawn nak ah kan laica cawn an kan sianh ti lo. Biaknak lei ah namhneh le hrihro nak kan tong. Zalen nak ti mi asullam kha Chinram ah hmuh ding a umlo. Aleeng mi cu salram si nak le teichiahmi miphun uk nak phung lawng arak leng. 1988 kum kawlrampi buai nak nih Chin mino hna thinlung ah rian arak ttuan. Dothlen nak tuah lo ah cun ti mi hi asi. Cu caah Chin mino hna nih dothlen nak tuah ding in ttan an khawh i CNF ti mi dothlen bu cu an rak dirh i rian an rak ttuan. Kum 33 an kalcang. Ni hin tiang kum 33 chung CNF adir khawh nak hi mipi nih nan dirkamh hna ca ah asi ti mi hi thei ve u sih law attha. Asi na in antthawng lo. Rian an ttuankho lo tiah kan hmuh hna. Zeiruang ah dah asi? Aruang cu nangmah le keimah ruang ah si ko.

CNF hnu ah rang tuk in amin ahung lang mi hriamtlai phu cu AA an si. Zeiruang ah hi tluk lawmmam in amin athan. Zei ruang ah dah an tthawn. Zei ruang ah dah ralkap acozah nih an ttih hna. A ruang cu cu bantuk dirhmun phanhding ah ram chung ramleng Arakan miphun pi nih an sersiam hna. An ngeihchiah dih um nak in an bawmh hna ca ah asi. Hi hi afiang tuk in theih mi asi.
<img class=”alignnone size-full wp-image-10053″ src=”http://www.lailungrawnpost.com/wp-content/uploads/2021/06/l-2.png” alt=”” width=”700″ height=”400″ />

Cu ca ah chin miphun nih dothlen nak phu ka ngeih chun cu CNF lawng asi. Kum 33 tiang mipi nih nandir kamh hna. Ni hin ni tiang rian an ttuan chuahmah. Asi na in antthawng kho lo. Kawl ralkap nih an ttih hna lo.Thluak in rian anttuan na in thazaang an ngei lo. Zei ruang ah? .Asul lam cu mipi nih CNF kan dirpi nak le kan bawmh nak hi dothlen phu pakhat atthawn khawh nak tiang cu arak si hrimhrim lo ti hi fiang. An tthawn khawhnak tiang thazaang kan chuah lo ti mi hi asi.

A tu lio caan hi Chin miphun ca ah Golden chance asi tiah ka hmuh. Nihin ah thisen le nunnak pe in rian attuan mihna ca ah ka ngeihchiah kan chawva adih um nak in kandih lak lungkhat in kan ttan lo ah cun Kawl ralkap uk nak tang in vawlei caan donghtiang kan chuak kho ti lai lo.Cu ca ah kan Chinram ah teinak le luatnak puanzar hmuh na duh ve ah cun CNF hi na tthawnter aher.
<img class=”alignnone size-full wp-image-9987″ src=”http://www.lailungrawnpost.com/wp-content/uploads/2021/06/i-5.png” alt=”” width=”700″ height=”400″ />

Ramchung ramleng um Chin miphun vialte nih lungrual te in thazaang kan chuah ah cun kawl ralhrang hna cu arauh hlan ah Chi ram chung in kan dawi dih kho hna lai. Chinram chung ah teinak puanzar kan zar lai. Chinram chung ah Chin Miphun Ralkap nih an kan kilven cang lai.Teinak puanzar zar pi tu si ding in kansawm. Ram chung ah thisen le nunnak thap in rian an ttuan cuahmah. Ramleng lei in Chawva he rianttuan ve usih.Teinak cu kankut ah aum. Kan tei lai.Teinak puanzar zar ding ah i thawh ve usih S. Ngunkio.
.

Leave a Reply