SAC ralhrang nih chinram ah thil tha lo taktak an tuah hoi

Thawngpang

Falam peng khua 4 in minung 800 hrawng ralzaan dirhmun an phan, Falam khuate innchung ah luhhnawh in thilri an hrawh, phone le puan an chuh hna,Chin ramkulh,Falam peng ah rallokap le khuami vengtu phu (CNDF) kar ah July 20 ah kahdohnak a chuah caah khua 4 in minung 800 hrawng ralzaam dirhmun an phan.Falam in Meng 12 hlatnak Taal, Tlangzar, Thlanrawn le Zamual khua hna an si.

Inn 40 leng umnak Taal khua in minung umnak inn cheukhat leng cu TV le soundbox tel in inn thilri hna cu an hrawh dih tiah Taal khuami pakhat nih a chim.“Rallokap nih an hmuhnak poh an kah, khuami hna zong nih an tih lau caah an zaam.Atu tiang inn zong ah an rak tin kho rih lo, an hrial,zaam lio a si” tiah ralzaam chung in minung pakhat nih July 25 ah a chim.

“Facang um mi si ahcun rallokap nih facang cu nam in an thleh i bukkedan in an lamh.An ngeih mi vialte an piak dih hna, puan tha mi vialte zong an lak dih”Puan (zun-30) leng an lak cun,rallokap nih Taal khua ah riahcaw lak ding le phone tun ding ah a kirmi mino pahnih hna sin in phone 3 cu an chuh hna.

Thawngdang Mizoram Chung Ralzaam Kongah Pu Zoramthanga Nih India Home Minister A Nawl Mizoram Chief Minister nih Mizoram chung ralzam hna cu India cozah nih theihpi dingin Union Home Minister sinah a nawl,Nizaan July 24 ah khan India Home Minister Amit Shah le India North-east state chief minister hna tonbiaruahnak ah Mizoram chief minister Pu Zoramthanga nih Mizoram chungah a um mi ralzaam kong hi a chim mi a si.

Pu Zoramthanga nih “Kawlram buainak ruangah Mizoram chungah himnak kawl in a rak zaam mi ralzaam hna cu Mizoram nih a si khawh chungin an umnak le eidin hna pek a si nain,Mizoram cozah phaisa nih a daih dih lo ruangah India cozah cu i theihter lo dingin a nawl hi a si.

Mizoram ralzaam zohkhenhnak kong he pehtlaih in Mizoram Rajya Sabha MP K. Vanlalvena nih Parliament timhtuahnak meetingah July 18 ah bawmhnak a rak hal cang bantukin Lok Sabha MP Pu C.Lalrosang zong nih Minister of State for external affairs Pu RK Ranjan Singh sin ah zohkhenhnak pek dingin July 22 ah a rak sawm cang tiah theih a si.

India Home Minister le North-east state minister tonbiaruahnak ah hin north-east state hna kongg biapi taktak mi ceih a si i, India cozah aiawh Minister of DoNER G.Kishan Reddy, Minister of State, Prime Minister’s Office Jitendra Singh hna an i tel the chin post.

Leave a Reply