SAC ralhrang nih thil tha lo taktak an tuah hoi cang a poi kho taktak si tutan cu a mak ko

Thawngpang

Hpakant (Phakant) ah internet an phih cang Kachin ramkulh chung Hpakant (Phakanh) ah pehtlaihnak internet line cheukhat cu SAC ralkap nih August 20 zaanlei thok in an phih cang, tiah khuami hna nih an chim.

“Zaan suimilaam 8:00 in phih hram an thok. Wifi seh zong phone internet zong an ngah ti hna lo. Phone call nak zong tling tein a ngah lo. Pakhat khat a cang sual lai ti zong mizapi an thinphang ngai,” tiah khuami pakhat a chim.

Kachin Ramkulh Hpakant ah MPT, Telenor (Myanmar) le Wifi line cheukhat pawl cu August 20 ah an phih hnu ah August 21 in thok in internet line a dihlak an phih dih lai tiah bia a leng nain, fehternak a um rih lo tiah DVB nih an langhter the chin post.

Thawngdang relchap KNDO he i kahnak ah Ralhrangbu le BGF anmah le anmah an i kap 23 an thi Karen National Uion (KNU) brigade 5 ramchungah a rak lut mi ralhrangbu le BGF fonh cu KNDO he August 19 zaanlei ah an i kap.

Nizaan i kahnak ah ralhrangbu lei platoon commander telin minung 23 nak tlawmlo an thi.BGF le ralhrangbu hna cu RPG in an i kah sual ruangah a thi mi ruak a tam ngai tiah KNDO ralkap pakhat nih a chim.

August 18 ah Nyatakukyo sakhan in ralhrangbu 2 hna cu Thai lei ah an zaam i, Thai ralkap nih an tlaih hna hnuah ralhrangbu sin ah an pek than hna.

Ralhrangbu nih KNU brigade 5 ramchung an rak luh ruangah August 14 in 17 tiang KNLA he an i kahnak ah ralhrangbu 8 an thi tial taung gyi news nih a tial the chin post.

Thawngdang Ni 200 Chungah Ralhrang Kut In 1007 Nunnak Liam Ralhrang nih nawlngeihnak an lak ni 200chungah thah a tong mi minung 1007 tiang an phan

AAPP nih August 19 nitiang cathanh a langhter ning ah Kawlram chung ralhrang phu hna nih nawlngeihnak an lak ni 200 chungah hramhram in thah a tong mi mipi 1007 tiang an phan tiah theih a si.

Tlaihkhih a tong mi dihlak hi 7355 tiang an phan i thlah rih lo mi dihlak hi 5747 an si.Tlaihkhih ding in nawlchuah hnawh mi hna hi 1984 tiang an phan tiah AAPP nih an langhter.Nawlngeihnak la tu ralhrang phu hna nih thah nawn ruang ah Yangon khuachung in nunnak liammi tambik an si i Mon ramkulh chungah nunnak liammi 10 an um i tlaihkhih a tong mi 400 leng an si tiah theih a si the chin post.

Thawngdang China le ASEAN Palai Kawlram Kong Ah An I Chawn China ramdang lei vuanci Wang Yi le ASEAN Kawlram palai Brunai ramdang vuanci 2 Erywan Yusof hna cu Kawlram kong he pehtlaihin nizaan August 18 ah khan phone in an i chawn.

Atu lio Kawlram chung thil a cang lio mi kongah ASEAN palai nih a ruahnak a chim hnuah China ramdang vuanci Wang Yi nih ASEAN le China cu Kawlram hawikom kan si i, Kawlram chungah remdaihnak a um kho lai tiin ka zumh.

Kawlram kongah buainak he pehtlaihnak a ngei mi vialte he i tong in, phunghrampi chungin a phi kawl ding le Mr. Erywan Yusof nih ASEAN hnatlaknak 5 ningin tha tein rian a tuan khawh lai ti ka zumh.

Kawlram buainak he a pehtlaihmi vialte hna nih zumhnak an ngeih khawhnak dingah duhsa tein tawlrel ding, Covid-19 dohnak kong ah Kawlram bawmhchanh ding, remdaihnak caah lungsau tein tuah ding le mipi sin ah nawlngeihnak tha tein pek than i, democracy lam ah a kal khawhnak dingah tawlrel dingin Wang Yi nih a chim.

China ramdang lei vuanci Wang Yi nih Kawlram kong he pehtlaih in China nihcun a thatnak leiin tawlrel piak dingin ruahnak kan ngei tiah a chim.

SEAN special anvoy to Myanmar Mr. Erywan Yusof nih keimah cu ASEAN palai ka si bantukin ASEAN hnatlaknak ningin a kalpi ding ka si banutkin Kawlram he pehtlaihin Taluk dirhmun cu ka pom i, kan tuanti nak zong fek chinchin dingin ka duh tiah a chim the chin post.

Leave a Reply