SAC ralhrang pawl cu MNDAA nih faktuk in an tthuat cang hna

Thawngpang

le Ralhrang I Kahnak A Fak Shan ramkulh chaklei Tini peng Luaidawng khua pawng Nansambu le Banluaingan ah MNDAA le ralhrang rallokap fak ngai in i kahnak a chuak tiah thawngtheih a si.

Tuzing suimilam 9:40 hrawngah Nansambu pawng ah a rak ra mi thazaang 40 hrawng rallokap tatmah 99 le MNDAA Batalion 205 kar ah i kahnak a chuak tiah theih a si.

Tu zaanlei suimilam 5:35 zongah Banluaingan pawngah a rakra mi ralhrang thazaang 80 Kah-Mah-Yiah 420 cu MNDAA Batalian 205 nih an bawh hna i,i kahnak fak ngaingai in a chuak.

I kahnak ah kaphnih i hliammi zat fiangin theih a si rih lo nain ralhrang rallokap lei in hliammi cu an tam tiah theih a si.Shan ramkulh Muku peng Phawngsan khua pawng zongah a luancia mi ni zei maw ah khan MNDAA le ralhrang i kahnak fakngai in a chuak cang tiah theih a si

Thawngdang Kawlram Ah Covid-19 First Le Second Wave Nakin Third Wave In A Thi Mi An Tam Deuh Cang Ralhrangbu nih rampi nawlngeihnak a lak hnu ah a chuak mi covid-19 voi 3 nak (third wave) ruangah nunnak a liam mi cu a voi 1 nak voi 2 nak nakin an tam deuh cang.

A voi 1 nak le a voi 2 nak ruangah nunnak a liam mi dihlak cu 3,216 a si nain a voi 3 nak thla 2 chung hrawngah nunnak a liam mi hi 3,243 a phan.Mah hi ralhrangbu nih an thanh mi cazin lawng a si.A taktak ah Rangon khuapi chungah mithi ruakvui ding mi tuak ah nikhat ah 1500 in 2000 kar an si.

A voi 1 nak le a voi 2 nak lio ah covid-19 dohnak ah biatak tein a cawlcang mi ngandamnak lei riantuan hna cu ralhrangbu nih uknak a lak hnu ah CDM ah an lut dih caah a voi 3 nak zawtnak a chuak mi ah CDM a lut mi ngandamnak lei riantuantu hna le volunteer pawl zong ralhrangbu nih an tlaih lengmang hna caah duh ningin an cawlcang kho lo tiah theih a si.

Kawlram ah May 27 thawk in a chuak than mi covid-19 zawtnak ruangah biatak tein mi an thi.July 13 thawkin nikhat ah a thi mi hi 100 peng an si i, ni 11 chungah a thi mi cu 2,532 a phan.Mah hi ralhrangbu nih mizaw hna a zohkhenh duh lo ruangah le oxygen hna cu pumpak zuar a khap caah a si.

Ralhrangbu thawngthanhnak nih a voi 3 nak covid-19 zawtnak a chuah hnu in July 23 tiang a thi mi hi 110,000 an si.Mizaw hna sin in Alpha, Beta, Delta le Kappa zawtnak phun then 4 hmuh a si tiin a thanh the chin post.

Leave a Reply