Sagaing ramthen peng 8 ah ni 7 chungah thahnawnnak in a thimi minung 15 an um Sagaing ramthen chung ah peng 37 a um mi chung ah peng 8 ah August 1 thok in August 7 tiang zarhkhat chung ah thahnawnnak ruang ah mining15 leng a thi mi an um cang tiah pawngkam hna nih an chim.

Hi an thih ning kong he pehtlai in Pension la cang mi Palek pakhat nih Sagaing Bell Taraw minung pakhat, Palee Kyang Win Du ah pakhat, Monywa Myawati veng le Nandawan veng ah pahnih, Khin Oo Yua Than khua le Mung Hlah khua ah minung 3, Yi Oo Ngiang Ni Kaan ah pakhat, Kaw Lyin 2, Kani 1, Buh Htla lyin Tun Thaw 2, Tan See 2 kan theih khawh tawk peng 8 ah ni sarih chung ah voi hleihnih mi thahnawnnak a um i a thi mi hi ninung 15 an si tiah a chim.

A thi mi chung ah hin Khuabawi,USDP tanhtu, singcachim hna le mintheih lo mi micheu, thawng petu Dalaan tiah a min theih lo mi hna zong an i tel.

An thih ning cu meithal kuan hma, an lu ah hliam hma in a thi mi an si tiah Hmuhkhin thawngthanhnak in Sagaing ramthen palek zung riantuan pakhat nih a chim.

Hi bantukin i thah nak a chuah hi Sagiang ramthen khuakhang lairel nak hoatu U Mg Mg Lyin le tu lio Prime Minister U Myat Kyaw hna rian i thlennak an tuah hnu August 1 in August 7 chung a chuak mi i thahnawnnak a si tiah theih a si.

Hi kong ahhin Sagiang ramthen pawngkam thil kong le runvennak vuanci zung he a neih mi pakhat nih phungzulh ding le mipi nun himnak caah Security tam deuh kan chiah tiah a chim.Mah lawng si lo in mithah a chuah nak hmun khua hna i khuabawi cheukhat cu an rian i ngol ding in ca a tial mi an um len the chin post.