Ram mipi a vaivuanh ter kho mi Sipuaizi tuah caan a si lo Kan pasaltha nih nunnak thisen thap in ram lak ah caan an hmang cuah, athi mi an um len cang.Minung tampi nih an pawcawmnak kal tak in CDM an tuah. Chungkhar unau chuah tak in ram lak ah Lai meithal he mi tampi an um cang Hi dothlennak hi kan dihlak rian a si, kan mah lawng tuan ding a si lo, an mah lawng tuan hna seh ti ding rian a si lo. Chin mipi dihlak nih a kapkip in kan i tel ding mi kan Rian a si.

Ka huat ngai mi: Thisen le nunnak thaap in mi tampi sandah kan piah lio ah voikhat zong zapi sin a Lang lo mi, online cahmai in Hakha le Thantlang mino a soiseltu kha a hodah a si. Ka chim lawlaw Salai Lungthli Tum a si khah,
MP aa cuh lio ahcun thih ka ngamh, hriam Ka tlai ve lai a ti lo maw? Cun mino nih hriam an tlaih ahcun nithum ka rau lai lo, kaa thawh colh ve lai a ti nain nihin tiang a mui a de lo.Australia le US visa sok a duh mi ka fuh uh tiah heh a au tthan, ramthum nak kalnak lam a um tbk le Australia le US visa tuahpiak nak in phaisa kawl caan a si lo.

Cun Australia le US kalnak visa kong hi atu lio ah chim awk a si rih lo. CDF chung in mino tampi thinlung a vaivuan kho. Cun tulio khuachung ah mino tampi an um rih, hi hna pawl vialte nih Ralkap doh timh loin Australia le US kalnak an tuah CIO ahcun CDF thazaang a hnorsuan te lai, CDF mi tampi nih an tuah duh cio khawh.Cun ram mipi harsat lio, thisen luan cuahmah lio, Covid nih an kan thah cuahmah lio ah online English cawnnak in phaisa kawl timh hna hi ningzak a si.

Mino tampi nih ramtaang in cawn an duh ve sual ahcun tihnung ngai a chuak te kho.A si khawh ahcun, Delhi le Malaysia CRC zong nih UN luh khawhnak le ramdang lanhnak kong ceih len rih hlah uh, mino tampi nih ramdang kal cu an duh cio teh.Cun Lungthli Tum zong nih Australia le US visa a buaipi ahcun indirect in CDF le CNA thazaang a der ter a si lai. Mino tampi nih an kan zamtak khawh.

Online English cawnnak tuah a timh zong hi miphun siaherh a si lo, mah pumpak miaknak caantha tu a kawl a si.
Aho paoh dothlennak ah i tel usih, abik in Kan Mino nih hriam an tlaih ahcun ka lut colh ve lai ati tu Lungthli Tum hi zei nihdah a donh i a um sawh peng, mipi zong kan lungfim cio usih catial tu Salai Hrang Hup.