South le North Korea Ramhnih Kar Lakhruak Pehtlaihnak Lam An Hon North Korea le South Korea ramhnih kar cu a luancia June thla ah North Korea lei in an chahmi lakhruak pehtlaihnak lam cu an hon than tiah theih a si.

South Korea President Office nih an thanh ningah ramhnih hruaitu i zumhtlaknak ser ding le pehtlaihnak thanchon terding in biakamnak he tuahmi a si tiah a thanh.

Ramhnih hruaitu hna nih April thla ahkhan ca an i kua veve tiah South Korea President Office nihcun an langhter,Ramhnih kar biaruahnak a tlamtlin lo caah June ah North Korea nih lakhruak pehtlaihnak lam cu a phih hi a si.Ramhnih hruaitu kar ah lungtlinmi hna cu July 27 zinglei suimilam 10 ah Korea ramhnih kar pehtlaihnak lam dihlak thawktham a si lai tiah North Korea Media nih an langhter tiah BBC nih a tial the chin post.

Thawngdang Ralhrangbu Nih 2020 Rampi Thimnak Result Kan Hrawh Tiin An Thanh 2020 November 8 rampi thimnak result kan hrawh cang tiin ralhrangbu nih a ser mi election commission nih nihin July 26 ah a thanh.

Ralhrangbu cathanh ah NLD nih an nawlngeihnak caah Me an fir, hmatpungtin tello in me an pek ter mi zong kan hmuh.Peng 315 in me cazin kan zohfelnak ah Me nuai 11 le sing 3 leng an palh.Mah hi phungninglo in nawlngeihnak an hman mi a si tiah a ti.

Mah ruangah 2020 thimnak cu a dinfel mi thimnak ah pom khawh a si lo caah Kawlram phunghram, Election commission upadi, Hluttaw upadi hna he a kalh mi a si caah kan hrawh mi a si tiah an thanh.

USDP nih 2020 thimnak cu a rak pom lo pin ah UEC cu ralkap he fonh in a dingfel mi thimnak tuah than dingin a rak nawl bal.2020 thimnak ah NLD nih hluttaw 3 ah mi 1106 nih thimfung an cuh i, 920 nih teinak an hmuh.NLD nih a teinak hi za ah 82.36 a si i, USDP nih hmun 71 ah teinak hmuh a si the chin post.

Thawngdang Biaceih Liio Mi Thongtla 4297 Chuah An Si Cang July 20 ah ralhrangbu nih sualnak 11 in thong a tla lio mi kan chuah hna lai tiin an thanh hnu ah an biaceih lio mi thawngtla a chuak mi 4297 an tling cang tiah ralhrangbu thawngthanhnak nih nihin ah an thanh.

Ralhrangbu nih covid-19 zawtnak puh in July 20 cathanh ah February 1 ralhrangbu nih nawlngeinak a lak hlan i fir, rit-hai si thil kong he tel kn sualnak 11 im thongtla lio mi hna cu chuah an si tiah a ti.

Covid-19 zawtnak in thonginn chungah nunnak a liam mi hna an um len caah thongtla hna cu chuah dingin UN nih a nawl nain sualnak cheukhat ruangah thong a tla mi hna lawng a chuah hna.

Ralhrangbu nih thongtla mi hna cu ngandamnak lei zohkhenhnak tha tein a pek hna lo ruangah thongtla mi tampi an thi tiah theih a si.NLD CEC chungtel U Ngyan Win zong covid-19 zawtnak in July 20 ah khan thonginn ah a nunnak a liam. July 23 Insein thonginn ah mizaw hna zohkhenhnak tha pek dingin ramkhel kongah ralhrangbu nih thong a thlak mi hna nih duhlonak an langhter ruangah cheukhat cu fak piin an hrem hna tiah theih a si the chin post.

Thawngdang CDM Tuahmi Ngandam Riantuan Sii-Inn Ah Kai Than Dingin Ralhrang Lubik Nih Nawlnak A Tuah”Sizung Ah Van Kai Canguh” Tiah CDM Tuahmi Ngandamnak Lei Riantuan Hna Cu Ralhrang Bawi Nih A Nawl

Covid third wave ah zawtnak a karhtuk i, sizung ah sibawi te an i deih lo caah CDM tuahmi sibawi te cu sizung kai than dingah nawlngeihnak latu ralhrang rallokap bawi Buhmugyi Min Aung Hlaing nih nihin ah nawlnak a tuah.

“Kanmah nih cun voitam pi kan in auh ko hna, van ra uh,atu bantuk hi zatlang kongkau a si,ramkhel lei a si ,ram caah a si, Micheu cu an ra than,micheu cu a ruang tam pi ruang ah a ra kho lo mi an um, kan nawl than ko hna , ngandamnak lei zohkhenh tu dihlak fonh in tuan ding ah chim ka duh ” tiah nihin Naypyidaw ah tuah mi Covid-19 zawtnak kong he pehtlai in tonnak ah a chim.

Atu sizung le sikhan ah ngandamnak lei depay kuttang in ngandamnak lei riantuan hna le rallokap phu in ngandamnak lei riantuan mi dihlak hi 30000 leng nih mizaw zohkhenhnak an ngeih nain Covid zawtnak zohkhenhnak ah an tei kho lo.Rallokap nih CDM cawlcangh nak ah a tel mi sibawi te cu an tlaihhna hlei ah a sual puhmi sanghlei in taza an cuai hna.

A luancia mi Covid rai tlun lio ah khan, zawtnak zohkhenh tu ah a hlei in a tel mi ngandamnak lei riantuan tu hna cu thongthlak an si i,CDM tuahmi Ngandamnak Lei riantuan tu tamdeuh cu an hal mi ramdaihnak a ngah hlanlo CDM cawlcanghnak ah pehzulh tel ding in media ah an langhter the chin post.