Thailand Ah Rianṭuan Ding I Kal Aa Tim Mi Zeimawzat Yangon Ah An Tlaih Hna!

Thawngpang

Thailand ram ah rianṭuan ding in phungning lo in kal aa tim mi minung 200 hrawng cu Yangon ah tlaih an si, tiah MOEAF thawngthanhnak in theih a si. An tlaih mi hna cu atu january thla 16 ah Shwedakung ရွှေတိဂုံ pagoda nichuah lei ah a um mi phungki sianginn ah puaisaa Broker 3 nih an umter hna. Minung dihlak 160 an si tiah theih a si. Cu bantuk in January 18 Dagon khuathar, 43 sang, Minyekyawswa lam ah a um mi inn pakhat ah minung 51 zong an tlaih hna.

Mi a khawmtu puaisa broker cu an tlai kho rih hna lo i tlaih an i zuam cuahmah lio a si, tiah theih a si. Rianṭuan ding in kal aa tim mi hi Ayeyawaddi ramṭhen, Paku le Nayphidaw in mino pawl an si tiah theih a si. Covid-19 zawtnak le ram buai ruangah ramchung rianṭuan ding a tlawmtuk cang i mino tamdeuh cu ramleng chuak in rianṭuan ding aa tim mi an tam, tiah theih a si.

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.

Leave a Reply