Thantlang:Khua mi coronavirus a ngei ve cang’Thinphang dai lo a si cang a poi ko.

Thawngpang

Thantlang khua mi Kalay Myo in Ar a phurmi Motor zultu pa sin in COVID-19 zawtnak hrik an hmuh. Mah mipa cu Kalay ah Quarantine chiah a si tiah Thantlang COVID-19 Committee nih an fehter cang.

Thantlang khuachung aa chawhnak hmun poh hlathlainak an tuah lio pi zong a si tiah kan theih.Mah thawngpang hi The Chinland post ta ka lak mi asi an mah halh lo in a ruang cu a biapi tuk mi thawngpang a si caah ka van lak chin mi asi an ka theithiam ka zumh ko’Cu Thantlang mipi zong kan i ralring taktak a hau ve cang.

Relchap a duh mi hna caah:Tutan Vice President pu Henry Van Thio laitlang a rak tlunnak kong ah cheu khat dohkalhtu Party member hna nih cun Chin ram NLD caah politics an rak tuah piak hna tiah soiselnak a um.

Vice President Van Thio hi Myanmar ram hruaitu Vice President pakhat a si rih. a rian le a thutden in aa din rih lo. cucaah zeitik caan poh ah Chinram le kan ram pi caah cun a herh ning in rian a tuan ding a si ko. a bik in Cozah an hruai lio riantuan mi cu a fel khawh chung in riantuan a duh caah a si.Hihi dohkalhtu hna nih cun an hngalh thiam lo caah NLD party caah politics a tuah a si tiah an soisel.

Tutan Hakha le Falam a kalnak zong ah Hakha le Falam peng NLD caah politics a tuah mi a si. campaign a tuah pi hna asi ko tiah an soisel hoi. A taktak le ngaingai ti ahcun 2020 thimnak a nai cang i aa cuhnak ding mee hmun hmanh ah duhdim tein tlawng thiam lo in kan chin ram sersiamnak rian tuan le zohfelnak in caan a pek deuh.

Thim lai ahcun vote ngeitu peng le mipi hna sin ah caan pek zong a herh ve mi le a duh mi zong a si ko nain Chin Rampi thanchonak zawnruah ruang ah a rian tampi lak ah Hakha peng le Falam peng zong a caan tawite chung ah riantuan ning zohfelnak a ngeih h a si.

Cozah riantuan tu si lio ahcun zeitik caan poh ah riantuan mi zohfelnak tuah khawh a si. hi bantuk in soiselnak tuah hi nutling le patling khuaruah ning zong a si lo. Cucaah atu tan Vice President Van Thio laitlang a rak tlun hi Chin Miphun ca rian kemh chih in le thimnak mee hmun lei khual tlawng dingin a rak tlun hi a si. NLD party ca men ah a rak tlun mi a si lo ti kha mipi nih ruat hna usih.

Leave a Reply