Thawngchia Pafa Hna Bomb Nih A Puah Hnaw Than Hna E A Fapa Nih A Thi Tak Riang Mang E

Thawngpang

Dagon(ဒဂုံ) khuathar nichuahlei peng, Gian Sit Thar (ကျန်စစ်သား) lam cung, 13 veng hmunthur hlonhnak hmun ah tuzing January 8, zingka suimilam 7:52 hrawng ah bomb a puak i ngakchia pakhat nunnak a liam, tiah Dagon Information sin in theih a si. “Hmunthur chartu pafa hna an si. Hmunthur hlonhnak pung chung ah a um mi cu-cu-eih a nak mi te cu a fapa nih a hmuh i a vun kau tik ah a puahhnawh hna, a fapa te cu a hmun ah a thi colh. A pa cu hliamhma faak taktak a tuar,” tiah Dagon Information nih a langhter.

Cu bantuk in Yangon ramthen, SanChuang(စမ်းချောင်း) peng, KyunThaw (ကျွန်းတော)lam pawng zong ah nihin zinglei suimilam 10 : 45 ah bomb a puak, tiah khua mi pakhat nih a chim. “A thawng a thang taktak! Tlakrawh inn hna zong aa hnin dih! Bomb a puah hnu in palik motor le ralhrang motor hna an chuak, khawika zawn lam dah an kham lai i, an check lai ti cu kan thei lo,” tiah SanChuang(စမ်းချောင်း) khua mi pakhat nih Yangon khit thit ah a chim. Khit thit media

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.

Leave a Reply