Thawngchia Ralhrang Nih Chin Ram Bia Tak Tein An Doh Cang

Thawngpang

Jan 22, tuzing 8:00 am hrawngah Chin ramkulh Tidim peng Kalay Taingen karlak lam kam ah a ummi Hiangzing khua kiangkap cu ralhrang nih Kalaymyo in lamhla kahnak miakpi in voi 10 hrawng an kah hna pinah Helicopter pahnih in suimilam cheu chung hrawng an kah chap tiah theih a si.

Khuami pakhat nih cun Helicopter pahnih an hman, bomb zong an thlak. Anmah nih an kah hmasa mi hna a si” tiah a chim. Miakpi in an kah ahhin Kalaymyo khuachung zong a tlerh dih tiah khuami nih an chim.

Atu bantukin Hiangzing khua kiangkap an kah lenmi hi miphun ralkap hna an um lai ti an ruah ruangah a si tiah zumh a si. Hi kong he pehtlai in miphun ralkap lei nih chimthanhmi a um rih lo.

Jan 21, nizan ah Hiangzing khua ah umhmun a khuarmi ralhrang hna cu CDM Siyin, PDF Zoland, Zogam Army, PDA, CNA, CNDF, CDF KKG, Zomi PDF le PDF Kalay i bawm in an kah hna i ralhrang 15 an thi i hliam a tuarmi zong an tam tiah PDF Kalay nih an thanh the chin post.

Thawngdang Kawl ralhrang nih upadi bantuk in uknak thla 6 an chap than lai. Myanmar ralhrang nih uknak an laknak kum khat a tlin deng cang caah uknak chap than ding in bia an khiah.

Nihin January 14,2022 ah Min Aung Hlaing le a unau pawl hna cu meeting an tuah kan uknak hi kum khat a tlin deng cang caah upadi bantuk in thla 6 chung uknak kan tlaih than lai tiah biakhiahnak an ngei.

A min men tein meeting cu an hei tuah ve ko i kum 2008 upading tein kan kal tiah an hei ti ve ko nain an duhnak lawng ah upadi an zulh i an duh lonak ahcun upadi an zul hlei lo. An duhnak zawn upadi pohmah poh an hman i an duh lonak pohmah poh kha an hei kaltak men ko.

A taktak ahcun meeting va tuah len zong khi an hau lo cuh. Uknak cu hramhram cun dawh an uk thiam ko cuh. Sinain mipi hmuh ding ah upadi ning bang in uknak kan chap than tiah meeting cu an i tuahter ve ko hih.

Min Aung Hlaing nih a hlan ah a rak chim ning ahcun kum kum 2023 August thla ah khin thimnak kan tuah lai tiah a rak chim. Kum thum chung uknak kan lak lai ti kha a rak chim tawnmi a si. Thimnak lai timhtuahnak ahhin thla 6 chung can kan lak rih lai tiah a rak chim.

Sinain PDF le Tlangcung miphun hriamtlai hna hi an thazang a thawn chin lengmang ruang ahhin kum 2023 tiang hi a uknak a hmun kho te hnga maw theih a si lo. Nay Pyi Taw khuapi lawng zong uk te sehlaw theih lo a si.

Min Aung Hlaing nih thimnak hi a tuah zong a tuah kho lai lo. Ho hmanh nih mee an thla duh lai lo. Thimnak tuah kho lo ding in PDF le hriamtlai nih fawi tuk in an tuah khawh mi a si. A tu hmanh ah ralhrang pawl hi an duh ning poh in khua chung ah an vak ngam lo. Khua chung an kal hmanh ah minung tampi lawng in ralram kal in an kal ngam cang.

Leave a Reply