THawngchia taktak Kawlram mipi tamtuk nih,Taluk kuttang sal riantuan ding in an kal cang

Thawngpang

Muku မုံးကိုး peng Phawngsan ေဖာင္းဆိုင္ pawngah MNDAA Ralhrang Rallokap I Kahnak Ah Mipi 160 Leng Taluk Ram Ah An Zaam Shan ramkulh chaklei Muku peng Phawngsan khua pawng ah MNDAA le ralhrang rallokap tuzing suimilam 6:30 ah i kahnak a chuak.Suimilam cheu hrang fak ngai in i kahnak a chuak suimilam 8 hnu ah Banlun tlang Kah Mah Yiah 547 umhmun lei in MNDAA le KIA nih umhmun an chiahnak lei in hriamngan in kahnak a chuak tiah theih asi.

Muku i kahnak he pehtlai in min lamghter duh lo mi palhat nih ” hi ka lei i kahnak hi nithum asi cang,MDAA le ralhrang i kahnak hi,tuzing zongah i kahnak a chuak,i kahnak ruangah tuzing ah Manyian မန္ယာန္ Banmuai ဘန္ေမႊး Nawnkhai ေနာင္ခိုင့္ khua in mipi 160 leng Taluk ramlei Banvua ဘန္ဝါ khua ah an zaam hna tiah” a chim.
I kahnak ah kaphnih in hliammi zat theih asi rih lo the chin post.

Thawngdang June 28 in July 2, 2021 ah tuahmi NCCYF le CNN mino Civui pi ah kan pa pakhat a si mi le NUG cozah zongah hruaitu dirhmun ah an kan dir piaktu Dr Lian Hmung Sakhong nih bia a chim mi chungin kan ttial khawh tawk le zeitindah federal army kan ser khawh lai tibantuk siseh NUG le CNF karlak hnatlaknak tuahmi hna zong a chim chih.

A chim mi cu “Tlangcung hriamtlai pawl direct in PDF ah lut dih uh an ti cucu direct in tlangcung hriamtlai pawl PDF ah an luh a si ahcun mah cucu Min Aung Hlaing kuttang i tlangcungmi ralkap va tlak he khin aa lo, ti khan cun Federal army a chuak kho lai lo.

Cu caah federal army a chuah khawhnak ding ahcun kan mah tlangcung mi hna nih kan mah le kan ram cio ah kan ram humhimnak caah ttawan kan laak lai. Kan ram kan zohkhenh lai, timi kha pakhatnak ah kan i tlaih ahau. Pahnihnak ah Kawl pawl ralkap(PDF) le tlangcung hriamtlai ifonh hnu lawngah federal army cu a chuak lai mah cucu kan i fiang tawn lo i tlangcung hriamtlai hna nih an hngahmi zong a si.

Sinain, kan nih CNF nih kan hngak maw, kan hngak lo. Zeiruangah kan hngah lo tiah cun a thei lo mi hna kha kan chimh hna lai i kan mah nih policy kan hruai lai kan ti. Cu caah NUG le CNF kha hnatlaknak(agreement) kan ngei cang.

Kha hnatlaknak kan ngeihmi kha mipi sinah kan phuang duh bal lo, a zapi te cun ka phuang lai lo nain a herhmi pakhat te ka van chim lai. Kha chungah khan bia pahnih aa tel pakhatnak ah Thein Sain cozah ah kan lung a rak tling cia mi Chinland cungah hriamtlai CNF le ralkap cozah lawng a um lai timi kan hna a rak tla. Asinain NUG sin ahcun Chin ram chungah CNF a um timi kha an hna kan tlak pi. Cun Chin ram chung a humhimtu, a zohkhenhtu dingah CNF nih ttawan kan laak kan ti.

Mah kha an lungtling i minthutmi ah aa tel. Midang tlangcung hriamtlai zong nih zeitindah federal army kan ngah khawh lai timi zong an hngalh an theih asinain Kawl pawl nih rak kan sawm hmasa hna seh timi an hngak, mah cucu kan nih CNF nih kan hngak lo.

Kan mah nih kan duhmi kha kan tuahter hna, kan duhmi an tuah ahcun kan i fonh hna lai i kan duhmi an tuah lo ahcun kan kal taak hna lai. Kan duhmi kha kan tuahter hna i an lungtling cu caah kei zong hruaitu dirhmun ka laaknak a si.” tiah a chim.

Leave a Reply