Thawngchia:Ralkap nih mipi lei’Minung pa2 thi lak meithel in an kah hna.

Thawngpang

Nihin May 2, Myanmar ram huap lamzawhnak ah khua cheukhat ah SAC ralkap le palik nih meithal in an kah hna i Shan ramkulh ah minung 2 le Kachin ramkulh ah minung pakhat atu tiang ah an nunnak liam. Shan ramkulh, Thipaw khua lamzawhnak ah SAC ralkap le palik nih meithal in an kah hna i, Muslim tlangval pakhat a nunnak a liam. A dang minung 2 hliamhma an pu. Cun, Shan ramkulh chung thotho a simi Naungcho khua zong ah meithal in an kah hna i pa pakhat a nunnak a liam, tiah Shan thawngzamhnak nih an langhter.

Kachin ramkulh, Phakanh khua lei panh in lam a zawhmi Lungkhin khua lamzawhtu mibu zong an kah ve hna i minung pakhat a nunnak a liam. A dang pakhat hliamhma a pu.Mandalay, Monywa le Swebo lamzawhtu pawl zong tthenhmal an tong i sianginn sayamate telh i minung tam nawn tlaih an tong.Yangon ramtthen, Insein lamzawhtu pawl zong SAC ralkap le palik nih an tthenhmal hna i minung 7 hrawng tlaih an tong. The Chin Journal

A tang lei a rel rih lo mi hna caah ralchap khawh asi’Kawlram ralhrang hruaitu si mi Min Aung Hlaing tel in Kawlram ralhrang phu pawl nih February ni 1 ah ralhrang nih nawlngaih nak an lak mi kong ah EU european nih dantat , sualphawt nak cu kum khat an chap. EU nih sualphawt ding mi ah cun cu hna pawl i an ngaihchiah mi tlaihpiak , khualtlawn rikhiahpiak ,hriamnam zuar/cawk nak kong le ralhrang le palik nih hman mi ,mipi hrem nak an hman mi thilri le hriamnam phorh le kuat nak kong ah April 30,2022 tiang phih piak ding tiah April 29,2021 cathamh ah an langh ter.

EU cu kawlram mipi hna he hmunkhat ah riantuan ti ding a si lengah minung hawi dang cungah zaangfah ,bawmh nak pehtlai in tuah timh nak kong le tukum chungah EU chungtel ram 27 cu Kawlram caah urope phaisa tan 20 leng American dollar tan 25 hrawng bawmh chanh nak a pek nak kong zong a chim. Kawlram chungah EU nih sualphawt mi cazin cu EU nih tha tein zoh fel nak a ngeih ,cun a dang sualphawt ding hmuh an si rih ahcun cazin chung ah telh chih an si lai tiah EU Minister of Foreign Affairs nih February thlachung ah khan ralrin nak an rak pek .

Kalram ah ralhrang nih hramhram nawl ngaihnak an lak February ni 1 in, nihin ni tiang ah ralhrang kut in nunnak a liam mi 750 leng an si cang. Asinain ralhrang nih ca thanh an chuah mi cazin chung ahcun cheuthum cheukhat hrawng lawng an langhter, ralhrang uk duhlo langhter mi hna zong ralhrang nih thazaang hmang in mipi an ti hna nak kong ah a dik lo mi a si tiah an al .

Relchap duh mi hna caah’Ralkap nawlngeihnak hrawh le Federal uknak sernak ding ah hrianam in ralkap hrawh lawng hi lam tha bik le a caan zong a tawi bik mi lam a si. Ramkheel lei in kan tawlrel ahcun NCA tluk in lamcaan a sau lai, Phunghram pi a nung than kho, Ralkap nawlngeihnak a dong thlu kho lai lo caah ramkheel lei biaruahnak cun nihin kan ram buainak hi kan tawlrel lo ding a biapi taktak.

Atu hi May thla chung kan lut cang lai. a rauh hlan ah furpi khuacaan he kan i tong than lai i furpi khuacaan ahcun thli le ruah tampi ruang ah ramchung mipi lei cawlcanghnak hrampi a cat kho mi a si caah ralrin ngai a herh.

Thal caan lam a that lio hmanh ah laitlang ah duh ning in fang tlun kal pi le zuar cawk khawh a si ti lo. Ralkap nih fang cawk le phurh hrimhrim an duh ti lo. cu lio caan ah furpi ruah sur caan le bang ahcun eidin zalh nak lei zong ah harnak ngan kan tong peng bantuk in atu lio kan ram buainak ruang ah duh ning in ralkap hi kan doh kho te lai lo.

Cucaah fur tlak hlan may thla chung ah ralkap doh ding hi CRPH le NUG niha tawlrel a herh. Fur pi tlak hlan ah ralkap kan doh lo ahcun furpi ahcun doh lo ah a tha bik lai. zei ca tiah ahcun furpi khuacaan ah ralkap kan doh ahcun mipi humhimnak le dornak hmun lei caah harnak ngan a um hrimhrim lai. Thal caan ahcun ramlak ah I dor khawh a si. asinain furpi ruah le thlichia lak ahcun ram lak ah kan I dor ngam ti lai lo caah mipi nih harnak ngan ton sual a fawi.

Furpi ahcun har tong mi hna i zohkhenhnak le thlop bul nak le i bawmh chanhnak lei ah lam a har lai. Bawmh chanh a hau mi hartong an um lai bantuk in mi bawmtu phu hna zong nih fur pi khua caan ahcun mipi an bawm kho ve hna lai lo caah furpi ahcun ralkap doh lo ah a tha bik lai. cucaah fur tlak hlan hrimhrim ah ralkap doh ding in timh lamh a herh.

Fur tlak hnu ralkap doh ding zong tihnung a si fawn. Min Aung Hlaing nih thuk pi ah hram a rak sih manh lai. thimnak a tuah lai i ramchung rakheel lei buainak a sang lai. Mipi kan thi a dai cang lai i a thar in van thawh than le ralkap van doh than ding hi a fawi ti lai lo.

Kawl raawn ahcun fur le thal, khuasik nih mipi a dawn tuk hna lo i harnak zong a mah ning a si ko lai. asinain tlangcung khuasa mi caahcun furpi hi tih nung mi khaucaan a si caah kawl rawn lei thlihran hoih in caan lak lo in tlangcung khuasa mi hna khuacaan zoh in ralkap doh nak caan ser siam hi a herh. Hihi CRPH le NUG nih an fian i a rannak le a tha bik in khua an khan a herh Ro lian Thang.

Leave a Reply