Palay PDF le rallokap nihnih chungah kahdohnak voi 2 a um rallokap lei in minung 8 an thi minung 4 hliam Sagaing ramthen,Palay peng chungah rallokap hna le Palay PPDF hna kar ah August 30 le 31 ah kahdohnak voihnih a um i rallokap lei in minung 8 an thi i minung 2 an i hliam tiah thawng theih a si.

August 31 nizaan zaanlei suimilam 2:00 pm hrawng ah Palay peng Thaungyin khua le Zaretthaw khua kar ah HmanThaw Pin ah kahdohnak a chuak i rallokap minung 1 a thi i minung 4 an hliam hna i puan in an tom hna i an put hna tiah PPDF lei in minung 2 an phei le an keng ah hliam an tuar phan ding cu a um lo tiah Palay mipi veng tu ralkap sin in theih a si.

August 30 ah Palay peng A Thetyuamah thlanglei ah rallokap he kahdohnak ah PPDF nih ruah lo piin an kah hna i rallokap lei in minung 7 an thih caah a pawngkam ummi Chan Thar Aung khua cu mei in an khangh tiah PPDF cathanh ningin theih a si.

August thla chungah Palay kahdohnak ah rallokap lei in minung 43 an thi i PPDF lei in minung 2 an nunnak a liam tiah PPDF nih an chim the chin post.

Thawngdang September 11 le 12 cu a biapi taktak mi Kawl ralkap he ralpi i tuknak a chuak lai. Cu caah mipi hna biatak tein cawlcangh a hau cang lai tiah NUG nih thawngthanhnak an tuah.

September 11 le 12 cu a voi 76 nak UN General meeting pi a si lai. Vawlei cung ramkip in hruaitu ram ai awh pawl meeting an tuah cang lai.

Cu UN meeting pi ahcun Kawlram ai awh caah ho dah UN palai a si lai timi thimnak tuah a si lai. Kawl ralkap nih Myanmar UN palai an thlah ve. NUG nih Myanmar UN palai caah U Kyaw Meo Tun cu thlah a si ve.

Vawlei cung ram cio in hruaitu hna nih UN le Myanmar pehtlaihnak caah Kawl ralkap thlah mi maw an thim lai NUG thlah mi dah an thim lai timi hi a biapi taktak mi a si. Kawl ralkap ca zong ah a biapi i NUG ca zong ah a biapi tuk mi a si.

UN meeting pi ah Kawlram le UN he pehtlaihnak kar ah NUG nih thlah mi U Kyaw Meo Tun an thim khawhnak hnga vawlei cung ramkip ah a ummi Kawlram mi hna le ramchung ah a ummi mipi hna nih Aungki rang i hruk in ralkap uknak duh lonak langhternak le UN palai caah U Kyaw Meo Tun kan duhnak langhter ding a si lai tiah NUG nih thawng an thanh.

UN palai ding ca hi a biapi taktak mi a si. Vawlei cung ram hruaitu cio hna zong nih an i leklawh ngai cio theu lai. Kawl ralkap thlah mi maw kan thim deuh lai NUG thlah mi dah kan thim deuh lai tihi an i harh ngai cio theu lai.

A ruang cu Kawlram cu a tu Kawl ralkap uknak tang ah a um dih. Myanmar le UN tha tein i pehtlaih khawhnak ding ahcun ralkap thlah mi kha a herh deuh ko a timi tampi zong an um kho.

NUG cu ramchung ah an cawlcang kho lo, ramleng in a cawlcang mi an si tikah UN palai caah thim usih law Kawlram ah rian tuan khawh a si lai maw timi an ruat cio lai. Sinain ralkap uknak cu ho hmanh nih an duh ve fawn lo.

UN meeting ahhin NUG thlah mi palai zong thim lo, Kawl ralkap thlah mi palai zong thim lo. An pahnih in cohlan lo veve zong a um khomi a si. Cucu ram a buaimi ahcun UN palai ngei loin a ummi an um tawn ko.

September 11 le 12 cu NUG ca le Kawl ralkap caah a biapi taktak mi a si. A ho cu UN nihcun an cohlan te lai tihi nan zumh cio.