Thawngtha thantlang khuapi ah thawngpang tha taktak thei a si cang

Thawngpang

Thantlang ah Minung 87 an Check hna i Minung Pakhat Lawng COVID-19 Positive Nihin (August 10) Thantlang ah minung 87 COVID-19 zawtnak an ngeih le ngeih lo an check hna i, minung pakhat sin lawng in COVID-19 zawtnak hmuh a si.

87 chung ah 35 hi ahlan an rak check ciami hna an si i, ahohmanh zawtnak an ngei lo. A dang aa check tharmi minung 52 chung ah minung pakhat positive a si.

Thantlang khuachung COVID-19 Positive a simi hna lak ah COVID-19 mizaw he pehtlaihnak a ngei ballomi hna zong an i tel caah ahopaoh i ralrin khun ding in ttuanvo ngeitu nih thawng an thanh The Chin Journal.

Thawngdang Taluk le Russia raltuk cawnnak an ngei ti lai Taluk ralkap People Liberation Army (PLA) le Russia ralkap hna cu August 9 in 13 tiang Taluk ram chaklei Ningxia Hui Autonomous Region ah a um mi raltuk cawnnak sakhan pakhat ah raltuk cawnnak an ngei ti lai tiah theih a si.

ZAPAD Interaction-2021 tiah min pek mi hi raltuk cawnnak hi Covid-19 hnuah Taluk ramchung ah a voi 1 nak tuah ding a si tiah raltuk cawnnak hruaitu pakhat nih a chim.

Hi raltuk cawnnak ah a bikin PLA, northern region command le Russia ralkap nihchuahlei a um mi hna an si lai i, ram pahnih in ralkap 10,000 leng an tel lai tiah theih a si.

Mah raltuk cawnnak hi ralvennak lei ah ram pahnih i bawmhchanhnak ding le ram pahnih ralkap hna nih ralhrang cawlcanghnak dohnak ah taksa, lungthin thawnnak langhternak caah a si tiah Taluk National Defence chimnak nawlngeitu Wu Qian nih a chim.

Raltuk cawnnak a tel ding mi Russia ralbawi le ralkap hna cu Taluk ram covid runvennak phung ningin quarantine le zohfelnak tha tein ngei hnuah cawnnak hi tuah ding a si i, thawk dingin ready an si cang tiah Xinhua nih a tial the chin post.

Leave a Reply