Thawngthanh le Bawmhal nak: ‘Mitlau Kan Ngei Than Hna

Thawngpang

Thawngthanh le Bawmhal nak: ‘Mitlau kan nei’. 21/10/2020 zaanlei suimilam 8pm hrawng in Hakha, Thantlang NLD Pyine Hluttaw Candidate pawl an tlau, cheukhat cu ramlak ah an tlau, cheukhat khuapi chungah an tlau, november 8 a naih tuk cang caah an tlaunak hmun ah a hmu mi paoh nih The Hakha Times : ah thawng kan thanh piak hram uh.

Democracy a aupi cem mi hi NLD an si nain a taktak ah cun ralkap chan lio nain an zual deuh. An mah party chung hmah ah Democracy phung kal ning a um ti lo cu tah. an mah party chung MP pawl hmanh zalong nak a pe lo mi, cunglei an pi le pu hna nih ralkap uk in an uk hna. rammi zalen nak Federal hrambun mi Democracy ti cu a si kho lai ma? cu chinchap Chin NLD palai vial te cu thawhmanh chuah ngam lo in zaangfak tuk an si tuk hi tah. NLD palai si lo in Kawl ralkap ah luh lawlaw hnasehlaw a zaalong deuh lai. Chinram ca zongah a duh mi chimnak nawl tal an ngei deuh lai. Nihin Mitlau pawl kha zoh ko uh cunglei nih nawl pek lo caah an tlau lawng si lo in an rim hmanh theih kho an si lo khah. cu bantuk Palai hna nih Chinram caah kan aupi lai, rian kan ttuan lai ti cu zeitik hmanh ah zumh awk tla lo mi an si cu a fiang tuk cang khah.

NLD hrimhrim hi zumh awk an tla ti lo. a bik in tlangcung mi caah cun zeitik hmanh in bochan awk an tla lo. Pi. Suh zong tlangcung mi nan duh mi kan tuah piak hna lai tiah a kaa lawng in a au mi asi. tuah ser nak ah tlangcung mi le kawl thleidan nak a ngei mi asi. Chin NLD vote a pe ding pawl nan candidate pawl kha a rannak in kawl uh. Credit: Salai Dynasty

Relchap ding thawngpang dang; CHIN STATE PHOTOS OF THE YEAR 2020 (၂၀၂၀ခုနှစ်၊မမေ့နိုင်စရာချင်းပြည်နယ်ဓာတ်ပုံများ) Kum 2019 August 19 in NLD Cozah nih “Land Used Reforms( မြေလွတ်-မြေရိုင်းများ) tuahnak hram an thawk le cangka in, Chin State NLD Cozah zongnih zei huaha ruak lo’in, Kum- (1889 Chin Lands & Boundary,Revenue)hlonh in Hakha khua pawngkam le Gankaw lei i, Mipi Inn lo tampi cu an chuh i, an suasam, an hrawh piak dih cikcek. Mi Sifak santlai lo tampi cu an mit thli he an thawl dawi dih hna. Ram Bawmh nak (Compensation) zong zeihmanh an pe hna loh.

2017 June,15 ah. JICA bomhnak in Japan Cozah nih Chin State hma’n ding ca’ah( Kale- Falam-Hakha) JCB le Riantuan nak Trucks Lian 120 bakte Japan Ambassador Mr. TaTeSi nih Chin State NLD Cozah sinah a rak pek i, 2020 June thla ah cun, hi JCB le Trucks Motor lian 120 hna hi khawi ka dah a um ti theih asi ti loh. Chin State Cozah nih thitha in an chim kho ti loh. Cuca’ah, hi kong hi Cozah thar nih Kumthar ah Inquiry Commission dinhin zingzawi a hau lai.

Hakha Timit Ti laaknak (Dam) cu 2014 in 2020 a tu tiang Chin State NLD Cozah nih 8.8 billions dihin an tuah i, tu chun ni tiang Hakha Khua chungah Din Ti thitha in an hmu kho rih loh. Tukum 2020 May thla ah khan, Chin State Assembly nih 2 billions an pek tha’n rih fawn. Hi zong 2021ah cun Inquiry lak i, Paisa hma’n ning audits tuah a hau mi asi.

Kum- 2015 ah khan Chin State NLD Cozah nih Matupi Khua ah Pu. Be Kho Inn hmun Sq ft. 400 cu,MMKYATS-Ting-400 in a baa in an cawk i, 2020 January 25 ah khan, CM Pu.Lianluai nih Onnak zong a tuah cang na’in, tuchunni tiang, NLD nih Leiba pe duh lo’in an hleng lengmang ti’ah Pu. Be Kho te fanu nih a chim. 2020 July- August ah kan in pe lai an ti peng i, tuchunni tiang an pe loh. မြေလွတ်-မြေရိုင်းများ in hlah maw, chuh an timh timi hi aa fiang rih loh. Ningzak awk ngai asi.

A tang lei ah Chin Photos of the Year, 2020 kan rak tar chih ko hih. Nu le Nu, Pa le Pa i neih khawhnak Same-Sex le Hakha NLD lam pholannak i Poisa Ks.10000 an pekmi pawl hmantlak zong kan van tar chih dih. Credit: MC Biklian

Leave a Reply