Thawngthar A Tunai Thantlang I Kahnak AH Ralhraang Lei In Pahnih An Thi

Thawngpang

Nihin zingka 27 January 2022 ah khan,CDF,thantlang le Ralhraang pawl karlak ah i kah dohnak faak ngai a chuak,zeimawcan an i kap i,a thi le hliam an um le um lo kan fiang kho hnga maw an ti lio ah a fiang mi an hmuh tthan. Hi i kahnak ah hin Ralhraang lei in hmun ril bak i an thah mi hna hi minung 2 hi cu hmunril ah CDF,Thantlang nih an kah thah khawh hna pinah a dang zong hi a thi mi an um len lai tiah an zumh chih fawn hna.

Hi i kahnak ah hin ralhraang lei nih cun ttihphannak he meithal miakpi kan ti lai,cucu tong te kah in an kah,an puah chih caah CDF lei in minung pakhat a nunnak a liam tiah theih chih a si.CDF,Thantlang nan nunnak a liam lengmang mi hi a poituk e,nan ttuannak le nan liamnak a lak a si lai lo.Hi kong hi lailei um mi sin in theih mi a si laknak Tin Duh Thang FB.

Thawngdang Politic lei thiamsang hnanih an rak ti tawn mi cu politics ah accident တိုက်ဆိုင်မှုဆိုတာမရှိဘူး a um lo purposely timhnak ngeih hnu ah thil a cang mi lawng te a si ti hi a si.Vawlei cung mifim pawl hna I political lentecelhnak an tuah tawn hi cheukhat kan caah cun ruahnak zong nih a phan kho lo. Unau Chung khat timi cu chungkhar tling sinak caah khua khan ti, a rak si bantuk in that can le chiat can zong ah dirti a rak si.Cu vebantuk in vawlei cung ramkip an cawlh cang ning zohtik ah

Ramkhat le ramkhat chiat can le that can ah dirti mi ram zong cu an um ve. Ram khat le ramkhat dirti in an si ning an ngeih mi exchange tuah in aa hrawm ti mi ram lawng te an si dih.Taluh nih kawlram Chung in zeithil dah ka hmuh lai tiah aa ruah peng mi ram a si, kawl ram nih Russia sin ah a ralkap pawl fimcawnnak ah an rak I bochan bik mi a si pin ah Russia nih kumkhat ah kawlram Chung in meithal man zeizah dah ka hmuh khawh lai tiah a rak I ruah peng mi ram a si ve.

Nihin vawlei cung politic ram buainak in kawl ram buaibainak tiang zoh tik ah, Kawl ram buainak cu vawlei cung buainak ah a rak cang. Cu tik ah kawl ram cu A sia Chung in hnawn a si hlei ah UN, America le Europe ram thawng pawl nih cawlh cang kholo in an phaisa le thazang hmuhnak lam a um mi vial te pumpah personal in siseh, cozah ning pi in siseh an phih piak. Cu lio ah Taluh le Russia nih cun a si khawh chung in an dirh kamh.

Cu leng ah a hawi thabik si mi Russia nih Ukraine ram boundary Chung ah a ral kap 100000 tingkhat le hriamnam tha tha a thlah hna, NayToe နေတိုး pawl nih Ukraine caah an hriam nam tha tha an chanh i an si a vang, US le UK nih an mi vial te Ukarine ram chung in himnak lei ah chuahtak ding in nawl an chuah. sihmanhsehlaw Putin nih cun tuk kaa timh hrim hrim lo tiah a ti peng.

Khat lei ah Ralkap cozah a dirh kamh biktu le ralkap cozah nih a bochan bik mi China nih Ralkap van lawng sawmthum leng in Thaiwin cu a va fuh than ve, cu tik ah US le a hawi le pawl cu Thaiwin caah an si vang ve than cang i Taluk cu a phun phun in pressure an pek.Cu tin cun Russia le Taluk nih vawlei cung buainak tiang phanh ding in an tuah hram hram ,cu tik ah kawl ram Kong kau i IJC/UN tiang buainak vial te cu Ukraine le Thaiwin buainak tuk hmanh in vawlei cung thongpang headline ah a Lin sa ti lo. politic lei in cun အာရုံလွှဲတယ် ti a si.

Vawlei cung pi nih Ukraine le Thaiwin kongkau an buaipi cuah mah lio ah Ralkap cozah nih an uk nak a fekkhawh nak caah mipi cu a lam kip in hi nak in kan celh khawh lo nak tiang in ei din, lamsur, Sii Aii le kan in kan lo tiang ciamdih lak in an kan tuah rih lai i, an hram pi cu fekterding ah an I zuam chin chin lai.

Hi ti hin vawlei cung ram vial te an i dirh kamh ning Political thlihran zohtik ah zeithil hmanh hi politic ah cun accident a rak um lo an ti kha a si. Cu caah Kawl ram buainak zong hi, hi nak in mipi nih duhlonak fak deuh le lehrulhnak fak deuh in kan tuah lo a si ah cun ralkap cozah pi cu a thong chin chin lai i hi ti ning te in a dih te ko men mi dirhmun a si Hrang Tin Thang.

Thawngdang A zam lai maw ai ap lai dah? Thim dingmi pahnih ahhin pakhat poh ai thim a hau te lai. A duh zong duh lo zong ah ai thim can a ra cuahmah cang. Khoika lam dah a zulh te lai.

Min Aung Hlaing nih uknak a lak kum khat a tling deng cang. Thla thum chung hrawng cu dai tein lamzawh mi sandah piak mi kha an duh mi hna poh meithal in an rak kah hna i an rak thah hna. An tlaih hna i an hrem hna. Thi lak in an hrem hna i an chungril an rak chuah hna.

Thla thum a hun luan khan cun mipi lei hna nih lamzawh cun asi kho ti lo i meithal kan tlaih i kan doh a hau ve ko cang an ti caah Kawlram mino tampi le tlangcung miphun mino tampi hna cu ramri ah kal in ralkap tintan an kai hna. Min Aung Hlaing ralhrang doh ding in timhtuahnak an ngei hna.

A rau lo, kawlram hmunkip ah bomb a puak colh. Tlangcung miphun ramkip ah kahnak a chuak colh. KIA le KNU an tho colh. Ralhrang a tomtom in an thi i ralhrang sakhan tampi an lak thluahmah hna. Min Aung Hliang le a hawi le pawl an lau cang. Min Aung Hlaing nih China media sin ah mipi an cawlcangh ming a fak ngaingai. Ka ruah ning nak leng in a fak ko tiah a chim phaknak kha a si.

Bauinak a hung fak chin lengmang. Ralhrang pawk tamtuk an thi cang. Nikhat ah a za leng an thi lengmang. Sakhan hme deuh cu an chuahtak thluahmah cang hna. Min Aung Hlaing nih khuapi tu kha biatak tein veng uh tiah a ralkap pawl bia a cah hna. Khuapi lawng a veng kho ding dirhmun an phan cang.

Tukum in cun khuapi zong ah PDF le miphun hriamtlai an lut cang lai. Kayah ramkulh Loikaw khuapi zong thla khat chung deng kahnak a fak cang. Khuapi chung ah kahnak a fak lai i khuapi lak khawh ahcun Min Aung Hliang caah a thar in khuaruah a hau cang lai. A zam lai maw ai ap lai dah? Mahhi lam pahnih ahhin pakhat poh ai thim a hau te lai.

Russia ah maw China ah maw a zam ahcun sau deuh a nung men lai. Phaisa tam taktak ai zampi te lai. Ai ap ahcun mipi nih fak piin taza kan cuai lai i thihdan pek a si lai. Thim ding kam pahnih ahhin zeidah ai thim deuh te hnga.

Leave a Reply