Mipi Nih Kan Himnak Caah Zulh Khawh I Zuam Dingmi Khua Chungah i kahnak a um tikah lam kal lio na si cun na theih bakin cycle siah motor si ah na pawngkam ai neih cemnak inn ah zaam i zuam law a him cem.

Meithal puah na theih hnu i lampi ah cycle in ka tli manh ko lai ti na ruah cun a palhmi ruahnak a si. Khawika in dah kuan fang a rat lai na theihlo caah na caah tihnung a si. Cucu tuchun nih lampi kan tonmi hliamnak nih fiannak tha aa kan pek.

Lungfim tein khuachung, khua pawng kan chuah tikah um in thawng na theihmi a deih hlan chung paoh a him lai na tinak hmun ah i duup khawh i zuam hna u sih.

Thawngdang Chin ramkulh Thantlang ah bomb nih a tlak ruangah inn pakhat a kaang Thantlang Biakinn sang Thlualam lam lei ah inn pakhat a kaang, cu inn a kaang mi chanh cio ding in darkhing tum a si na in ralhrang nih leng chuakmi kah an timh hna caah a hohmanh kan chuak ngam lo tiah khuami pakhat nih a chim.

Tulio Ralhrang nih heh tiah Myanmar mipi caah Covid sii(Vaccine) kong abuaipi kongah Col.Solomon nih tihin avun langhter cang: “I Ralrin Cio Uh! SAC ralhrang nih Covid sii Runvennak chunh ding a tuahmi le rian attuan nak ah hin amah nawl ngeihnak ANAA kha a sersiam mi aa hmuitinh mi a si caah i ralring hna usih. A ho pawl dah fialmi le hmanmi kan si cang hnga” tiah a langhter

Thawngdang Chinmi hriamtlaitu CDFs le CNA nih tutan an dothlen liomi ah teinak an hmuh hrimhrim lai ti a fiang. Lungrual cu teinak a si tiah an ti bangin Chinram hriamtlai phu 12 nih Join Military Council an dirhmi hi a tetuai lo; mah JMC nih Chinram a khamh tlanh hrimhrim lai,phu 12 kha dahkaw phunkhat bantuk ah an ifun cuh,aa funtommi phu cu an sung meimei lo tikha zapi theih cio si.

Hriamnam zong cu heh tiah CNA le F nih an zalh cuahmah ko rih,a tam khawh chung tamin hriamnam cawk le zalh an itim.Mahbelte vanlawng kahnak bel hi a cawknak har deuh kaw meithal bantuk cun fawite hei cawk awk ttha lo mi si.Nain timh ahcun a lam um peng ko ti si caah vanral vennak zong cu a tlawmtam a phan chom ko lai.

Chin mino hna thinlung ah dothlennak a fektuk cang,hriamnam nakin kan thinlung biapi deuh timi ahkhan,kan thinlung cu sersiam fel dih si caah tucu hriamnam kha duhtawk deuh hun hman khawh awk in hun zalh kha si ko cang.

Naite CNA Campah tuah mi JMC ah aa tel duhlo Chinmi hriamtlai chungin nan um ahcun a ran nakin rak ipeh fonh colh ve uh,kan thazang fun caan si,kan ifun ahcun kan ral kan tei lai.

Mah kan ralpa hi kum 1 in kum 2 menah tei lo kho si,kum 4 in kum5 rau khomi ral si caah felfai tein doh haumi a si caah capawl khangh bantuk in chikkhat aa hliau mi sinak in,kum zeizat rauh zongah kan ralpa hi ado kho tu si ding khan itimhtuah a haumi si.

Vuivai hi isum hau,vuivainak nih khurkhua diklo ruahnak a chuahpi tikah vuivai thai in nunhman a fawite caah vuivai lo tein lungthiang tein JMC ah rak ifonh uh,a vuivai pengmi nih ral an tei bal lo;a vuivai le mah phu pakhat men zalon duhtuknak nih ahrinmi cu,Shan state khi a si ko.Shan state ah hriamtlai phu tampi an dirh I a donghnak ah an ral do kho loin anmah le mah an I do ko. Chinramah mah bantuk um lonak dingah vuivai lo tein JMC ah rak ifonh(join) colh ve uh chinland post.

Thawngdang Teinak A Nai Cang Kawlram pumpi caah a biapi tukmi September 2021 thla cu Pathian thawngin kan phan cang. Kawlram mipi caah teinak le thlennak a nai cang kan ti khawh.

Vawleicung kil 4 um UN members hna cu September thla lai ah kawlram kong tonbiaruahnak an ngei cang lai. Kawlram caah abiapi tukmi UN credential committee ram 9 hna nih SAC ralhrang cozah maw a co hlang lai? Asiloah mipi cozah NUG dah a cohlang lai ti hi a si. A tawinak in chim ahcun thawngpang țha maw a chuak lai Thawngpang chia dah? ti hi a si.

Biachahnak a tuahtuding UN Credential Committee ram 9 hna hi an biapi taktak. Mah ram 9 hna ahhin China, Russia le United States of America US hna cu aa tel ding a fiang cang. Adang ram 6 hna cu a fiang rih lo.

Atu ah SAC ralhrang cozah le NUG cozah cu heh tiah zuamchawhnak an ngei lio pi a si. SAC ralhrang cozah nih zeitluk in dah rian a țuankhawh. Cun NUG cozah zong nih zeitluk in dah rian a țuankhawh i ram dang he pehtlaihnak le chawnhbiaknak a ngeih khawh ti zong fiang tukin a lang cang lai.

UN Credential Committee nih Mipi cozah NUG a cohlang a si ahcun mipi nih teinak ngan taktak kan hmuh khi a si te lai. Atawinak in chim ahcun NUG cozah nih thil tampi phungning tein a duhmi a tuah khawh, a cawk khawh cang lai. Asinain, SAC Ralhrang cozah tu cu Ti a hmu lomi Thinkung bantuk a si te lai.

Zeiruang ahdah mipi cozah NUG nih teinak a hmuh lai Vawleicung tuanbia zohțhannak; Kum 1990 ah Haiti ram le Sierra Leone ram hna nih hramhram in uknak an rak la bal ve. Asinain UN credential committee nih an rak cohlang hna lo.Teinak cu Pathian ta a si caah mipi cozah NUG nih teinak nganpi a hmuh nakhnga Pathian sinah thlacam cio hna usih Pa Hen Thang.