Tuzan hakha thawngpang cu tih a nung ko nan chungkhar hna an i tel ve sual ma

Thawngpang

Nihin Hakha ah COVID-19 zawtnak ngei minung 20 hmuhchap Nihin July 17 Hakha sii-inn ah COVID-19 zawtnak check mi minung 35 an si i cuchung ah minung 20 zawtnak an ngei tiah kan theih lungthin nih a celh hrimhrim lo tuzan hakha kan thawngpang cu tih hi a nungtuk cang Pathian sin ah biatak tein thlacam ko hna u sih laimi cu minung nih le kan tlawmtuk caah thinphang taktak diarhmun kan phan cang Dawrhlun ပရရ ရုံးဝင်း in 10Khuathar မီးသတ်ကုန်း in. Khuathar sang chung in 6 an si zawtnak an hmuh dihlak cu mah vial kha kan thei khawh tawk a si The hakha times.

Thawngdang WHO Nih China Cu Riantuan Hawitha Si Dingin A Nawl WHO hruaitu lubik Dr. Tedros Adhanom Ghebreyesus nih Covid-19 a chuahnak kong zohfelnak voihnihnak an kal pi lio mi ah Taluk cu tuanpi tha si ding le WHO cu zalong tein riantuan ter dingin a nawl.WHO nih Covid-19 rai a chuahkehnak kong cu February thla ah khan a rak ngeih cang, mah an report ah Covid-19 cu Wuhan laboratory in a chuak mi a si lo, Papalak in a chuak mi a si tiah an ti.

Dr. Tedros nih WHO nih atu a kalpi lio mi covid a hramthawknak zohfelnak a voihnihnak ah Pandemic a thawk hlan i a damlo mi hna an data tling kan herh tiah a ti.Hihi a biapi taktak mi data hi a voi 1 nak zohfelnak ah Taluk nih a rak chim duh hna lo mi a si.

Hi WHO nih covid cu Wuhan laboratory in a chuak mi a si lo tiin a ruat thlulo ti a langhternak pakhat ah ruah khawh a si. Covid-19 cu Taluk Wuhan Institute of Virology i virus research lab in a chuak mi a si ti hi US president hlun Donald Trump nih biatak tein a rak au pi mi a si.

Dr. Tedros nih covid a dongcang ti mi ruahnak cu tih a nungtuk mi a si. WHO emergency committee nih virus variant tih a nung deuh mi a karh cuahmah lio a si i, a dongh naisai rih lo tiah an thanh cang tiah a chim.

WHO emergency chairman Didier Houssin nih “Atu hi virus hnu ah kan tlik lio a si virus nih hin kan hnulei zong im a kan dawi lio a si” tiah a ti.Corona virus ruangah nunnak a liam mi hi Africa ahcun zarkhat chungah 43% in an karh. Mah hi sii-inn an i daih lo ruangah le oxygen i daih lo ruangah a si tiah WHO nih a ti the chin post.

Leave a Reply