Uico ralhrang nih Mindat mipi Vanlawng in an kal hnaw cang hi tih a nung cang ko

Thawngpang

Mindat Ca Ah Thlacam Bawmhalnak Tuni July 21 ah Ralkap Ralhrang nih Mindat lei thazaang Pakokku in Mindat lei ah Motor 16 a thlah hna pin ah Vanlawng 1 in Minung a chap hna, Cun Ke in minung 100 leng kai an kal rih tiah theih a si. Cucaah kan umnak hmun cio in thlacamnak in bawm cio hna usih law.Mindat khua hi Myanmar ram ah ralkap Ralhrang kahdohnak ah hmaisuang an si chin morning star.

Thawngdang Ralkap Bokhat a zam mi pa nih hitihin a chim, rampi buainak hi kan duh cio lo, cunglei nawlngaihnak in ram hi kan uk mi a si, kan pu le nih tuah uh tiah an timi poh kan tuah, kan mah ralkap hrimhrim nih mipi nan tem ning le kan in thah mi hna hi keicu ka celh bak tilo i ka zam. Ka hawi le minung tampi nih zam hi an duh tuk cio hna, an zam khawh lo caah a si. a rauh hlan ah minung tampi an zam ve ko lai.

Ralkap uknak hi kan mah a chung riantuan tu zong nih kan celh cio lo. kan zam ah le kan chung le sinah harnak faktuk a tlung sual lai tihi kan phan caah kan i hne hna, a sinain a si kho tilo.

Hi uknak tang i lainawng peng dinghi a ho nih dah a celh lai. Khua a rak ruat kho deuh mi kan hawi le cu tuan tuk ah an zaam cang hna, minung tampi a zaam mi zong kan mah ralkap chungin kan tlaih hna i hrem a si caah kan tih. A tucu ralkap chung i um le lainawng nak cun kan thih le thih in kan zam nak hi a si, mipi nan tuarnak le nan thihning kan ruah ah kan celh cio lo.

Hi tluk uknak chiakha chung i ralkap tuan peng cu ka celh tilo i ka zaam nak hi a si. Ka zaam hi an thei lo, mipi hngalh le media nih hngalh zong ka duh lo ka mui le ka hmanhtlak zong ka tar duh lo a ruang cu hmailei ah ka chung le harnak an pek hna lai ti ka phan caah ralring tein thil ka tuah hi a si.

Leave a Reply