Victoria COVID Update Theih Hrimhrim Ding. Nawl Na Buar Ahcun $10,000 Dantat Na Si Lai

Thawngpang

Victoria COVID Update Theih Hrimhrim Ding: Tuchun tiang case dih lak hmuh mi 11557. Case thar hmuh mi “today” 671. Active case a ngeih cuahmah mi hna 6323. A thi mi dih lak 123. Aluancia sml 24 chungah a thi mi 7. Siizung a phan mi dih lak 385. ICU ah thlop cuahmah mi dih lak 38 Aged Care hmunhma in hmuh mi hna 1053. Kham mi areas chungah case a um mi 5900. Hlethlai cuahmah mi case pawl 590.

Coronavirus: Australia to close Victoria-New South Wales border ...

Erhkhumnak Kong Update Thar: Tuzaan 6:00 pm in Victoria pengkulh cu State of Disaster kan phan cang tiah thawng a thanh. Tuzaan 8:00 pm ah Metro Melbourne areas chung paoh cu CURFEW a si cang lai. Curfew a suallam cu leng chuah lo ding tinak a ti.

Police kha thawng deuh in nawl “power” kan pek hna lai i leng a chuak mi paoh motor kham in biahalnak nawl an ngei lai. Na umnak in 5 km chung tiang lawng eidin le herhhai na zal kho cang lai. Exercise tuah duh ah family pakhat ah minung pakhat lawng leng chuah a ngaih lai. 5 kms leng a chuak lai lo. Suimillam 1 lawng a rau lai. Curfew na buar ahcun $10,000 dantat a si
lai.

School kainak kong ah: 1. Year 11 le 12 cu online in kai a si lai. Inn in a si rih ko lai. 2. Year 11 tang hna cu a nu le pa rian tuan mi an dirhmun nih a pe bak lo mi hna cun an sianginn he tha tein ceihkhan in ni tlawmpal cu kai khawh a si ko lai. 3. Nu le pa a um mi paoh cu inn in online in cacawn a si lai. Tutan State of Disaster caan cu tuzaan in 13 September 2020 tiang a si lai. Note: Thaizing thawng a thanh ding mi ah cheukhat rian pawl khar ter ding le zawrter deuh ding le dantatnak kong ah police power kong tam deuh kan thanh hna lai a ti.

Mah ti fak deuh in erhkhumhnak kan tuah hi case thar kan hmuh mi a tam chin lengmang pin ah virus a ngei ko nain chimh ngai lo mi kan um ca le case a ngei mi pawl khawh ka in dah an i chonh ning a si ti kan dawi khawh lo mi a tam tuk cang caah a si tiah kan Premier nih a ti. Chirhchan: Tuchun Premier Press Conference. Cattialtu: Sang Hre

 

Leave a Reply