Vulei cung mi lutchuak: tambik nak Airport nih Vaccine Passport kalpi a timh.

Thawngpang

Vulei cung mi lutchuak tambik nak Airport nih Vaccine Passport kalpi a timh’Vulei cung airport vialte lakah mi lutchuak tambik nak Dubai Airport nih ramdang khualtlawnnak thawk than ding ah Covid Passport kalpi a hau tiah a ti.

Dubai airport chief executive Paul Griffiths nih “Thim ding dang a um in ka thei lo, kan tuah a herh mi hrim a si. Vaccine passport maw, a si lo ah i thleidannak maw, a si in ka hmu lo. Vulei pi huap in Vaccine Programme kalpi a herh ning a langhternak tu a si deuh in ka hmuh” tiah a chim.

A soisel mi nihcun Vaccine a la mi le a la rih lo mi thleidannak a si tiah an ti ve.WHO le World Travel & Tourism Council hna cu ‘Mi thleidannak a si’ tiin Vaccine passport kalpi a duh lo mi nih an ti ve.

WHO rian ngeitu Dr. Mike Ryan nihcun “vaccine passport hi kalpi awk a tha lo, a ruang cu cheukhat hmunah vaccine hi i tluk le aa rual tein pek a si lo caah a si” tiah a chim.

Vanlawng zuannak lei riantuan pawl nih ram dangdang cozah pawl nih phihkhar nak a phunphun in an tuah ruangah khualtlawng an tlawm tuk mi cu a si khawh chungin sersiam dingin hma an lak cuahmah ve.

Dubai airport hi 2014 kum ah London, Heathrow airport nih khualtlawng tambik record cu lonh in 2020 tiang a peh in kum 7 chung vulei cung khualtlawng tambik record a ngei lio mi a si.

Nikum Covid pandemic ruangah Dubai airport khualtlawng hi 70% in a tam caah an ram chawhlehnak serthan dingah khualtlawnnak kalpi than hi a biapi ngai mi a si.

Hi kong he pehtlaihin Griffiths nih “Dubai khuapi hi Vuleicung chawhlehnak le khualtlawnnak- Tourism hmun i hngatnak pakhat a si. A ruang cu Dubai UAE GDP 35% hrawng hi travel le tourism in a hmu mi a si caah a si” tiah a chim.Kum 2019 ah khan Dubai airport a lutchuak mi hi 83.3 million an si the chin post.

Leave a Reply