Wow, Singer Tha Chin Sung He Biaruahnak

Thawngpang

Singer Tha Chin Sung he biaruahnak
======================

Amah hi “Na Ka Pek Thuat ” timi hla dawh ngai in a kan sak piak tu a si. Hi, Chin Chin interview ngeih kan duh le caan na kan pe kho hnga maw? Ans: Aw e pe kho ee.

1. Na min le na chuahnak, Na umnak, na nu le pa min, unau zeizah nan si na kan chim kho hnga maw?
Ans: Ka lawm. Kei mah kan min hi Tha Chin Sung(ChinChin) ka si, ka chuah nak hi Hakha peng Bualtak khua asi. Ka than nak ka um nak tu hi Hakha si, Ka pa min hi Pu Kap Mang (tleicia) asi ii ka nu hi Pi Hlawn Sung asi, Ka chuahpi ka unau hi nu pa3 le pa 2 an si.

2. Kum zeizah na si in hlasak nai thawk i a tu kum zeizah dah na si cang?
Ans: Si ka lawm kum 12 ka si hrawng hin Biak inn ah hlasak ka rak i thok cang. 12-5-1994 ah ka chuak i atu hi kum 26 ka si cang.

3. A si cun hlachuah mi hna na ngei cang maw? Cun a chuak lai mi hla hna na ngei maw?
Ans: Si Bawipa zaangfah nak thawnginn Album cun ka chuah lo na inn, Youtube cun ka chiah ve cang, Si Bawipa nih can tha a ka zangdah rih ko ah cun, a chuak ding te te cu an um pah ko hi. Sitak e, Bawipa nih lam in hruai seh.

4. Hlasak zuamnak.hna ah na tel bal maw? Ans: Si ka lawm. Hlasak zuam nak tu ah hin cun ka tel bal lo..

5. Zei bantuk hla dah na sak deuh? Zei style khi hme na uar phun a si?
Ans: Si ka lawm kei ka sak deuh mi hla hi cu Country, Slow gogo, Reggae, deuh hi an si hna, Ka uar phung style tu hi cu, Country le Slow gogo deuh hi, ka aw hen zong a rem deuh in ka thei ii ka uar deuh, mah pahnih hi ka uar deuh hna.

6. Hi hnu hmailei ah hin tah zeitin hme karhlan nai timh?
Ans: Si Bawipa nih a ka zaangfah chung, caan aka pek chung hi cu amah rianthiang tuan hin, karhlan ka tim rih ko. A ropui tuk e. Bawipa nih lam in hruai ko seh.

7. Kan laimi lungput hi zeitin dah na hmuh ning si? Thlen a herh tin na ruah mi hna um maw?
Ans: Si ka lawm, kan laimi lungput ka hmuh ning hi cu atha tuk inn ka hmuh ko, cun a hlei te in ka uar khun mi cu ngeihchiat kan ton can le kan i nuam caan hna ii kan i hrawmpi mi hi a hlei te in ka uar khun mi an si, Thlen a herh ko ti ka ruah mi bal cu, mipakhat nih amah asi khawh tawk a thiam nak te chuah inn, a tuah mi thil khi athat pek achiat pek hawi a tluk lo pek ah athancho nak ding, thazaang pek tu si lo in, sawisel hna kan hmang tawn, cu cu thlen a herh ngai ko rua tiah ka ruah mi cu a si. Wow, na lungput te cu ka uar tuk hringhran. Muidawh, aw that hleiah na lungthin zong a tha tuk e.

8. A si cun ngamh hi muisam lei ah nai za fawn i tlangval pawl nih na single tima ti theih an duh le na kan chimh kho hnga maw?
Ans: kha kha cu thei a duh bak mi asi cun, pum pak te tu inn kan vun ii chim te lai cu ti…heee, Eee, si ko ne seh ti.

9. A si cun a donghnak ah mipi sinah bia chah duh hna na ngei maw?
Ans: Si ka lawm, a dongh nak bik ah bia chah theng ti si lo inn, chim ka duh mi cu, laimi vial te nih hin, apakhat nak bik ah, Bawipa tu hi lawmh ter hmasa peng ko hna usih, ti te kha vun chim ka duh mi cu si,
Cun Online, Youtube siseh a dang dang zongin, ka hla a ngai ii thazaang a ka pe tu, nan dih lak cungah, ka lawm tuk, ti te kha vun chim chap ka duh mi a si, Interview a ka tuahtu nan cung zongah ka lawm tuk fawn. Na caan sung na kan pek mi cungah kan i lawm. Bawipa nih lam in hruai ko seh.

Leave a Reply