Tathung peng Sinphyocun khua ah Cycle in phaisa kawl mi Ko Aung Pai cu Rallokap nih an kah i a ruak chungkhar sinah an pe duh hna lo,cycle 7 zong an chuh hna

Mon ramkulh, Tathu peng, Sinpyocun khua ah Cycle in phaisa kawl mi Ko Aung Pain cu July 24 zaanlei suimilam 4:00pm ah rallokap hna nih an kah i a ruak cu an kal pi, cycle 7 zong mawtaw cungah an khin i an i kal pi tiah khua mi hna nih an chim.

July 24 zaanlei ah Tathu peng Menikung khua khuabawi hlun U Myint Swe ti mi cu Tathu runvennak lei riantuan hna nih an thah i mah an thah hnu in rallokap hna nih thah mi hna cu an keneh zulh in an tlaih lio hna ah Sinpyocin khua ah Cycle in phaisa kawl mi hna cu rallokap hna an rak rat cu an hmuh tik ah an tih i an tlik nak ah mah a tli mi pawl cu rallokap nih meithal in peh zulh in an kah hna i Ko Aung Pai a thih hi a si tiah kan theih.

Anmah lei minung U Myint Swe an thah cu a that tu an kawl mah khua phanh ah Cycle in phaisa kawl mi hna cu an kah hna.A taktak ahcun Aung Pai te hi mithat tu kha an si lo.An mah le rian tein a um mi an si ve ko.Rallokap an hmuh tikah kan lau i kan tli.

Khoi ka kan tlik lai kan ti i an hmuh mi poh an kah hna.Ko Aung Swe cu a hmun ah a thi colh.A Ruak cu rallokap nih an kal pi.Cycle 7 zong mawtaw cung ah an khin i an i kal pi tiah khua mi pakhat nih a chim.Rallokap nih kahnak ah hin a thi mi Ko Aung Pai hi Kum 30 a si i a nupi le afa le a tantak hna tiah khua mi pakhat nih a chim.