Zualko:Rev.Dr. Hai Vung Lian nih mual a kan liamtak.

Thawngpang

Thau mi chung chuak lak ah pacan taktak a simi kan pa Rev.Dr. Hai Vung Lian cu Sizung ah can sau ngai chung dam lo in a ih hnu ah April 26/2021, zanlei 2:15Pm ah hi Vawlei nunnak in a kan dinh tak cang.

Amah hi Emmanuel Chin Baptist Church ah church pastor a tuan lio cuahmah mi a si. A nupi le fale 7 a tantak hna. Tantakmi mi chungkhar le Khrihfa bu dihlak kan ngaihchiat nak Bawipa tu nih kan hnem cio hram ko seh.

Relchap duh mi hna caah:A rauh hlanah President Joe Biden cu President a tuannak ni 100 a tling cang lai. Jan 20 ah President sinak biakam a tuah i April 30 ah ni 100 a tling lai.

Washington Post le ABC News nih US mipi nih ni 100 chung Biden riantuannak an hmuhning an lakmi cu thanhnak an ngei cang. US mipi tam deuh nih ni 100 chung Biden riantuannak cu an lungtling ngai ko ti a si.

Washington Post nih a thanhning ah cun a lungtlingmi 52% le a lungtling lomi 42% an si. ABC News nih a thanhning ah cun a tlingmi 52% le a tling lomi 39%, a karlak 3% an si.

US mipi tam deuh nih ni 100 chung Biden riantuannak an lungtlinnak cu Covid zawtnak kong a tawlrelning ah a si. Asinain US-Mexico ramri kong le mipem kongah cun an lung a tling lo tuk tiah theih a si.

US mipi nuai 226 (million) renglo nih Covid khamnak sii chunh kho dingin a tawlrel khawhmi kongah cun Republican lei hmanh nih an lungtling ngai. Asinain zeidang kongah cunPresident Biden riantuannak a thazaang a der ngai ko tiah US mipi nih an hmuh The chin post.

Leave a Reply